2006年1月19日星期四

1-19(thurs) 芷珊姐姐

(續兩日前o個篇)

幾日前講過話要寫芷珊姐姐, 但因為勁歌總選佢被逼讓一讓路!

好喇, 係時候講番芷珊姐姐…無線自從招攬o左佢做“大飲茶”主持之後, 真係用到佢盡…每次有親訪問鄭伊面, 梁詠琪或者邵美琪…都係搵佢! 無論係唔係關於情變o既事, 都係搵佢! 可能真係搏阿伊面會念在舊情唔發爛渣仲可以套到多d料…同埋可以製造話題, 等多d人睇個節目!

跟住仲聽聞芷珊姐姐曾經同影帝梁家輝拍過拖…有日又o係“東張西望”見到芷珊姐姐訪問梁家輝…即刻上網search o下, 又真係有人咁講喎…但係佢兩個o係我印象中真係好似完全無啦間咁?!

芷珊姐姐原來都同過好多咁“把炮”但依家睇起上o黎又唔多襯+毫無啦間o既男星拍拖…而無線每次都待佢不薄地等佢有機會扮作若無其事咁去訪問佢d舊情人…真係“全力以赴, 做到最好”喇!

Image hosted by Photobucket.com

o係好奇之下, 即刻search o下芷珊姐姐o既資料…原來佢屋企又係咁把炮…“姑母黎婉華是澳門賭王何鴻燊的元配”喎…咁勁?!

…“黎芷珊出生自澳門的世家,曾祖父黎登是澳門當時唯一的公證師。她的姑母黎婉華是澳門賭王何鴻燊的元配。黎芷珊一家很早就到香港謀生。5歲時父母離異,與弟弟跟隨父親生活。她中學時在銅鑼灣的名校聖保祿書院就讀。由於熱愛音樂,所以在參與歌唱比賽時被當時著名的音樂人安格斯發掘出來,並與陳樂敏及陳慧嫻一同推出首張唱片《少女雜誌》。之後陳慧嫻單獨發展,她又與陳樂敏一同推出第二張唱片。之後二人所屬的法安利製作公司陷入財政困難,轉營為經理人公司。陳樂敏選擇退出娛樂圈到商界發展,而黎芷珊則加入TVB,成為兒童節目《430穿梭機》主持人。

黎芷珊加入《430穿梭機》之後,擔任主持多年。其後,她一直都在娛樂圈浮沉,直到當時亞洲電視的《今日睇真D》節目的收視不斷追過無線,使無線急忙推出新節目《城市追?》與之抗衡,並讓黎芷珊擔任節目主持。從此,黎芷珊的星途有了不一樣的發展。(芒姐註: 點不一樣的發展呀? 不停咁被派去訪問d舊情人同舊情敵呀?)”……

至於佢曾經同陳慧嫻+陳樂敏推出《少女雜誌》呢隻碟, 我都略有所聞o既…至少幾年前呢隻《少女雜誌》推出“復克版” o既時候, 我都有o係唱片舖見過…前幾日行過hmv, 都有拎起呢隻碟睇過幾下!


Image hosted by Photobucket.com
芷珊姐姐大碟介紹:--黎芷珊出身自<少女雜誌>,在大碟中唱了三首歌,以<絕對癡心>較為人注意。後與陳樂敏推出<少女宣言>大碟,唯成績未如理想,後轉任電視節目主持


可惜呢隻碟d歌我都聽都未聽過, 我唯一最記得佢唱過o既歌…就係細個時好鍾意聽o既“淘氣小雪兒”主題曲…好記得“漫步樹下那夕陽窺探我…” (o岩o岩check過, 原來隻歌叫 “風裡的故事” )…真係幾好聽…當時除o左“我係小忌廉”, 呢隻都係我小時候o既“hum歌”! 記得小學一年級時返下午班, 日日都會睇完呢套o係430?面播o既卡通片先返學! 不過個故事我就完全唔記得…依家睇番呢個劇情簡介, 原來故事意識咁大膽…確係唔o岩做卡通片!

