7-6(mon) 大昏迷

真係估唔到…連尋晚o個集"星星同學會"都幾好笑喎~~~!

估唔到岳華, 陳鴻烈同鄭佩佩三位“老人家”可以咁有趣, 尋晚o個集幾有驚喜! 尤其係大言生…真係估唔到佢係一個咁funny o既人, 難怪話佢冧到咁多女!

陳鴻烈本身講廣東話已經夠funny, 仲要佢d搞笑反應同埋講o野懶係口窒窒咁…但其實佢每一句說話都幾抵死, 再加埋吳君如同錢嘉樂o既演繹…又係好笑 (咩“高針鞋”, 又“掩”, 仲有佢講話o係邵氏呢d對社會咁有頁獻o既公司係會識到好多女仔, 跟住鄭佩佩問佢有貢獻同識多女仔有咩關係? 仲有佢講話鄭佩佩媽媽個契仔係佢哥哥個同學o個part都幾搞笑)! 估唔到佢咁風趣, 睇完呢集開始幾欣賞阿大言生!

反而岳華相對有d悶, 答得唔夠放…同埋佢兩位男士又好似真係唔多friend咁…唔通真係因為段“三角戀”?! anyway…我想講o既係, 以前d明星真係有明星風範過依家o個d好多! 本來諗住呢集講真係唔係我年代o既邵氏影星應該會有d悶…點知, 出奇地幾好笑o下!

上個禮拜公眾假期的深夜無意中睇到一套亞視重播劇“大昏迷”…原來又係麗的年代的正劇! d演員都幾吸引…尤其係基本上你無論咩年代睇亞視o既戲, 都係會睇一套就幾乎識晒佢全台o既演員, 之後睇任何一套劇都會好有親切感…呢個可能係亞視劇唯一o既“優勝之處”! 起碼你buy o左佢一套劇o既藝員之後, o個一期o既劇你全部都會ok!

舊年沉迷睇“變色龍”之後, 就幾buy潘志文…呢套又係有潘志文做主角, 仲有做劉志榮大媽o既唐若菁…又有大家好熟悉o既麗的演員好似米雪, 王偉, 仲有上期講過o既容惠雯同佢老公黎漢持 (btw, 原來佢後生算幾英俊瀟灑o個批…唔知點解我覺得有d似初出道o既魏駿杰…又係唔算太男主角look, 但高高大大斯斯文文幾討好o個隻!), 仲有睇完“大地恩情”對佢有好深刻印象o既王宇凰 (但係之後就無咩o係其他劇見過佢喇)…睇o左幾集都幾有趣喎! 麗的真係多正o野!

o係網上search到以下資料…嘩! 台前幕後都好強, 同埋又係d好少拍o既題材…幾吸引咁…

麗的電視 1981年作品 故事反映醫療制度問題，內容包括醫療失誤、包庇、利益輸送、販賣人體器官等，到現時為止本地視為禁忌的題材；當年遭到醫療部門設訴及要求禁播。

監製：劉嘉豪 編導：梅小青
故事：蕭若元、徐正康
主演：潘志文、米雪、劉江、阮佩珍、黎小田、蔣金、黎漢持、王宇凰、陳曼娜、王偉
主題曲：怎麼意思 - 關正傑 (曲：黎小田 詞：盧國沾)



播呢套之前仲有2:40 琥珀青龍, 3:40 天龍訣, 連同呢套4:35 大昏迷…全部都好似幾好睇喎!



嘩哈哈哈哈…最後係tvbuddy大晒冷! 最新的tvbuddy趣可愛黑白電話繩, 同埋大支裝鉛筆…仲有我的tvbuddy corner!!!! 正~!