6-15(wed) 華星三寶concert

終於睇晒"點解阿sir係阿sir"…我實在追得好慢! 新o個套"團圓"唔知咩o黎? 連"花家姐"我都有十幾集未睇! 係"怒火街頭"叫做追得貼少少…睇到上個禮拜…哈哈! 追劇真係搞到個人忙上加忙!

啱啱o個集"吹水同學會"終於好睇番d, 可能係d嘉賓搞笑d…之前o個幾集真係純粹以追水的角度o黎講都覺得好乏味! 呢集算係咁多集之中最好笑的一集...袁靚靚, 伍姑娘, 祥仔, even丁生都幾好笑!

嘩! tbb係咪真係開拍"衝上雲霄2"呀? 好期待喎…雖然十年人事幾翻新…依家係有d人面全非吓…但係呢個profession的確係幾型幾吸引!



前排去唱k唱番呢首十幾年前在k場大hit的金曲...見番當時仲係爛聲, 但比起依家感覺更man的"筍盤"陳豪...嘩! 真係好大隻囉佢! o個時型d…依家就感覺親切d!



呀…903居然無啦啦7月有個"華星三寶"concert…呢個我想睇呀…好係我地個年代囉!

可惜已經好耐無簽過張id card…連放咗o係邊都唔知! 當年未夠18歲, 商台已經出張什麼903 id card俾d o靚仔o靚妹…仲要有"I dare", "I decide", "I dream", 同" I discover"四款…中學年代的我真係覺得超級型, 收到張卡仲開心咗好一陣子…商台籠絡年青人的確有一手! 可惜我已不再年青…但我依然想睇呢個concert囉……..太可惜!