2010年5月19日星期三

5-19(wed) 李思捷@福祿壽

今個禮拜依然要講講近期每個禮拜最期待o既電視節目…“荃加福祿壽”!!! 基本上今集相對之前兩集係無咁精彩…好彩去到最尾有李思捷扮金句王o個part最大驚喜! 佢仲要係扮番我最鍾意o既“今生無悔”裡面o既黎明喎~~~!

嘩! 佢o既扮o野技術簡直係神級...我覺得齋講扮o野, 李思捷唔單止o係王祖藍之上, 直頭超越"歡樂金宵"一眾元老添...連黎明佢都可以扮得咁似...我"O"咗嘴...唔望住個電視, 我直頭以為黎明講緊o野...好o野!!! 我本來又係睇緊報紙都要被佢吸引到目不轉睛望住個電視!

簡直係神乎奇技...黎明係四大天王之中最難扮o既一個, 因為佢本身無咩大特色...係鼻音勁d囉…所以我無諗過佢可以扮得咁似! 連帶姚子羚都扮得似埋! 佢o個句: "如果這是情...多謝晒"...再加埋老黎個招牌動作...似到呢...! 仲有今次呢段串連“黎明金句”script都寫得好好…好頂癮! 李思捷簡直係我新偶像呀...扮咩似咩...好"他能-ted"! 同埋佢本身唱歌都好好聽!

仲有呢個節目呢期真係好hit, 同十個朋友講居然九個都有睇, 真係忍唔住要講番句: “我真係接受唔到囉~~~”…hohoho!

李思捷 - 黎明金句 @ 荃加福祿壽 15-5-2010…



對比番真身金句王廿年前的深情mv -“如果這是情”…



仲有李思捷o係99年叱咤第一次技驚四座o既表演…o係youtube點擊率都好高吓…之前好似post過…點都要再post吓! 雖然成十年前…但佢個樣又係無咩老到喎…



仲有, 李思捷扮郭富城唱“失憶諒解備忘錄”…都係好得…仲要真係跳得好好添~