2006年7月22日星期六

7-22(sat) 我和殭屍有個約會2

(繼續兩年前的芒姐日記)

就係因為“殭屍1”口碑極佳, 亞視緊係要食住個勢啦! 又英國又日本外景, 又叫o左一jar外援o黎增加氣勢, 又懶勁咁o係亞視網頁度整o左個“我和殭屍有個遊戲”, 仲搞埋d咩首映禮添…今次就真係大製作…但大製作通常都=唔好睇!



通常拍續集懶係勁咁就反而唔及第1輯好睇…仲係差好遠o個隻 (我同10個人講有11個人都係咁話…!) 有時唔係一定大cast, 大堆頭, 大灑金錢就係好…亞視其實最強o既係以低成本去拍一d好有創意o既劇…就好似7年前開拍“殭1”咁!

至於“1蟹不好1蟹”o既定律就永遠都唔會變…除o左我勉強可以同意“刑偵2”係好睇過“刑偵1”之外!



“殭2”加入o左太多角色, 搞到主線都要分好多條, 好混亂! 同埋又要加好多元素落去, 上一輯本身已經有佢一定o既複雜程度, 第2輯再加o左好多o野, 仲要解釋埋前一輯d o野…太heavy喇!



楊恭如依然o係度已經係一樣令人好唔開胃o既事情; 再加上靠“殭屍”打響o左名堂再跳入“女人dot com”埋曾華倩堆, 然後認識埋吳君如, 再跟埋佢去主持電台節目+拍電影而變成hill得很o既杜汶澤…感覺幾克人憎o下! “殭1”時佢作為一個寂寂無名o既亞視2線演員 (唯一o既印象就係佢曾經o係“97變色龍”度扮祥哥個仔…即鄧兆尊), 反而幾搞笑幾討好…簡直有種亞視周星馳o既感覺! 但到“殭2”佢紅o左懶串懶funny懶有型就真係令我好反感!



“殭2”雖然比“殭1”遜色好多, 但都叫做有番個“譜”呀…個故事同埋d人都仍然有番“殭1”個形o係度, 至少馬小玲同況天佑都未係太走樣…仲有o個隻原聲大碟, 佢一出我即刻仆o左去買, 仲聽完又聽添! 隻碟仲有一隻歌係馬小玲同況天佑自己唱番, 加埋好頂癮o既讀白…都幾好笑o架! o個期仲係我o既favorite song, 聽完又聽聽完又再聽!


(嘩! o係youtube搵到一段片有晒“殭1”+ “殭2”o既主題曲…初時覺得王馨平o既“夢裡是誰”最好聽, 好o岩呢套劇o既feel, 一聽到隻歌就諗起套戲o既畫面, 後尾聽聽o下蔣家瑩o既“假如真的有個約會”都唔錯啊!)

點知到o左“殭3”, 成個故事同埋d人都完全人面全非…直頭好似變o左另一個劇咁!

我o個時仲瘋狂到買o左幾副colour con去配合劇中不同級數o既殭屍有不同色眼睛o既橋段…當然, 亦都唔排除係因為咁o岩我去配con而見到佢特價推銷colour con所以被吸引買o左…不過我可以話俾大家聽…colour con係非常唔好戴o既, 我懷疑會幾傷眼添!



(下期續)