2009年3月4日星期三

3-4(wed) 關楚耀衛詩涉日本藏毒被捕

嘩, 近期d娛樂新聞 (oops…sorry, 人o地係A1頭條來的啊!!!) 真係鑊鑊新鮮鑊鑊甘…今次呢單一定要講啦…又係轟動整個娛樂圈, 不過我會consider係“爆笑新聞”一則囉…因為未免太騎呢, 同埋sorry都要講句, 你兩位未免太廢!


關楚耀衛詩涉日本藏毒被捕

日本共同社報道,日本警方日前以涉嫌違反《大麻管制法》為由,拘捕本港歌星關楚耀及衛詩。

報道指出,東京 警視廳澀谷署日前以涉嫌違反《大麻管制法》為由,當場逮捕了在香港等地發展的加拿大籍男歌手關楚耀(25歲)及英國 籍女歌手衛詩(26歲)。

兩人涉嫌於2月24日凌晨1時許在東京澀谷區道玄阪的賣場內隨身攜帶藏於煙草中的大麻。

警方表示,他們接到賣場報警電話稱「拘捕了試圖扒竊的一男一女兩名外國人」,聞訊趕到的警員在檢查關楚耀的物品時發現了大麻。

關楚耀供稱,「(大麻)是從香港帶來的。」而衛詩則否認犯罪嫌疑,稱「並不知道那是大麻」。


佢兩個本身俾人感覺已一事無成, 一日就係遊手好閒…唔係就係俾人影到拍拖…拍都唔緊要, 但可唔可以拍得有為少少? 兩個都廢到唔廢咁, 依家仲要咁肉酸o係外地俾人拉埋…仲要唔係藏毒咁簡單, 又偷埋o野…你知唔知個醜字點寫o架? 係人都知你o地係香港藝人, 真係影衰晒所有香港人…好失禮!

其實佢兩個吸少陣毒係咪會死呢?! (答案應該係會!) 可能真係high o左o野唔知自己做緊咩...否則唔洗玩到無o野好玩玩偷o野呀?

其實衞氏姊妹早前都已經被影射為“迷幻姊妹花””…人人都知係指邊個, o個時就應該戒o左佢啦, 真係要到出事先知驚…但最好笑係金句王黎生一被問到阿janice, 即刻駛出佢一貫o既牛頭唔搭馬嘴作風…咩“我覺得家姐呢件事再討論落去已經成為一個新聞性”…我rewind睇o左幾次都唔明佢想講咩?! 黎老闆你講o野真係玄!!! 勁!

跟住阿倫伯又要出o黎講一番“肺腑之言”, 咩有幾咁心痛呀etc…不過話時話, 我成日o係不同人口中聽到話其實關楚耀係佢親生仔而唔係契仔, 跟住睇落又覺得佢兩個有d似樣…不過我相信應該唔係o既, 否則阿關維麟無理由肯幫佢認o左佢o架嘛?

同埋其實呢單o野上星期二發生, 點解咁耐先爆出o黎o既?!

仲有蘋果o個幾張插圖真係好抵死...畫得超似!!!



仲有, 咁o岩睇到呢兩句…又係賤…:p

關: 你當我甚麼?
答: 我當你毒犯。