2009年4月10日星期五

4-10(fri) 掌故王+桌球天王

嘩…呢期o既兩大"王"都ok難頂o下…講o左個"掌故王"先…因為我d朋友仔叫我一定要講…大家一致裁定呢個節目勁粗製濫造…好唔得! 好似求其整個節目攝時間! 我以為又係好似前一個節目“財智達人”咁做兩個禮拜攝o下時間…但原來係會做到五月…咁就唔好咁求其啦!

成個節目感覺好濫竽充數, 個景/setting/主持/服裝全部好低成本, 都唔緊要喇…但個節目本身都ok難頂! 夏雨做戲係好, 但做主持真係好一般…另外幾位什麼碩士/學士/諸事/多事 (呢d名本身都夠惡頂) 更加嚇死人, d衫又肉酸得很…o個兩位粉紅色妹妹就係typical勁懶音o既“o靚妹”! 另外兩位華姐就…哎!

宋熙年d廣東話已經唔多掂, 但原來低處未算低, 阿陳爽就真係完全唔知講緊咩, 又係睇埋字幕都唔知佢講咩o個隻…d嘉賓咁都聽得明佢d問題都算勁喇! 大佬, 你要捧佢都唔係搵佢做主持呀, 係咪玩o野呀? 咁咪令人仲反感! 無綫要俾機會佢, 都等佢練好d廣東話先呀! 仲有佢d成日懶得意o既表情…又係極品! 不過話雖如此, 有時睇佢做主持又幾開心, 因為佢真係亂咁o黎, 九唔搭八, 夠騎呢…所以笑爆嘴!

仲有o個首咩“掌故問到篤, 唔洗去占卜, 你o地有眼福, 睇到眼碌碌…”主題曲, 又係攞命…但又真係成功o架喎…就係因為佢超級難聽, 所以聽兩次就記得! 同埋o個個咩掌故王動作…又係騎呢…總之成個節目都十分可笑…oh so cute~!

另一難頂之王係不經不覺已經做o左十集o既“桌球天王”…首先個主題已經夠out…點解呢個年代無啦啦會拍套有關桌球o既劇? 明明係八十年代o既玩意…幾時“復甦”番? 因為倪震+周慧敏? 連個劇名“桌球天王”都好八十年代!

首先阿謙謙鄧健泓…呢個花名都算難頂! 你用o黎做一個10幾歲青年人o既暱稱都已經夠恐怖, 仲要係一個三十幾歲o既大男人喎! 仲要由滕麗名叫出o黎…但感覺上佢仲老過滕麗名 (事實上好似都係)…同埋觀眾緣呢d o野真係無就無, 都無辦法…你夾硬谷佢上去做男主角, 咪又係害o左佢! 連我呢d咩都睇o既觀眾, 都頂唔順要fast forward o黎睇…我唯一比較有興趣睇o既一part, 應該係郭政鴻同滕麗名o個段囉…!

Oh, 仲有阿秋官…sorry都要講句, 佢個感覺又係勁out…但如果真係要做, 我寧願佢做大俠好過時裝劇喇! 不過就算大家唔鍾意秋官, 我又真係覺得講足十幾年o既“丁蟹效應”都ok無稽…真係輸o左錢懶到無o野好懶o既代表作! “丁蟹效應”又係連wiki都有…wiki仲有咩係無o架?! 成篇o野都幾詳盡…同埋其實我好同意佢個分析…好明顯係一個 “self-fulfilling prophecy”…

從科學角度分析,所謂的丁蟹效應只是股民心理營造出來的自我實現預言(self-fulfilling prophecy)。每當鄭少秋主演的電視劇集播放時,不少股民深怕丁蟹效應會導致自己手頭上的股票蝕本,便對股票進行恐懼性拋售,引致股市暴跌。投機者亦可能以丁蟹效應為藉口推跌大市。現時並無客觀證據顯示股民會受丁蟹效應影響投資選擇;但以批判性思維(critical thinking)分析事件的話,其實亦未有人能拿出科學數據來否定它。

另一方面,劇集播放之際可能碰巧遇上香港外圍投資因素恰巧轉壞。例如1997年底碰著亞洲金融風暴,2000年底碰著科網股泡沫經濟爆破,2007年中碰著美國次級房屋信貸危機等,加上這些劇集多在9月至11月這段股市利淡的時期播出,都使丁蟹效應看來像真有其事。

肥姐 我們永遠懷念您追思會
本來沒有被安排致悼詞的鄭少秋回應鄧光榮的言論時要臨時上台發言,及後該片段反覆出現在各大傳媒的報導內;翌日(3月3日)恆生指數大跌746點,之後數天更持續下挫;總結節目播出後的短短五天恆指急跌1830點(7.5%),為七年內表現最差的一週。

東張西望之四川大地震全民哀悼
鄭少秋出席無線電視為哀悼汶川大地震死難者進行的全體職員自發性默哀,之後被問及當時的感受;該訪問片段在晚上的《東張西望之四川大地震全民哀悼》節目內播出。翌日(5月20日),恆生指數最多曾急挫700點,收市仍跌573點。


Wiki連“肥姐 我們永遠懷念您追思會”o個單o野都有…但請問關咩事呀? 真係好誇! 仲有…連丁利蟹, even欣宜都關事…會唔會remote o左少少呀…baby?!

“鄭 少 秋 當 年 主 演 的 《 大 時 代 》 丁 蟹 一 角 深 入 民 心 , 不 過 自 從 該 劇 後 , 秋 官 但 凡 有 新 劇 推 出 , 股 市 就 會 下 跌 。 他 主 演 的 無 綫 劇 集 《 桌 球 天 王 》 昨 晚 播 映 , 今 次 除 秋 官 外 , 在 《 大 》 劇 中 飾 演 其 子 丁 利 蟹 的 郭 政 鴻 也 有 份 演 出 , 加 上 《 畢 打 自 己 人 》 近 期 主 力 播 秋 官 女 兒 欣 宜 的 戲 份 , 他 們 三 劍 合 璧 , 威 力 不 同 凡 響 , 難 怪 昨 日 股 市 跌 663 點 , 收 報 13456 點 , 股 民 怎 能 不 信 邪 !”