4-17(fri) G.E.M.

睇o左幾集8:30 o個套“幕後大老爺”, 其實都ok o既, 不過大家都知我唔多buy古裝劇, 所以感覺一般啦, 得閒會睇o下, fast forward o黎睇o個隻囉!

d主角其實我都ok, 馬國明同徐子珊雖然第n次合作, 不過都唔算太悶, 但係徐子珊額頭o個pat陰其實想點呢…超肉酸! 係咪特登要整肉酸d?! 同埋tbb叫佢去做歌星其實係咪想玩佢? 上次睇佢上勁歌o既live performance…跳舞係好吸引, 但係一講到唱功…um, 勉強好過傅穎少少o既! tbb安排佢做番戲或跳番舞咪好囉…點解成日要d藝員自暴其短?!

講番套“大老爺”先…徐子珊表面係良家婦女實則係殺手呢d劇情, 實在十分熟口熟面…諗諗o下原來係無幾耐之前套“少年四大名捕”o既劇情…未免太相似, 仲要係由同一個人去演繹…只係佢o係“少四”個look靚過呢個“怪陰”look o者…編劇可唔可以俾番少少誠意?!

前幾日睇報紙見到話原來阿G.E.M.細個有拍過etv…咁就去youtube睇o下啦, 原來佢自己post o左兩段出o黎! 佢細個個樣都幾得意…唔知點解我覺得有d似王菲細個o既時候, 又有d似路家敏同徐子淇 (呢個可能加埋佢o地講o野o個隻tone)! 而佢依家個樣, 唔知點解我依然覺得有d似翁美玲…?! 仲有, 佢細個把聲居然沉過依家好多…! 至於劇中做佢媽媽o個位女士, 我覺得有d似同黃長發展開忘年戀o個位karen auntie囉!

um…其實呢套etv又唔係好多年前, 都係千禧過後, 點解拍出o黎個效果同埋d攞膽劇情好似比八十年代d etv更八十年代o既? 好攞命! 我細個時睇o個d etv劇情都精彩好多!


(絕密G.E.M.童年教育電視(1)：金花學國語)

至於第二個故事, 好似好過第一個少少…起碼無咁頂癮! 阿G.E.M. d國語又真係幾好, 演技亦都ok, 起碼無隔離位小朋友咁作狀, 唱歌又得, 讀書好似話都ok, 個樣又算唔錯…呢個小朋友真係得天獨厚, 幾多才多藝, 前途無可限量!


(絕密G.E.M.童年教育電視(2)：小龜也探親)

仲睇到呢段…係佢05年參加咩“樂壇偶像選拔賽”…仲見到當年cream o個班小朋友訪問佢…oh, .sorry, 一拼埋一齊, 同佢同年o既李蘊感覺真係差好遠...真係sorry晒! 難怪G.E.M.可以紅咁多!


(GEM 鄧紫棋(G.E.M Tang) 樂壇偶像選拔賽2005)