2012年7月27日星期五

7-27(fri) 瘋情三俠 + 王迪詩寸嘴講

嘩! 救命! 依家d人作d terms真係好抵死…"瘋情三俠"超級啜核! 有人話tbb應該食住條水, 搵佢地三個開拍"瘋情三俠"喎…:p


吳卓羲被爆狂發情慾話音短訊給富家女/
黃宗澤疑似偷食湖南乳牛柳岩/
林峯被指搭上新人吳千語秘撻內地女星劉羽琦

據港媒報道,無線小生吳卓羲、林峰及黃宗澤,近日連環被曝情欲史,慘變“瘋情三俠”!當中最驚曝是吳卓羲被指背著內地女友張馨予暗交富家女,更向對方瘋傳意淫微信!被蒙在鼓裡的張馨予,面對偷食鐵證,昨聲淚俱下曝出男方分手後一直落力求婚,而曾視男方為結婚對象的張馨予,直言對這段已逝去的感情感到絕望!

無線三大小生吳卓羲、林、黃宗澤連環被曝情欲史,齊墮愛情陷阱!繼黃宗澤被指偷搭內地女星柳岩導致與胡杏兒分手、林峰遭內地女星劉羽琦直斥花心後,吳卓羲又被指背住內地女友張馨予暗交富家女。三人不約而同因搭上內地女星惹禍,堪稱“瘋情三俠”。

富家女曝情欲短信

三俠中,以吳卓羲最為頭痕,之前被女友張馨予單方面宣布分手的他,昨日又被曝背著馨予另結本地富家女,兩頭瞞的吳卓羲,最終激怒富家女,決定曝料斬孽緣,並提供吳卓羲之前傳給她的情欲微信,作為指證花心男的鐵證,短訊半日間旋即在網上瘋傳。經記者查證,聲音和語調與吳卓羲本人有九成相似,且內容極之露骨兼意淫,吳卓羲水洗不清。 對於前男友驚曝劈腿,昨日在北京拍攝新劇《裸愛》的張馨予,接受本報電話訪問時直言感絕望,更寄語吳卓羲以後要一心一意對待愛情!張馨予又指吳卓羲曾向她求婚,她亦一直視男方為結婚對象,只是現已好夢成空。

張馨予=張 記者=記 

記:是否知道吳卓羲劈腿?
張:(聲線沙啞,似有哭過)是的,我不敢相信。
記:拍拖以來有沒有懷疑過他?
張:我們由09年拍拖直到分手,我一直很相信他,而且我們之間也沒有任何異常。
記:知道他劈腿會否很生氣?
張:沒有生氣,有些東西到了絕望的時候,是不會生氣的,還會生氣,就是還有希望。分手以後他一直有找我,前兩天他知道新聞要出街,還傳了很長的短訊給我,說有人要炒作,還說希望我相信他。這兩年我一直一心一意對他,今天很多朋友致電跟我說這事,我快支持不住了!本來雖然已分手,但我還是相信他,我現在很失望、很絕望!
記:你跟他拍拖時有否收過情欲短訊?
張:沒有,所以纔不敢置信!
記:會否不再相信這個人?
張:我希望他以後會忠誠的對待愛情。
  望他橕過這難關
記:拍拖時他有沒有對你不好?
張:這次的新聞是鐵證如山……他和我在一起時真的很好,即使他只有一天休息,也會飛來片場看我,再趕第二天的早機回去(香港)。我的腦子現時一片空白……(開始抽泣)這段時間,我一直一心一意對他,即使之前有新聞曝出(被拍得與李晨),我沒有任何的男人,我這邊從來沒有這種事(劈腿)
記:和他還是朋友嗎?
張:透大氣)是吧!我不會傷害他,我知道他現在一定很痛苦、很大壓力,希望他橕過這個難關,以後再遇到愛人,要一心一意。(嗚咽)我想過和他結婚的,我承受了很多東西……其實分手後,他一直還說希望回到以前,還是會求婚,但今天的一切說明我媽媽說的是對的,她知道有些男人是不可以付托一生的。(哭成淚人)
  
而吳卓羲昨日與徐子珊於馬鞍山拍攝《戀愛季節》時,則全程無厘神氣,不用埋位期間更玩自閉。對於被指一腳踏兩船,面對鐵證如山的吳卓羲仍死口不認,更堅稱沒與富家女拍拖:“不是事實!我從來都沒有和這個女子拍過拖,只是一場誤會,之後會發聲明澄清。”他強調富家女並非介入他與張馨予的小三:“每件事都是分開的。(馨予之前在微博暗示看清楚你為人。)她都沒有聽我解釋。”談到自拍裸照贈富家女,吳卓羲竟指是平常事:“朋友好普通的,又不是出浴照。”並避談情欲微訊發聲人是否自己。  

至於與張馨予現時關系,吳卓羲不欲多談:“私人感情事不想再講,不想再沒完沒了。”吳卓羲又指對於黃宗澤與胡杏兒分手感可惜,但不會在這時間予以慰問。


話說呢, 尋日去咗睇famous blogger王迪詩的寸嘴講…即係咁, 未講個show本身, 但個攞飛係我見過最混亂的! 係咁排到上藝術中心五樓…之前買飛仲要入數入銀行戶口再email張入數紙俾佢…煩到我想縮沙! 點知去到個安排都係咁混亂!

