1-9(wed) FACE TO FACE @ 2013 慈善星輝仁濟夜

omg, 上星期六電視居然有face to face! 廿年後居然有機會見到佢哋重現螢光幕…而我居然唔知道, 同埋因為睇歲月留聲台嘅85亞姐決賽而miss咗一半…真係激死! 好彩youtube有得睇番…但點解成個show唱得嗰半首咁少? 有無搞錯?! 播多d都唔駛死呀? 吳少芳o既故事咁勵志, 其實真係應該講多d俾依家d年青人聽, 等佢哋唔好郁d就覺得自己係全世界最慘又要生要死...有時我真係想講句: “你唔好去死!”

仲有, 我想講蔡慧玲真係仲靚過廿年前…keep得好好!



(Face to Face - 一些 @ 2013 慈善星輝仁濟夜)

搵搵吓居然搵到我12月1日去睇o既"十大過四十”音樂會face to face演出片段…呢段好睇過仁濟好多啦! 完整好多…感人好多! 值得推介! 睇番佢哋90年代d相再睇埋佢哋現場唱“一些”同埋”情迷milano”…真係好感動…literally睇到想喊! 同埋我睇到o既係真摯o既友情…真係好少可以o係樂壇組合度搵到!



(吳少芳Jodi & 蔡惠玲Connie (Face To Face) - 十大過四十@那些歌.那些年.音樂會)

就係因為睇呢個85亞姐決賽, 令我miss咗一半face to face o既演出…不過呢d舊show又真係幾好睇! 阿黎燕珊姐姐當年又的確係好靚喎…抵佢攞冠軍…靚過同屆港姐謝寧好多! 但點解佢近年形象會變成咁?! 同當年的清純未免相差太遠!



而阿卿姐…真係女大十八變…我腥俾d朋友睇, 居然無一個認得佢! 右上嗰幅睇睇吓仲有啲似譚玉瑛姐姐添!



我要講多次, "今夜不設防”真係好好睇…當年細個真係未識欣賞, 好彩依家有得睇番! 上個禮拜除咗訪問曼玉祖賢清霞, 仲有林燕妮…黃霑o係佢面前真係死狗咁款…好搞笑!

oh, 我又addicted to“變色龍”…最鍾意一路睇一路搵番d景物, 對比番三十幾年後呢度依家究竟變成點呢? 好得意! 同埋魏秋華真係幾靚!

睇咗少少下午”首播”o既倉底劇“談談情練練武”…ok喎! 倉底劇果然幾好睇, 可能因為無expectation! 輕輕鬆鬆, 無無聊聊…郭羨妮全無演技可言…林保怡, 黃德斌, 古明華個個好後生咁…再睇番深夜o既“天與地”…好搞笑! 而個故事講d香港人唔肯上北京, 唔肯學講國語…同依家十年後個個碌上大陸R撈…真係好大contrast…好諷刺囉! hoho!