2005年11月8日星期二

11-8(tues) 梁榮忠+朱慧敏+鍾麗淇+傅明憲

(續前篇)

總之梁榮忠今次就真係點補鑊都無用, 因為佢辛苦經營o既“好男人”形象已蕩然無存…仲俾人一種好無品o既感覺! 最好笑係搵譚校長o黎訓示佢…簡直五十步笑百步! 校長有兩頭住家係人都知啦…d人講笑話可能佢係要訓示梁榮忠點解去滾得咁失策, 影衰晒d男人! 哈!

但係無線就居然選擇俾個梁榮忠留低而要叮走朱慧敏…咁咪令人覺得更唔公平, 更惹人反感! 不過算啦, 可能又係宣傳招數, 棄一個留一個…咁咪有話題囉! 俾梁榮忠做台慶司儀, 有賣點有綽頭, 仲可能可以拉高收視添! 不過可能正如阿叻哥話齋: 塞翁失馬,焉知非福呢! 佢話:“佢選完港姐後都沒有工作,今次反而提高了其知名度。事件過後,她又可以出回來啦﹗”

咁又係, 娛樂圈最怕就係無新聞…過o左一排, d人又唔記得o架啦! 好似好勝gigi咁, 當年直頭行親出o黎都俾人hur到九彩, 依家d人咪又係唔記得晒…照捧到佢上天! 而朱慧敏今次o既犯眾憎程度亦絕對拍馬都追唔上好勝gigi, 同埋個“正印”阿鍾麗淇又絕對不能同邵美琪比 (唔係因為我係邵美琪o既fans先咁講…objectively, 真係咁呀嘛!), 同埋伊面當年sell o既 “情深”同梁榮忠一向都不大好o既record, 亦都係無得比…所以論震撼程度, 亦都差好遠!

Image hosted by Photobucket.com

又o係網上睇到幾段o野, d網友confirm o左鍾小姐當年真係梁榮忠同傅明憲o既第三者, 所以d人話佢無得好怨, 因為呢d叫風水輪流轉!!! 佢o地話, 當鍾小姐搶人o地男友o既時候,應該知道有一日佢亦會咁樣背叛佢…咁又係有道理喎! 同埋最抵死原來佢係當年拍「刑事偵緝檔案」o個陣背住傅明憲同鍾麗淇鬼混…跟住又係俾記者影到, 先爆o左出o黎! 所以睇到呢段新聞, 最開心o既應該係傅明憲 (sorry, 係我o地小人之心)! 真係“一朵鮮花插在牛冀上”…最諷刺o既係, 人o地依家嫁得好咁多…跟住佢就真係唔該晒喇!

跟住有一段仲抵死: “除了鍾麗淇外﹐梁榮忠最為人熟悉的是與傅明憲的一段情﹐當年忠仔更為了央求狗仔隊不要拍下他與傅明憲同車的照片﹐甚至不惜下跪。” 又係“狗仔隊”, 又係“同車”…佢真係同呢兩樣o野好有緣!

不過咁, 我覺得今次呢件事件, 應該係宣傳“刑偵3”o既最好招數, 事關呢一輯o既質素同之前兩輯差太遠…見到個鍾麗淇都唔係太想睇 (我承認我當年真係幾唔buy佢+佢個角色)…今次整單咁o既o野, 咪可以吸引到大批觀眾去睇o下佢兩個o既訂情之作囉…掂晒! 一家便宜兩家著! D timing又o岩晒…仲有十幾集咋就到, 大家記住去睇喇!