2008年3月24日星期一

3-24(mon) 少女日記

之前有讀者post o左段亞視節目“少女日記 o既 MTV”…又幾得意喎, 有羅頌華哥哥, 又有舊香港 (尤其係灣仔) 景色…仲有好多歌仔聽! 同“藍月亮”好相似…亞視八十年代尾/九十年代初o個d節目都係差唔多形式…不過又真係好o岩青年人, 有咁多好聽o既hit歌…係正呀!

但係呢位靚姐係邊個o黎o架?!


(少女日記 MTV (1) …幾時再見)

search o下係咩節目啦…原來之前有朋友留言時都有提過…係一個主要播mtv o既節目…第二個mtv係我細個時最鍾意o既草蜢歌曲…“心中的歌”!!! 小學時搭校車返學成日都聽到o架…正!


(少女日記 MTV (2)…心中的歌)

講開“少女日記”, 其實更為人熟悉o既係有林志美首經典歌“偶遇”做主題曲o既電影“少女日記”!!! 雖然嚴格o黎講呢套唔屬於我年代o既電影…但以前電視台重播我都好似有睇過…不過女主角我真係唔識…反而男主角…wow! 當年的飛魚王子 (唔係方力申), 依家“愛多八十年”的福仔御用mv男角…鄧浩光是也!!!! 又係一絕!!!


(少女日記之偶遇 預告片)

前幾日睇梁朝偉o既片段, 佢講英文真係算幾好喎…之前已經覺得o架喇…佢o係邊間學校o架? 定係外國返o黎?!

Oh, 原來播完“酒店風雲”, 接住上係播“賭場風雲”…真係“風雲三步曲”!!! 下一套係咪“歲月風雲”?! 但又真係未免太快呀嘛? 其實“賭場風雲”都好似係06年尾/07年頭o既戲o黎咋喎…點解咁快就重播?