2015年2月18日星期三

2-18(wed) 四個女仔3個"BRA”

近年d法庭戲的確比以前寫實咗好多, 但相對亦悶咗好多…因為其實愈寫實o既嘢, 往往愈yim悶…嗰d咩唔記得攞埋師傅之後幾個月diary就上庭俾官fix咗一個師傅唔得閒o既date咁寫實但濕碎的事情, 同你由一個人起身擦牙洗面都拍埋出嚟有咩分別? 如果講劇情, 都係以前“壹號皇庭”嗰種dramatic的情節好睇d!


不過呢套都唔算差, d感情線其實寫得幾好…呢part仲寫實過d法庭戲…估唔到鄭子誠同唐詩詠做一對居然出奇地襯同好睇…咁多對我最鍾意睇佢哋! 另一條線阿黃子恆又係好鬼型…比起n年前拍“衝上雲霄1”直頭兩個人咁!


而主角嗰四個女仔又的確幾青春活力…同埋四個作為新人都做得好唔錯! 四個之中又以何雁詩做得最生鬼最出…佢個拍檔另一個超級巨聲阿林景程都進步咗! 何雁詩其實幾有演戲potential! 另一個我覺得幾驚喜o既係劉佩玥…做得幾自然! 仲有, 做佢情敵個李佳芯都好得…幾靚幾有格! 佢做10:30蘇民峰個風水節目其實靚過晒d細佢十年o既o靚妹!


喂…tvb新年之後00:15檔將會重播"衝上雲霄"...呢個要睇啦, 尤其頭幾集人靚景正, 雖然睇過n次, 但都不能錯過 (特別係當電影版爛成咁…:p)!

3 Comments:

Anonymous 匿名 said...

四個女仔 呢套我係集集都追,個人認為鄭子誠同唐詩詠最好睇,同何雁詩做師徒都唔錯。
p.s. 終於等到你update la! =] 新年快樂芒姐~
泥鰍

6:25 上午  
Anonymous 匿名 said...

李佳芯OK,不過你覺唔覺佢成日演第3者? 呀家燕姐個套就直頭做隻狐狸精!
4個女仔好多DETAILS執得好靚.法庭場口見到佢地D文件有哂HIGHLIGHT同STICKERS. 記得有一場鄭子誠入COURTROOM時同個庭警點頭打招呼.好啱呀,佢應該係同個庭警成日見!
有場呀何雁詩同"BRITTANY"响屋企著住睡衣門鐘响冇肯開門D表情同對白好真實! 睇新人就有呢個好處,冇咩技巧但反而有D真表情,唔似演戲多年演到"滑哂AR"太似做戲. 呢個都係衝上雲霄1咁好睇原因之一.

溫哥華匿名人

10:28 上午  
Blogger 芒姐 said...

泥鰍: 新年快樂...雖然已經過咗幾個月...haha!

溫哥華匿名人: 李佳芯個格的確係幾適合演第三者o既...我係男人都冧呢d...haha!

5:33 下午  

發佈留言

<< Home