2008年2月6日星期三

2-6(wed) 送豬迎鼠

仲有幾個鐘就踏入鼠年 (其實好似話已經踏入o左, 因為已經立o左春), 不過我o地呢d無知o既永遠都計年初一先係新年, 咁樣唔洗煩! 就o係呢度同大家拜個早年…祝大家 “送豬型鼠”, “紅噹噹飛吻”, “你最紅”同埋“孖寶668”啦! 哈哈! 講真o個句, 祝大家心想事成啦…呢樣最實際…雖然好少實現到!

發覺原來近7年, 每年農曆新年都會有twins同你賀年, 無人夠佢o地勁…每年一首新年歌, 04, 05年仲要2開4, 4再開8 (加入boy’z同埋英皇群星一齊唱)…今年無o左twins出o黎同大家唱新年歌, 係有d唔習慣!

無聊的我特登走去check過…twins出道以來真係幾乎每年都有一首賀年歌出o黎應o下節, 佢o地個image又真係最o岩呢個歡樂氣氛 (之後仲係咪就唔知喇!)…但係我搵唔到佢o地2006年o個首賀年歌係邊首呢? 同埋佢o地初出道頭幾隻碟d歌又真係幾好聽o既 (我指d歌本身)!

Twins賀年歌:

2002 孖寶668
2003 你最紅
2004四喜臨門喜迎春 (Twins+Boy'z)
2005八星報喜賀賀喜 (Twins+Boy'z+鄭希怡+吳浩康+梁洛施+李逸朗)
2006 ?
2007 紅噹噹飛吻 (Twins+草蜢)
2008送豬型鼠



(孖寶668…TWINS的最“得意”年代…至於個改編version, 都係改得勁抵死勁賤, 不過我唔會post o係度, 要睇自己去搵啦!)

以為新年前後可以收爐, 反而個火開得最勁, 日頭出o左去, 下午回來chur得好勁, 個個趕起新年前清埋d o野…好辛苦, 成個散晒, 因為要逼自己o係短時間內chur起好多o野…又有好多團年活動…所以搞到身心俱疲! 忙到連續幾日未上網睇報紙…miss o左好多o野, 勁“背”!

呢單新聞令到好多平時唔多講娛樂+好認真的親戚朋友都日日追睇蘋果, 話我連個陳冠希緋聞“family tree”都未睇真係好唔掂…蘋果娛樂版又真係幾抵死…個family tree detailed到呀! 嘩…真係不得不講聲: 好落力! 一定要睇, 好抵死…仲勁過“溏心風暴之家好月圓”個人物關係圖, 又緋聞, 又舊愛, 又好姊妹, 連敵人都有!

上年“問題娛樂圈”o個個畫關係圖環節…如果要畫edison一定考起晒d人! 阿嬌o個段o既分支都好勁, 又房祖明又佢老豆成龍…都好亂o下! 有朋友仲話唔記得阿嬌原來同余文樂有傳過緋聞…嘩! 當年o個段“射嬌英雄傳”+“f-u”事件咁經典, 連“左倫右李”演唱會都係攞呢段o黎笑…當年飛返英國o個程飛機, 都係靠“射嬌英雄傳”本雜誌陪我度過, 仲一邊睇一邊笑…因為真係寫得好精彩!

我建議“溏心風暴之家好月圓”抄佢o地個關係圖, 唔洗自己諗埋d咩誼女/養子咁辛苦…人o地個真實關係圖勁過你百倍, 用一半都已經可以拍一百集!



d記者又真係勁, 又畫chart, 又family tree, 又time line, 又chronology…仲可以憑d照片裡面o既蛛絲馬跡 (如月曆/手機款/髮型etc.) 知道d相係幾時影, 仲推斷到o個時係發展緊幾多角戀…勁過晒d查案戲好多!