即係咁, 好多人睇完都話好失望…我就無失望, 因為我完全無期望! 佢第一次做show時我已經諗住去睇…絕對唔係因為我係佢fans, 而係我想知道呢個我一直深信 (睇完我更加深信) 唔係王迪詩真身的人, 會以一個什麼定位去講talk show!

Ok, 講番d歷史… 5,6年前, 有人推介我睇一個blog, 話係講法律界秘聞o既 (當時呢個blog尚未紅), 我睇咗少少, 絕對唔係話佢寫得唔好, 只係唔係我有興趣睇o既嘢啫! 咁呢d各有喜好啦! 同埋我唔係做ipo, 所以唔會太有共鳴! 不過我認同佢係寫得ok o既…但係, 一睇d文筆同講嘢口脗…我深信佢一定係男人! 再之後愈睇愈多唔同嘢同埋一d蛛絲馬跡, 我更加肯定! 再到後來, 就直頭係行內"公開的秘密", 好似話佢文章裡每個人都可以o係某律師樓搵到真人版對號入座 (呢樣我唔知啦, 因為我唔係佢讀者, 我根本唔知有d咩人物)…不過之後佢紅咗, 愈寫愈多專欄…我相信已經唔止係一個男人咁簡單, 似係集體創作, 即係"王迪詩"好似係一個組合咁 (你當係"cookies"啦…haha), 你寫愛情, 我寫職場, 佢寫對食物的appreciation etc. (你當佢哋係stephy, theresa, kary咁)! 而依家出o黎"現真身"呢位女士, 亦有可能係其中一位作者, 但絕對唔似一開始嗰個!



大家都知"王迪詩"係一個fictional figure, 只係我深信依家呢個行出o黎"現真身"o既"王迪詩", 並唔係一開始寫o個個啫, 就係呢個原因令我想睇吓呢位姐姐點可以以呢個身份出o黎做一個talk show! 須知道"棟篤講"係一件非常難o既事…聰明如黃子華都要籌備咁耐, 並唔係一個人一時三刻可以拿揑到, 並且出黎齋吹兩個鐘!

咁to be fair, 以佢有限嘅資源, 其實個show絕對唔算差, 佢度晒稿照讀o既內容, 其實都ok (雖然不是什麼特別精闢見解…但佢得一個人又咩props都無咁滯, 要拿捏到個節奏同笑位已經好難, 所以呢樣要give credit)…但要我再花錢入去睇佢講棟篤talk, 我又真係唔會囉! 真係要知道…唔係人人都可以搞棟篤講! o係香港我覺得唯一做到o既…應該真係得子華!

其實呢, 用文字寫出o黎同你用口講出o黎o既效果己經好唔同, 佢寫晒出o黎照稿run一次o個d (那怕佢講o既係你o係fb, 微博, 討論區都睇過n次的老生常談)都尚算ok, 但係之後個Q&A session真係唔應該搞…露晒底! 最尾有觀眾問佢"呢期我有好多friend engage咗之後反而分咗手, 你點睇呢件事?"...咁呢d其實你求其吹水都ok, 但佢真係吹唔到, 首先係好慢咁重覆咗條問題兩次去buy time (好似以前考oral小組討論時諗唔到講咩夾硬拖時間去諗)...跟住重覆咗n次之後: "oh, 真係好多個? 點會呀? 咁我諗你要叫d friend去睇吓風水!"...跟住再拖多一輪就話: "咁我諗佢哋真係好恐懼婚姻"(之類d廢嘢, 我唔記得exactly佢講咩喇)...我心諗...你的急才連港姐standard都未去到...你搞talk show?!?!?!? (sorry, "daisy"的fans可以唔好睇呢度…但我同d friend都真心戥佢尷尬…反應比我想像中更慢, 急才欠奉…所以我覺得佢根本唔應該搞Q&A)!

亦有網友話聽完佢電台開咪覺得好失望…呢樣我又唔知, 因為我無聽過佢節目! 我只係覺得佢把聲好似簡慕華! 唔好誤會, 我唔係話佢完全無料, 但真係絕對未去到可以開棟篤講的standard…其實佢哋個"王迪詩"團隊知唔知自己搞緊咩? 你推佢出o黎又開咪又搞talk show…其實係一個bad move! 個人愚見…呵呵!