2007年10月3日星期三

10-3(wed) 貽興王

今日睇“味分高下”見到貽興王, 可能呢期無再一日到晚每個節目都見到佢…反而感覺討好o左, 連個樣都好o左好多…! 都話食多係會滯, 無得食o既時候, 又會無咁反感喇喎…用o係邊個度都萬試萬靈! 點解無綫仲唔明? 咁樣捧人法係唔得o架, 本來不太反感的, 每日見都變得討人厭!

同埋貽興王玩遊戲, 的確好過佢做主持好多…起碼唔洗再搞爛gag, 同埋無咁口窒窒…活潑o左好多, 自然o左好多! 同埋有比較之下, 佢o既態度又好似好過鄧健泓好多!

依家佢o既“接班人”patrick哥哥, 就承接o左佢o既日見夜見…“味分高下”再接“勁歌金曲”…兩個節目都係太急於搏表現, 感覺over o左d! 同埋聽得太多台前幕後接觸過patrick哥哥的人對佢o既評價, 普遍都係話佢就算唔紅時都好招積, 依家鹹魚翻生一朝得志就更加…咁我唔知啦, 但係睇電視都特登留意o下佢o係“味分高下”o既表現, 睇o下d人話得佢o岩唔o岩! 行內人話佢人緣麻麻…螢光幕所見, 佢同嘉賓真係無咩交流…同前輩哈林亦都係貎合神離, 咁樣太唔識做人喇…人o地先係大哥, 做主持都要分庄閒, 你就算呢期紅, 點都要俾番d面前輩o架…呢d係做人應有的manner…尤其都你唔知自己可以紅幾耐添…?!

嘩! o係youtube睇到呢段好細個時已聽過並嚇了一跳的“西女人”錄音, 仲key o左落志雲總經理訪問李大美人的志雲飯局片段度…幾搞鬼…“李嘉欣爆粗錄音片段(惡搞版)”:



尋晚“無間音樂”播舊歌, 聽到呢首久違了的“白恤衫…因你變耀眼”…好經典, 以前細個好鍾意唱…sorry, 其實係到依家都好鍾意唱! 好趣緻o既一首歌…估唔到係bma老闆娘梁芷珊填詞, 仲有呢個tvb版mv居然有古巨基做嘉賓…點解會咁?



黎姿小姐的代表作…又點可以少o左呢首…“我只怨自己”!!!