2007年10月1日星期一

10-1(mon) 慧妍愛心傾城廿五載

眾所周知我細個時都好鍾意睇無綫d大show, 例如港姐/台慶/勁歌總選東華/耀保良etc….每年台慶或港姐決賽, 仲緊張過自己生日, 真係會推晒所有約會唔出街睇直播, 有人o係我睇睇o下打俾我, 直頭想cut佢線…我d friend個個都覺得我癡線! 仲要記得晒每年1-20號佳麗叫咩名…讀書又唔見會咁好記性…! 當然, 近年已熱情不再, 但點都會錄o黎睇o下!

上星期六無啦啦有個慧妍雅集25年show, 咁當然都會錄o黎睇o下, 睇番呢d細個時瘋狂睇o既姐姐或auntie依家變成咩樣! 點知…sorry, 原來我一d都唔係fans…o個d出席o既ex-港姐, 真係有一半都唔識, 好多都係我未出世o既年代, 同埋大部份都係落選佳麗, 得獎o個d只得幾個, 仲要有大半都走晒樣, 唔係話d靚女靚開就唔會容許自己太醜o既咩? 但個個都嚴重走樣, 起碼肥o左三個碼…o個d四五十歲媽媽中年發福都話o者, 有d係近十幾年先選, 咁快走晒樣會唔會令人失望我望o左d?! 仲要係佢o地行出街, 可能普通一個師奶都會靚過佢o地…點解會咁o架?! 反而表演嘉賓張天愛同鄭少秋27年後都keep得幾好!

定係keep得好o個d, 全部都唔bother去參加慧妍雅集呢? 其實都應該有好多係keep得幾好o架…不過好似比較紅少少o個d一個都無去…即使話認得o個d, 都唔係話出名o個批, 只係o翕得出佢o地個名…點解出名o個d個個都唔參慧妍雅集? 真係忙到咁無時間? 其實加入慧妍都有好處呀…又可以幫o下人, 又可以提高知名度, 仲可以識多d人埋o下堆…娛樂圈最重要就係人際關係…一舉幾得, 點解d港姐咁唔support呢?

有出席o個d比較出名o既已經係楊婉儀, 朱凱婷, 李詩韻, 林漪娸, 趙翠儀, 或者近三年o既得奬港姐, 同埋d exco好似朱玲玲, 鄭文雅, 陳法蓉, 向海嵐, 黃愛倫…其他o個d都係o翕唔出名o既…真係戥配番d名落去字幕的仁兄辛苦…!!!

o係呢堆“港姐”之中, 忽然再次覺得陳法蓉幾靚 (對上一次忽然發現佢都幾靚係睇亞視“美麗傳說”時)…over40都keep得咁好…播番佢參選時同阿旦對答o既片段, 佢反而好樣過18年前…btw, 我仲有張陳法蓉當選時o既poster…因為o個期我真係有勁睇港姐, 仲走去香港電視服務站換港姐冠軍poster添!...實在太騎呢!

朱玲玲就真係好靚, 仲要好得體, 仲有阿“烟花雪”吳婉芳小姐都係keep得幾好…一向都幾buy佢, 同埋佢唱歌都唔差!

向海嵐雖然唔算好靚, 但俾人o既感覺都幾大方…其實上次睇佢娛樂直播訪問都覺得佢對答真係幾得體! 佢又幾勁喎, 咁後生做o左兩屆會長…其實佢細d aunties兩個round, 做得佢o地個女, d aunties點會選佢? 仲要連選兩屆, 係咪自己volunteer就做得?

本來見一開場好似好多人好grand咁, 但又真係大部份都係不知名o既…本來話簽o左亞視o既樊奕敏, 戚黛黛唔俾上台…終於都有呀! 隻主題曲有d似東華心o個隻feel…都幾搞笑呀! 原來90年有過一次周年活動叫“慧妍光輝顯愛心”…但我又真係無睇過喎! 反而2002年港姐30周年, 就真係請到幾多歷屆港姐出番o黎…呢個我記得!

嘩! 原來香港有間保良局慧妍雅集書院, 真係唔講唔知! 好搞笑…點話俾人聽我讀慧妍雅集書院… 會唔會以為係選美學校o黎o架?!


(呵呵…internet真係好勁…居然搵到我其中一屆最鍾意睇o既91年港姐都有人upload o左…非常唔錯! 呢一屆又係曾經勁睇o既一屆, 因為o個時6年級, 好早考完試, 所以6月開始就已經可以狂睇電視, 準決賽同決賽我都有勁睇, 連當年明周每年決賽前必以佢tip的三甲人馬做封面 [而又必中o架喎!] 的那本明周, 依家仲o係我屋企! 可見o個屆我係睇得幾落力o架! 呢個opening我覺得做得好好, 好warm又好grand! 如果你想睇埋其他parts, 自己識[手禁]o架啦…呢屆真係值得推介, 連準決賽都好好睇!)

延伸閱讀: 香港小姐@芒姐再現:

2007年度香港小姐



2006香港小姐



2005港姐謝師宴



2004香港小姐



2003給香港小姐



1994年度香港小姐選舉



1993年香港小姐



1991香港小姐選舉


嘩, 好得呀! Wiki d港姐資料detailed到呀…美中不足係居然無o左80-86 o既參選名單!!!

香港小姐競選- Wikipedia


(呢段好搞笑…李克勤+盧淑儀@1992香港小姐…睇克勤d訪問講過, 佢o地去英國拍外景時, 其實已經同d佳麗混熟o左…可能其實選o既時候已經有d o野…)