3-6 (thurs) 夢~悄悄的飛過夜晚~~~

嘩…依家每晚都真係好busy呀, 事關歲月留聲台終於重播足本”我和殭屍有個約會”! 其實佢一開台大家都已經估一定好快重播亞視最經典神劇“殭屍”, 點知都搞咗一年幾先重播…其實遲咗囉! 雖然睇過十萬九千次, 但重播殭屍又點可以唔支持吓?! 依家好乖咁每晚盡量12:30前返到屋企洗晒白白坐定定咁睇…仲要約埋那些年寧願一齊追劇都唔一齊溫書的同學仔一齊重溫 (好彩當年大家都順利畢到業), 再即場discuss劇情…實在又係回憶返埋嚟! 

一聽首主題曲響起, 就真係好似帶我返番十幾年前, 重溫嗰種追劇滋味…百感交集…差d相喊出嚟(無誇張)! 雖然睇咗十九幾次…但d劇情依然會唔記得, 每次睇番依然咁精彩…所以話, 同大家一齊集集追, 一定好過自己睇dvd, 別有一番情趣! 

況天佑堅係幾型…難怪我當年咁迷佢! 仲有到依家依然keep得咁好o既馬小玲…d短裙+棉“立”仔真係好索囉…咁多年後睇番殭屍, 依然好好睇, 一d都唔out! 真係除咗係一種情意結之外, 本身套劇亦係高質素! 

Tbb嗰兩線劇我就真係無咩睇喇…反而10:30嗰個扮相睇節目“搵個好男人”…有時都會睇吓! 大部份時間都幾悶, 但偶然都幾好笑! 同埋我想話睇完呢個節目我對莊思敏莊思明兩姊妹加咗分囉! 個家姐雖然寸寸貢又成日覺得自己好靚咁, 但幾真性情, 同埋有時都寸得幾有point…而更重要係, 其實我係like寸的人的! 個妹就對答十分大方得體…其實佢攞港姐季軍係實至名歸o既!

仲有…”崢澤戀”雖然預咗佢會散, 但估唔到散得貢快囉…!

最後, 當然係我本人都要重溫番…芒姐和殭屍有個約會啦…

2006-7-21(fri) 我和殭屍有個約會

2006-7-22(sat) 我和殭屍有個約會2

2006-7-23(sun) 我和殭屍有個約會3

2009-9-1(tues) 我和殭屍+律政都有個約會…點算?!