同埋不停咁“濫用”“疑似”兩個字都好抵死…其實係人都知咩事, 所以加o左呢兩個字, 其實效果係更抵死! 陳冠希o個段“疑似塔利班”講話短片…都真係唔知點講, 其實講咩都無用…正如d網友話: “我 覺 得 如 果 佢 真 係 咁 有 歉 意 , 就 唔 會 一 路 龜 縮 o係 外 國 唔 返 o黎 面 對 受 害 人 。”…不過佢返香港, 都真係一定俾各路英雄打鑊甘!


(“疑似塔利班”講話短片)

同埋我feel唔到佢真係好sincere囉…又或者我有偏見…我承認我對佢少不免有d偏見, 累人累物, 仲衰過世紀賤男 (其實如果咁樣一比較, 車震男真係無做過d咩, 佢最錯就係一開頭唔認, 仲要屈記者, 咁人o地咪即刻發火玩謝你囉!)…你影d咁o既相仲要同咁多個女星影都算喇, 我當你真係你情我願+個人僻好, 但係你影得d咁露骨o既相而無好好去保管d相仲引致佢外洩, 仲要相裡面個個都係知名人士, 咁唔小心 (其實止唔止係唔小心?! 整電腦洗唔洗自己拿去整? 報導話電腦舖o個個人係佢d朋友, 講真…我打死都唔信佢無將d相周圍show俾人睇, 呢d咁o既o靚仔影得d女星都係想周圍炫耀…依家搞成咁你唔好話我聽佢唔洗負責任?!) 又咁白痴都死啦! 仲叫人銷毁d相, 當初你自己又儲埋咁多!

其實最唔明係點解d女仔咁都肯影? D auntie輩仲相信佢o地一定係被逼, 因為佢o地覺得d女仔無可能肯…實在係太唔了解呢個世代o既年青男女! 佢o地個樣好明顯唔係被逼, 可能真係好愛阿冠a啦…但係都要懂得好好保護自己, 如果唔想要叫唔好, 同埋話俾信任o既人聽嘛…所以佢o地都要負部份責任, 絕對唔係完全受害者, 佢o地o既家人朋友先係…無啦啦要為佢o地所做o既o野面對咁多追訪同壓力…佢o地自己當然要對自己所造o既o野負上責任, 但身邊o既人無份做又無得揀, 咪仲無辜…柏芝個仔, bobo男友etc.就真係慘到爆喇!

至於對或錯, 呢d你情我願, 無話o岩定錯o既…我只係覺得佢o地好傻! 成年人你鍾意做咩有自己自由, 放唔放任每人心中自有界線…不過我認同大家講話佢o地作為年青偶像更加要有社會責任…要做個好榜樣, 因為好多年輕人會有樣學樣!

不過正如好多專家所講, 今次係一個好好o既反面教材, 等d年青人更加明白唔係人叫你做咩你就去做, 愛情係盲目, 但唔洗盲目成咁, 做出一d自己呢世都會後悔o既事, 想返轉頭抹o左佢都好難! 咁多個我覺得bobo最慘, 反而阿嬌其實最終唔會有太大影響…鍾意o既會繼續鍾意, 仲會同情佢添! 可能仲可以擴闊戲路, 唔洗再扮可愛, 反正佢唱歌都唔得, 咪乘機轉營齋拍片囉!

d網友又真係愈o黎愈搞鬼…好有創意…


edison vs ladin


“基 於 案 件 有 新 發 展 , 據 知 身 在 美 國 波 士 頓 的 陳 冠 希 仍 無 法 平 復 心 情 , 寢 食 難 安 , 擔 心 未 來 的 前 途 及 如 何 面 對 公 眾 , 精 神 狀 態 近 乎 崩 潰 , 幸 而 他 現 正 下 榻 女 友 楊 永 晴 的 美 國 家 中 , 獲 女 友 安 慰 。”

um…你信唔信佢“寢 食 難 安”呀? 所有o野都係佢搞出o黎…你話佢部腦俾人hack咁都好d…佢影d咁o既相, 仲要係儲埋千幾張 (or more)…擺明就係會得閒show俾d朋友睇去炫耀一番, 跟住又明知有d咁唔見得光o既相都拿部電腦去整…咁唔保護朋友或自己的私隱…班女真係俾你累死! 我覺得佢先係最唔抵可憐! 至於偷人相upload的人, 擺明係唔o岩o架喇…呢樣o野已經唔係要討論o既範疇…

