2005年9月19日星期一

9-19(mon) 曹永廉

要講番上幾篇“妙手”o既feedback…要多謝讀者朋友話我知原來“妙手2”裡面mc個仔呀joe, 已經係由同一位mixed o既小演員飾演…我真係完全唔認得佢! 仲有, 佢話發現d主角o係panaroma裡面永遠都只係會飲橙汁, 而panaroma亦唔會賣咖啡等不健康飲品, 好鬼死“健康”! 你唔講都無為意…又係喎!

另外要多謝醫生朋友們為我o地解開疑團…原來孕婦可以o係bb未足24週在以下情況終止懷孕:

1) 懷孕危害母親健康; 或
2) 懷孕危害bb健康; 或
3) 懷孕對母親精神狀況有影響.

所以當anson發現佢個bb有唐氏綜合症, 其實係可以選擇唔要個bb, 但佢o地經過爭扎之後都係決定要番o者!

我相信無線呢期真係力捧緊曹永廉…除o左三線劇集都有佢之外, 今日o個集“酒店風雲”仲私人醒o左個大顯歌藝機會俾佢…風頭直頭蓋過吳唱k! 本來無啦啦俾個機會佢高歌一曲都可以接受o既, 仲以為佢會唱咩英文歌啦…但你最估唔到係o係菲律賓酒店o既佢同d菲律賓樂手講兩講, 居然開始唱“一幽風飛散髮披肩”…我真係點都估你唔到…更加估唔到克勤首“一生不變”hit到連菲律賓人都識彈! 咁不如玩到盡d叫埋曹永廉唱埋自己d歌啦 (雖然連我都唔多記得佢有d咩歌…好似有隻叫唔知咩“長夜動人燦爛”定“今夜星光燦爛”?)!

不過到下一節我終於明白點解佢要唱“一生不變”, 因為之後吳唱k要呼應佢唱埋“蒼天不解恨怨, 痴心愛侶永難如願”…好抵死! 笑死我…唱o下呢d好過唱“別怪她”啦! 同埋真係可唔可以唔好三句唔埋兩句就“別怪她…”呢? 今次仲要播埋o個句:“原諒我付了代價”! 真係an overdose of“別怪她”!

最娘都係郭可盈個“心計”ringtone…真係娘到爆…洗唔洗咁hardsell首主題曲呀?!

仲有個chloe, 真係好令人煩厭! 我覺得無線今次完全係想玩死姚子羚…俾個咁o既角色佢做…吃力不討好! 新人做d咁克人憎o既奸角, 既唔討好亦唔會做得好…佢本來做“四葉草”時我都覺得佢幾ok做戲亦唔錯…點知之後就keep住做d咁o既角色…真係無運行! 雖然做忠o既官恩娜同亦正亦邪o既吳唱k…亦唔見得討好! 但最唔討好o既…其實係套劇o既劇情! o個d你呃我, 我又反呃你, 互相玩心理戰o既劇情…少少係可以接受o既, 但全套劇幾十集都貫穿住…其實有d?膽!