風裡的故事 (淘氣小雪兒 主題曲)
曲:渡邊岳夫 編:青木望 唱:黎芷珊

漫步樹下那夕陽窺探我
像要送我更多快樂自由
斜陽在笑 清風送片片花辮
半空輕輕翻個筋斗
誰在樹林陪我不知道
只顧默默坐著沒有開口
但風卻似美麗民謠心裡奏

策白馬 跟清風鬥走
又似星空裡遊
多少故事隨年月日帶走
被忘掉了

快樂已 掌握於我手
沒有憂 不會愁
心中快樂斜陽伴我與晚風
做朋友

其實芷珊姐姐唱歌都ok呀, 個樣都唔差, 點知紅唔到…另外個陳樂敏就更加唔知去o左邊? 依家睇番佢o地三個d相, 我覺得最唔好樣o個個反而係priscilla chan囉…點知三個之中, 反而係佢曾經紅透半邊天…娛樂圈呢d o野真係時也命也!

跟住芷珊姐姐就去o左做兒童節目“430穿梭機”, 仲同鄭伊面相戀添! 430我都有睇o既, 不過因為年紀太細, 對d環節印象唔算太深刻…淨係記得好似有個“我做得到” (定 “你做得到”?!)o既環節叫d小朋友去試o下做佢o地想做o既職業 (例如“筆”雪糕), 仲有個“有你又有我廣場” (咁上下啦!) 叫d小朋友上去獻技!

都係“閃電傳真機”最深刻…因為o個個年代睇最多電視! 雖然我懶係話“少年早熟”, 但都會“免為其難”地睇o下適合我年紀o既兒童節目o既…最深刻o既環節有禮拜一o既“戴家庭”, 禮拜二o既“麥偵探”, 禮拜五o既“殭屍爺孫” (好似有一part叫“跳跳??遊香港”帶大家去香港d名勝古蹟), 同埋唔知禮拜幾o既“叉燒包+漢堡包”與“auntie烏卒卒”…當時呢個新兒童節目真係搞得幾有聲有色, 每一part都好出, 連d “主題曲”(好似“叉燒包,漢堡包, 樣樣亦吃得飽,…”或者“烏卒卒好似好似一隻黑蟋蟀…”同埋“大家庭…定有很多很得意的事”…)都全部耳熟能詳…相信所有同我差唔多年紀o既朋友都會有共鳴!

要重溫呢d經典兒歌, 可以去呢個最齊全o既兒歌網頁:

http://www.pazu.com/kidsong/


而我最喜歡o既芷珊姐姐角色, 就係“殭屍孫女”, 到依家仲好記得佢扮聲講o野o既口?…佢同駱俊文做o既“殭屍爺爺”每個禮拜都會教大家殭屍操…我係有跟住做o架 (至少都有跟住o翕)…什麼“woo woo woo, 捐山窿, 時時做, 骨都鬆…”我到依家都記得好清楚! 當時每期“香港電視”仲會刊登埋呢d“殭屍操”o既口訣+連環圖…我真係期期追住睇+做o架!

Ohohoh…剛剛search到, 原來我真係無記錯, 呢句:「woo woo woo, 捐山窿, 時時做, 骨都鬆!」完全準確, 仲有一句叫:「伸大手啊~ 擘大口~ 時時做啊~ 四圍走!」oh, 又係呢個兒歌網, 仲有好dee-till地介紹埋呢個環節添…正! 大家有無勾起好多童年回憶呢?!


另外呢個都好dee-till
:
有多兩式添…

「跳跳跳 大聲叫 彈彈彈 扒下飯」
「伸直手 Mar大口 '草'夠氣 四圍走」

勁呀! 原來呢個世界o既懷舊“老餅”多的是…