5-18(thurs) 向世界出發

睇o左n集“向世界出發”…有部份都幾好睇! 我就唔係話好有深度要“思考生命的意義”o個隻…純粹係好睇咪睇o下囉, 好似當係睇“細說名城”咁睇o下唔同國家o既風土人情! 同埋, 阿總經理陳志雲先生做旁白都幾有趣…佢重操老本行, 但唔知點解同佢平時把聲有d唔同, 刻意去押低把聲扮king sir的“尋找他鄉的故事”tone! 都ok o既, 佢以“韋家晴”呢個身份做港台節目旁白做o左咁多年, 點都叫“pro”呀, 但佢身為無線高層又未免身份太混淆囉 (尤其佢呢期成功瘦身後不停咁作幕前演出)! 做高層應該專注做番高層…你都無見阿珍姐做o左高層之後仲走去監製劇集? 不過阿陳生係好有表演慾o既, 否則你唔會見到佢o係今年勁歌總選頒獎俾eason時o既勁搶對白場面…連曾志偉都忍唔住窒佢兩句! 不過話分兩頭, 我又好欣賞佢刻意將兩個“身份”分開, 做旁白/dj時用“韋家晴”呢個名, 做高層就用番真名“陳志雲”…(好似我o係呢度o既身份係電視精“芒姐”, 現實生活就…)

我最鍾意睇o個輯反而係近期胡杏兒去意大利o個幾集…輕輕鬆鬆咁, 佢又帶到o個種感覺出o黎! 之前o個幾輯家英哥呀, 羅蘭姐可能更有教育意義…但係未免有點heavy…我d咁“膚淺”o既人都係喜歡d內容輕鬆d o個隻, 好似胡杏兒去florence同埋周汶錡去搵長頸族o個隻就係我杯茶!

意大利人o個種他他條條, 悠然自得o既生活態度…好係我囉! 所以睇得人好開心…亦都真係應該令到為生活或者為向上爬而令自己忘記o左生活真正意義o既人, 去反思一下! 不過成個節目每一part都要link落生命度, 就有少少刻意, 但都可以接受o既…整pizza又話加咩材料係隨你喜歡, 好似生命加d咩色彩, 過得開唔開心, 都係你自己o既選擇…而呢一輯搵胡杏兒做亦都係揀o岩人選, 因為佢俾人o既感覺幾cheerful, 同埋佢係幾聰明, iq幾高o個隻, 所以應該可以對年青人有正面影響!

胡杏兒o既“醒”, 從佢多年來玩親遊戲節目都成為最終大贏家可見一斑…而且佢英文好, 呢樣不嬲都係我buy o既o野, 同埋佢形象開開心心 (唔理佢係扮定係真啦, 至少佢o係幕前俾人睇到係咁樣)…所以見佢主持呢個節目, 搵d人教o下佢手語, 整o下pizza, 整o下雪糕等, 都感染到佢o既快樂氣息…抵佢受力捧, 亦都抵呢個節目收視高o既!



前幾日收到一段搞笑片段“X尚義聲線高壓呀叔搭巴士途中問候後生仔”…可能大家已經都睇過…如果未睇過得閒去睇o下啦…因為好騎呢! 其實我覺得成段o野都幾假...不過幾好笑, 同埋個阿叔把聲真係幾次阿叔林尚義! 仲有, 呢段片未免太長...repeat又repeat同一個point! 唔通香港人真係咁大壓力?!

又, 調o左去禮拜三晚o既”無間音樂”之“點藏點樂點唱榜” , 尋晚播o左梅姐首“壞女孩”…其實呢個mv睇過好多次, 唔知點解今次先發現原來有四個當年o既“美少女”羅明珠, 陳雅倫, 江欣燕同埋戴蘊慧演出…實在太神奇喇! 仲播o左我同某君當年好鍾意唱o既飲歌“天生一對”(by夢劇院)…真係好好聽…當初應該唱呢隻歌去參加比賽啦…錯晒! (to某君: o係彼邦有無得閒拿番我o地自已灌錄o既“盒帶”出o黎聽呀? 我去k時成日都有諗起你o架!)

仲有, 尋晚o個集“勁歌金曲”請o左孫耀威同車婉婉上去唱歌 (主要係宣傳佢o地隻合唱歌“再見亦是戀人”…又係林夕x伍樂城o個隻碟o既傑作! 呢隻都幾好聽…同埋我幾欣賞佢o地搵呢jar無o黎啦間o既歌星crossover)…孫耀威唱番當年好好好hit o既“愛的故事(上集)”(其實下集都一樣咁好聽)…隻歌依然好聽, 但佢歌藝都倒退得幾勁…都話所有o野如果疏於練習都會好唔掂…劉華o既唱live技巧係最佳例子! 同埋, 我以為孫耀威係簽o左亞視o既添?!

“車玩玩”其實唱歌好得, 奈何佢咁多年都無咩代表作…或者係同谷底安o個隻“會過去的”都算係o既! 仲有一樣o野我唔明, 究竟依家“勁歌”新加o個個數番舊時個勁歌金榜環節, 係點去決定重溫邊年邊月邊個禮拜o既金榜o既呢?! 係咪睇o下o個次請邊個嘉賓上o黎唱咩歌, 就夾硬搵o下o個隻歌上過邊個禮拜金榜?! 如果唔係點會一時數91年9月, 一時又數94年11月咁random?