2008年11月1日星期六

11-1(sat) 2008翡翠歌星賀台慶

一句講晒: WOW....I'M REALLY IMPRESSED!!!

好多朋友同我講起“翡翠歌星賀台慶”, 叫我一定要o係度講o下…無錯, 今年又的確係有驚喜, 仲可以用“喜出望外”o黎形容! 事關之前兩年都悶爆…係名副其實o既“翡翠奀星賀台慶”, 所以今年o係全無expectation之下, 真係睇到”拍案叫絕”, 可以媲比05年復辦時o既水準!

我同d電視friend一邊睇一邊討論, 大家異口同聲話估唔到咁得, 連fb/網上亦見到其他人都係咁讚, 話係“多年無見o既good show”...咁講可能係誇o左d, 但確係比起想像中好好多, 因為大家對奀星賀台慶已經無期望好多年…所以今次o係毫無期望之下達到o左“估你唔到”o既效果!

tvb o既大show好耐都無人讚過, 今次終於讚多於彈…佢o地應該好開心! 連第二晚去食飯都o係酒樓聽到隔離枱d叔叔discuss“翡翠歌星賀台慶”, 話孫楠同eason唱得好好etc…

坦白講, 睇頭一兩part其實我都覺得有d悶, 雖然今年放棄o左out到爆o既男女歌手大鬥法"紅白”大賽, 搞o下懷舊扮o下o野, 起碼都有d gimmick, 不過d現役歌手一開聲又真係…哎! 所以我一路都係hea住咁睇…心諗: 今年又係好似前兩年咁喇…

點知唔覺意睇到草蜢o個part…即刻醒神晒! 嘩! tvb d show好耐無試過可以搞得咁有氣氛…雖然05年o個次又係靠佢o地食糊, 今次又係靠佢o地推起個氣氛…不過橋唔怕舊, 最緊要受! 雖則要靠一眾八/九十年代歌手撐住個show, 其實係一個好唔"健康"o既樂壇...不過佢o地的確係吸引好多…即刻令個show得o左!

嘩, 草蜢又真係寶刀未老, 好有活力, 40幾歲人跳得好過d後生仔女好多! 同埋佢o地d歌真係全部陪住我o地呢個年代o既小朋友成長…有邊個會無跟過佢o地一齊跳“忘情森巴舞”o既動作呀? 基本上佢o地一做人人都識得跟住跳! 你見到全場d人都起晒身…個個都好high咁! 仲要成班歌星一齊o係後面跟住跳…雖然唔係話跳得好齊, 但咁大班人可以跳到咁都算係咁啦, 同埋睇得出佢o地好落力, 好enjoy…好有一種“齊心就事成”o既感覺! do姐唔係話跳得好, 但勝在有綽頭…真係全晚最精彩o既一part…我大力推介囉! 我一邊睇一邊心裡暗叫...唔好咁快完呀...佢o地唱完每一隻歌我都望仲有下一隻! 好彩錄起o左, 我o個晚翻睇o左幾次呢part囉…hohohoho!

miss o左o既朋友...可以o係呢度睇番…



草蜢o個part之後, 個show就一路都幾好睇喇...另一part我好鍾意o既就係咁多年的band壇代表一齊jam歌, 有wynners o既阿b, blue jeans o既蘇德華, 太極o既joey tang 同埋beyond o既阿paul…全part d歌星都企晒起身和唱…仲要一唱到beyond o既“歲月無聲”…齋聽到前奏大家已經開始high晒, 一齊做beyond的招牌手勢…咁又係, d現役歌星, 應該都係聽beyond d歌大o既! 仲有, blue jeans o既“豈有此理”又係好經典…大家真係少有的齊心, 氣氛超好!



仲有菊姐o個part, 阿倫同克勤, even青山o個part我都覺得ok好睇! 薑愈老愈辣真係無錯!

雖然俾晒d前輩歌手唱, d後生歌手無得唱, tvb無得用呢個機會o黎捧人, d唱片公司亦會唔gur…但今年咁o既安排又真係令個show好睇o左好多…你睇o下連評判阿鄧達智都好high囉! 好過上年的什麼勁cheap pole dancing…真係慘不忍睹! 雖然今年d年青歌手少o左機會唱歌, 但頭幾part都有安排佢o地逐個出場亮一亮相, show一show自己扮邊個, 都算係咁o架喇!

同埋個戴夢夢+趙碩之兩位孖寶係咁o係度搶鏡真係好難頂…我明白你o地作為奀星係要諗辦法搶鏡先係生存之道, 但太over只會弄巧反拙令人反感…還記得戴夢夢細個o既時候, 我係好buy佢, 覺得佢超得意o架嘛…點解會變成咁…?!

不過是但啦, 搶鏡可以不理, 今年個show的確係好有驚喜…無論節目質素同氣氛都搞得好好…我同d電視精朋友都一致激讚!

翡翠歌星賀台慶回顧:


2007-11-4(sun) 2007翡翠歌星賀台慶



2006-11-17(fri) 2006翡翠歌星賀台慶+回顧



2006-11-15(wed) 2006翡翠歌星賀台慶前傳…



2006-2-7(tues)2005翡翠歌星賀台慶