6-3(wed) 大咕窿

“老婆大人2”終於做到結局篇…同上一輯真係差好遠…同埋左抄右抄但又抄得太明顯! 繼調錯bb o個單case之後, 又有我覺得同當年袁詠儀+舒淇主演o既電影“怪談協會”其中一個單元好相似…唔知點解o個套戲只係o係電視播時睇過一次, 但令我好深刻…講袁詠儀+舒淇樣樣都好相似, 漸漸袁詠儀仲俾舒淇取代埋, 個個以為舒淇係佢…勁驚! “驚”唔係在於佢o既恐怖/暴力/血腥…反而係佢o既“平實”…因為咁先有戲味! 就係因為呢套令我好深刻, 所以我一睇“老婆大人”今個星期o既預告片, 就覺得好似囉…

“怪談協會 (1996) 之 《搵替身》 導: 葉偉民 編: 王晶
(警告：千萬不要租屋給一個年紀、外型、相貌跟你相似的人)

阿敏(袁詠儀)是一個廣告明星，她跟男友阿生(盧慶輝)同居。一天，阿生要到上海出差，阿敏怕自己一個人無聊，所以貼出租屋啟事，遇見了一個城市大學二年級的女學生阿淇(舒淇)，兩人無論在年紀、外型、相貌都非常相似，唯一的差別就是阿淇身材比較好。阿生從上海回來之後開始與阿淇有了曖昧，阿敏也發現越來越多人將她與阿淇搞混，然後慢慢的，他們之間的身分也逐漸被取代，除了兩人之外，不再有人發現誰是誰，無奈的阿敏找尋神父(徐錦江)的協助，發誓要奪回自己的身分，在這個詭異的遊戲中，誰才是真正的替身？”

原來好多朋友都有留意“大咕窿”呢個節目…因為大家都覺得有十萬個騎呢! 本身呢個遊戲已經玩o左好幾年, 仲要係一d新意都無o個隻…你話o係“獎門人”做其中一個環節都算喇…有咩可能自己可以分拆開成為一個節目? 實在係匪夷所思!!!

而“謎”又真係一個好頂癮o既節目…佢講完d“案件”去番謎女皇+adam鄭+謎女郎o個度o既時候, 仲要成日都有故事性o個o下抵死…謎女王o既演繹係好浮誇, 但我鍾意佢…超好笑!
前兩日無意中睇到一篇舊報導, 發現容惠雯原來係黎漢持個老婆 (應該都有一兩個朋友同我一樣記得佢o地o卦?!)…真係完全估佢唔到, 唔係話佢o地唔襯…只係我從來都唔知佢o地有“啦間”…正如當日睇報紙話胡諾言同陳琪結婚一樣!

如果唔知我講邊個…可以睇o下呢度…【倚天屠龍記】逍芙篇之黎漢持容惠雯版: