2011年5月16日星期一

5-16(mon) 花花世界花家姐

噢! 終於做完"洪武三十二"…今日開始做"花花世界花家姐"喇! 呢d女版"阿旺新傳"都應該唔會話十分吸引, 不過有林峯又有佘佘, 佘佘仲要扮低能…都有d新鮮感o既…點都要支持吓! 依家夜晚兩線劇集都走呢d輕鬆惹笑路線, 有d相似得滯…點解今次會咁樣安排呢? 同埋"阿sir"真係無想像中咁好睇…d笑位有時其實唔多好笑! 有少少失望!

亞視呢排深夜真係好多我曾經好鍾意睇的好戲…"大提琴與點38", "藍月亮"之後, 仲有"愛情跑道"…呢套又係麗的年代o既好戲, 10年前atv成日重播番呢個年代o既呢類型戲…好似"甜甜廿四味", "對對糊", 甚至"iq成熟時"…呢d都好係我杯茶囉! 仲有首主題曲好好聽, 有快版同慢版一式兩款…我仲搵埋mp3聽…正!

哈哈…呢幅圖好抵死…