2005年12月10日星期六

12-10(sat) “法言人”

(續前篇)

繼續講埋“識法代言人”先! 某人有日同我講: “o個套咩‘法言人’幾好睇喎!” “法言人’? 簡直係繼“刑事偵”後又一精彩short form…呢個名…掂呀! 跟住佢尋日又好緊張咁同我講: “嘩! 報紙話有好多人已經睇厭o左胡杏兒, 尤其係佢同阿姐o既組合…咁佢咪好慘, 無線可能會無咁重用佢…!” 佢咁認真咁走出o黎, 我仲以為佢有d咩緊張事要講…原來佢咁喜愛胡杏兒…真係一路都唔知! 我話: “o者! 無線又點會因為d人o既說話而捧或唔捧邊個呀?! 不過一年有成5套戲俾胡杏兒擔, 我都覺得睇到好悶喎!”

好似本來唔係諗住上呢套戲, 但因為要食住阿姐同“野蠻奶奶”個勢…所以改播呢套劇! 係咪因為咁連主題曲都趕唔切錄呢?! 定係驚d主角爭唱主題曲, 所以索性唔要, 等佢o地無得爭? 不過呢個可能性不大…又有邊個夠膽同liza姐爭呀? 但就算唔整主題曲, 個主題音樂都唔洗咁鬼長o架…搞好耐都未播到套戲!

講番大家對此劇不滿之處:

容將軍話最不滿就係佢o地一日到晚都開會, 仲要居然為一單case都要全公司上下一齊開會discuss, even唔係律師o既胡杏兒都要involve…好落力o下…簡直離晒大譜喎! 平時一個律師都要handle幾十單case, 點會為o左一單case全公司上下一齊開會discuss?! 但我覺得呢個某程度上都情有可原o既, 因為依家係做戲嘛…佢唔involve多d人, 你一言我一語, 每人發表o下意見, 咁顯示唔到d人物性格o架嘛! 同埋如果你得兩個人discuss, 就無咁有趣味性喇!

佢同愛妃亦話好不滿第一集阿姐講o既“有二十五六個證人”…我都覺得呢度有d騎呢…邊有人咁講o架?! 25就25, 26就26, 再唔係就廿幾啦…點解會有二十五六個咁奇怪?

另一樣頂唔順o既就係每日都要玩一次家庭分組問答遊戲…未免太多喇…太hardsell夏雨o既博學多才…不過唔講我都無留意, 原來一日“哈哈哈哈”o既佢, 係扮緊黃霑…我太渣喇! 仲有唔該唔好夾硬要安d nicknames俾d主角…“狀媽”前“狀媽”後…好刻意! 同埋, 又有無人會真係叫自己個“恩師”做恩師”o架?! 會唔會odd o左d呀? 我反而欣賞直呼胡杏兒全名“沈一言”呢 一part…最鍾意人哎全名…好型!

最odd o個part就當然係第一二集勁玩o既食字位啦…由一個“序”開始, 佢o地成圍?七個人keep住o係度玩食字, 又“罪有應得”, “罪加一等”, “罪無可恕”…一輪嘴咁! 一人講完一round算啦…點知仲係死唔斷氣…繼續講落去, 仲要第二集仲o黎多一round…想點呀? 識唔識見好就收o架?! 連我呢d咁鍾意玩食字o既人都頂佢唔順…over晒!

另一個懶有趣位就係呀“senior partner”魏駿傑講解佢棚“藍牙”, 又勁玩食字, 但又係over o左! 不過佢成日o係間firm?面用hands free周圍走傾電話同埋d說話內容, 都好寫實!

另一樣集集都做一次o既, 就係每次有法庭戲都“引經據典”…加入夏雨o既元素, 又係over o左!

仲有佢o個d過份“內行”o既詞語, 懶係做足搜集功夫, 但係其實突兀非常…今次又咩“老爺”, “對家”, 之前“法網依人” o既 “PNG”同“PG” (令我諗起“PG家長指引”…題外話: 大家記唔記得第一套出現“PG家長指引”呢樣o野o既劇集係邊套呀? 之唔係我最喜愛o既“刑事偵緝檔案2”囉!)

唔知點解呢幾年o黎有咁多法律節目…記憶所及有2002年o既“法網依人”, 2003年“律政新人王”, 2005年“老婆大人” (一半關於呢行啦!)…仲有呢套“律政新人王” o既翻版…不過精彩程度差好遠! “律政新人王” young & energetic好多, 某d位仲幾好笑, 更有我好buy o既林峰! 呢套就好多位都好刻意…同埋學阿姐話齋係sell親情…個focus完全唔同!

有人叫我一定要睇呢個節目, 學o下d人情世故喎…事緣o個part講到pizza姐“塞錢入陳鍵鋒個袋”…教佢o係庭上最大o既敵人係邊個呀? 陳話:“係對家!”….阿姐好型咁話:“錯! 係老爺!”佢話要捉到老爺o既喜好, 勝算先會高! 嘩…真係好似講o左d咩真諦俾大家聽咁…唔該晒!

平心而論, 如果作為一個普通觀眾, 我相信呢套會係幾好睇o既一套戲 (雖然完全比唔上“律政新人王”)…可惜我入錯行!