2014年3月6日星期四

3-6 (thurs) 夢~悄悄的飛過夜晚~~~

依家每晚都真係好busy, 事關歲月留聲台終於重播足本我和殭屍有個約會”! 其實佢一開台大家都已經估一定好快重播亞視最經典神劇殭屍”, 點知都搞咗一年幾先重播其實遲咗囉! 雖然睇過十萬九千次, 但重播殭屍又點可以唔支持吓?! 依家好乖咁每晚盡量12:30前返到屋企洗晒白白坐定定咁睇仲要約埋那些年寧願一齊追劇都唔一齊溫書的同學仔一齊重溫 (好彩當年大家都順利畢到業), 再即場discuss劇情實在又係回憶返埋嚟

一聽首主題曲響起, 就真係好似帶我返番十幾年前, 重溫嗰種追劇滋味百感交集d相喊出嚟(無誇張)! 雖然睇咗十九幾次d劇情依然會唔記得, 每次睇番依然咁精彩所以話, 同大家一齊集集追, 一定好過自己睇dvd, 有一番情趣

況天佑堅係幾型難怪我當年咁迷佢! 仲有到依家依然keep得咁好o既馬小玲…d短裙+仔真係好索囉咁多年後睇番殭屍, 依然好好睇, d都唔out! 真係除咗係一種情意結之外, 本身套劇亦係高質素


Tbb嗰兩線劇我就真係無咩睇喇反而10:30嗰個扮相睇節目搵個好男人”…有時都會睇吓! 大部份時間都幾悶, 但偶然都幾好笑! 同埋我想話睇完呢個節目我對莊思敏莊思明兩姊妹加咗分囉! 個家姐雖然寸寸貢又成日覺得自己好靚咁, 但幾真性情, 同埋有時都寸得幾有point…而更重要係, 其實我係like寸的人的! 個妹就對答十分大方得體其實佢攞港姐季軍係實至名歸o!

仲有…”崢澤戀雖然預咗佢會散, 但估唔到散得貢快囉…!

最後, 當然係我本人都要重溫番芒姐和殭屍有個約會啦