“是 風 暴 的 終 章 ? 還 是 另 一 股 颶 風 的 序 幕 ? 當 警 方 要 員 一 句 「 好 大 膽 」 豪 言 : 「 呢 件 案 o既 源 頭 已 經 搵 得 到 ! 」 不 足 24 小 時 後 , 六 張 疑 似 藝 人 的 新 淫 照 又 在 互 聯 網 流 傳 , 明 剃 警 方 眼 眉 。 萬 千 網 民 透 過 「 朋 友 」 關 係 以 電 郵 傳 閱 淫 照 , 警 方 不 得 不 承 認 , 淫 照 風 暴 很 可 能 存 在 多 個 源 頭 。”

最尾o個句先抵死…真係明“剃 警 方 眼 眉”… “萬 千 網 民 透 過 「 朋 友 」 關 係 以 電 郵 傳 閱 淫 照”…明“dai”警方就“發布”的定義亂o翕廿四, 後來出o黎澄清更愈講愈錯, 愈描愈黑! 麻煩你唔好今晚再開個記招解釋“朋友”的定義…!

仲有佢當初講o個句: 「 如 果 係 老 友 記 , 識 o左 好 耐 , 大 家 一 齊 睇 , 覺 得 好 正 , 問 畀 個 copy 我 得 唔 得 ? 咁 係 可 以 。 」…都ok輕佻…咩“覺得好正”…o係呢個身份呢個場合講呢句說話, 有d inappropriate…睇o黎警方呢次都有排俾人嘈…原來呢件事件, 最大o既“受害者”係警察叔叔!

“一 時 間 , 全 港 網 民 稱 兄 道 弟 呼 朋 喚 友 , 以 求 一 睹 新 一 批 淫 照 。 警 方 前 日 稱 , 向 相 識 的 朋 友 傳 送 淫 照 並 無 犯 法 。”

真係寫得好抵死…

“全 城 轟 動 的 疑 似 藝 人 淫 照 案 , 警 方 高 調 宣 佈 已 拘 捕 事 件 的 「 始 作 俑 者 」 , 昨 日 將 涉 案 電 腦 技 術 員 解 往 東 區 裁 判 法 院 提 堂 , 控 以 一 項 為 不 誠 實 地 獲 益 而 取 用 電 腦 罪 。 雖 然 警 方 指 稱 他 是 淫 照 源 頭 , 惟 辯 方 直 指 經 過 兩 度 搜 屋 , 也 沒 有 發 現 被 告 藏 有 含 大 量 涉 案 照 片 的 所 謂 關 鍵 光 碟 , 辯 方 更 於 庭 外 稱 : 「 影 相 o個 個 咪 就 係 源 頭 囉! 」”

…中到應一應…

“近 日 鍾 欣 桐 與 多 年 前 的 緋 聞 男 友 陳 冠 希 ( Edison ) , 捲 入 近 日 疑 似 淫 照 事 件 , 網 友 不 停 發 掘 有 關 兩 人 過 往 合 作 的 資 料 , 想 不 到 順 帶 連 Twins 01 年 推 出 、 由 林 夕 填 詞 的 歌 曲 《 女 校 男 生 》 也 被 人 翻 舊 賬 , 事 緣 當 中 的 一 句 歌 詞 「 誰 料 你 為 了 他 , 可 這 樣 不 雅 」 。”

救命…點解d網友可以抵死成咁…好啜核!!!

“報章摘要”完畢…大家鼠年快樂! 最後再送多兩個twins之前幾年o既賀年mv俾大家!


(你最紅mv…哥哥張國榮客串)


(紅噹噹飛吻 with 草蜢)