12-26(tues) those were the days

今晚o岩o岩又做完一年一度o既“新城勁爆頒獎禮”…不過完全無打算去講呢個頒獎禮, 因為一如以往地頒o左十萬幾千個獎, 都唔知邊個打邊個! 仲要幾十個巧立名目o既獎項, 睇o左五次都無辦法記得邊個拿邊個獎…d歌星自己本身都有d不屑…完全唔bother去扮o下興奮! 不過就咁當係一個show去睇, 都叫做幾多人睇, 幾多歌聽o既 (雖然每人唱得1/4首咁大把)… 仲可以見番好多你會以為已經o係娛樂圈消失o左o既歌手添!

仲有, 我想講…李克勤個形象真係好過以前好多…佢著西裝都幾好睇!

因為假期, 又睇o左少少“賭場風雲”…劇情就無咩想講, 只係覺得原來三哥苗僑偉, 真係同黎明幾似樣…之前已經分別有好多朋友咁樣同我講過…一睇, 真係覺得好似…佢o地先係男版twins!



又因為假期, 可以睇番我d珍藏錄影帶…搵到一段我o地去k好鍾意唱o既“蜀山奇俠之仙侶奇緣”主題曲“正義柔情永在”片段! 呢個係tvb版…卡拉ok版好似都係發瘟同松松姐姐自己拍番o架, 仲著晒古裝添!



仲咁o岩o係youtube見到個電視劇片頭版添…當時我麻麻地呢套, 反而好鍾意之前一年o個套 有紫青雙劍楊寶玲(紫)+李婉華(青)+警我師兄關禮傑版o既“蜀山奇俠”…不過睇番呢d片段, 都幾得意呀…全部都係好typical o既tvb九十年代初o既藝員, 有一半已經消聲匿跡…又曾航生, 又鍾淑慧, 又胡瀴汶, 又陳安瑩, 又歐瑞偉…當然仲有松松姐姐同鄭伊面! 我仲好記得做呢套戲時, 七點半檔係做我最喜愛o既“浪族闊少爺”…但係我就無睇呢套九點半檔o既古裝片喇!



post開“仙侶奇緣”, 當然唔少得呢套紫青雙劍+警我師兄版o既“蜀山奇俠”主題曲:“年少無情” (張學友+關淑怡合唱)….好好聽…又係o個句: those were the days! (最搞笑係我之前唱o既卡拉ok版, 居然係有未選港姐o既樊亦敏做主角, 仲要係玩劍擊囉…都幾九唔撘八!)



仲有一樣o野想講, 就係早排上山頂, 終於見番久違了o既burger king (不過無去食到)…呢個icon, 曾經o係我o地中小學年代都hit過兩下, 不過後來唔知幾時無聲無色 (死喇…係“無聲無色”定“無聲無息”呢?! 唔記得o左, 請賜教!) 咁o係香港摺o左…到幾年前去英國見番佢…o係“得唔到o既o野先係最好”o既principle之下, 我就寧願去狂食burger king都唔食麥記…因為o係香港成日有得食嘛! 依家o係香港終於都可以見番佢…好似同個老朋友重遇一樣…真係又係those were the days!

以下係一篇extract o左一段時間o既文章…係由當時仲未變身全職電視新人王o既才子寫o既…依家o既佢, o係專欄裡面五篇著o左三篇都係講自己做“電視新人王”o既見聞…真係唔該晒…!



王者漢堡
文： 王貽興

睽離多年的漢堡王悄然重臨香江，不說不知，十多年前，它也曾經在香港開過店，雖然未能成功跑贏麥叔叔，但八十年代也曾經跟麥叔叔爭過一日長短。我人生的第一個漢堡包，如果沒有記錯，就是漢堡王的芝士漢堡，那時北角新都城商場地牢的美食廣場有它的分店，那鮮明巨大的標誌，到現在我仍然印象深刻。說實的，我對於漢堡王的印象不深，只記得它的漢堡較厚肉，以及有脆薯圈吃而已。長大後一提起漢堡王就會想起旅行，因為它唯一的封地就在機場禁區裡面，無論我晨早上機抑或坐凌晨長途機離港，即使周圍快餐店關門不開，它仍然會在，喚起我對她，殘留的童年印象，並在每次離開前反覆印證。

想當年一到英國，在倫敦Piccadilly Circuit [芒按: 應該係piccadilly circus] 看到它立即要衝進去吃個Double Cheese Burger加芝士加煙肉，吃得眼淚直流，同行友人大感疑惑，大概不知道人總是記掛失去的這尋常道理。說到失去，以往除了麥叔叔，這城市還有各種快餐店出現過，卻始終無法在這被詛咒的土地落地生根，像曇花閃現又告消失。我試過在美國瘋狂找尋Wendy's和Jack in the Box的蹤影，卻芳蹤杳然，不知道是因為上天想我舌頭保留回憶最美好的味道，抑或它們已經悄然滅種。然而我沒有忘記，那豐腴美味的芝士煙肉焗薯伴我度過多少Mock Exam後孤獨溫習的無味時光，而有火雞芝士炸麵包粒的廚師沙拉和幼滑柔厚的蘑菇雞排包跟我兩小無猜的愛情的關係。我慶幸自己有過如此迥異而獨特的經驗，好讓我知道何謂選擇，即使選錯，也能印證選擇的珍貴。

這是個愈來愈沒有選擇的單一城市，我們往往因為方便和習慣懶於選擇，任由一店獨大，最終後果卻是由我們或我們的下一代承擔。如果不想我們的記憶因此而變得單一，就給自己和他人多點選擇吧！

[芒按: 咪就係呢度囉]