2008年12月4日星期四

12-4(thurs) 經典再重溫之…萬千星輝賀台慶2001

適逢台慶, 又睇番d舊台慶…近十年o黎講, 2001年都算係幾好睇, 係比較人材濟濟o既一年…同埋某d位都幾好笑o下! 咁當然, 唔可以同廿幾年前o既“龍鳳呈祥”年代比!

首先最好笑o既當然係古天樂o既亂咁o黎…連隊名都o翕錯…好抵死! 仲要咩都唔識答, 又或者佢可能係特登pass, 等唔洗俾人out, 到最終只係淨番“至醒o個隊”同埋佢o地…呢d先係最醒! 但佢個睬你都傻o既嘴臉真係好得…笑死我!!!!

同埋我真係想講, 胡杏兒真係o係藝人之中算幾醒o架喇…成日玩親遊戲都係佢贏o既…


(2001台慶 - 一飛沖宵之… “綠翡翠”…笑爆嘴!!!)

如果你想睇full version, 或者睇埋阿鄧健泓或者胡杏兒/陳鍵鋒/楊怡etc., 可以睇呢度:



嘩! 當時佘佘仲好後生! 仲有佢o既“死敵”楊思琦小朋友…我記得我當年睇完佢做司儀o既表現, 真係“O”二個嘴…連講一句o野都要窒, 同埋背稿背到好似小學生朗誦咁…仲要佢無論聲線, 語氣定係外型都好似一個小學生…咁如果相比起o個時, 依家真係進步o左d! 同埋點解佢身材好o左咁多? 連個樣都好似好o左!

呢段勁好笑…除o左好笑在d“歌舞”(包括歌詞同動作)同埋要用繩砌d唔知咩圖案之外…最好笑係d運動裝, 女演員o個d都勉強ok, 男演員o個d真係唔知想點…咩設計o黎o架?



如果你想睇晒全部, 就自己click啦...opening都唔錯: