2-7(tues) 2005翡翠歌星賀台慶

2005翡翠歌星賀台慶, 因為去o左旅行無得現場睇! 返到o黎個個都話好睇…終於o係農曆新年重播, 一睇之下, 呢個reborn o既節目確係勁! 8年無見o既翡翠歌星賀台慶, 確係目不暇給…今年d歌星個個都好俾面出席, 相比起臨摺前o既97翡翠歌星賀台慶, 人才濟濟好多…亦比起今年o既台慶精彩好多! 可能真係太久違了, d歌星都“餓”o左好耐, 大家都要出o黎玩o下!

久違了o既紅白組互窒, 好有80年代龍鳳呈祥賀台慶年代o既熱鬧感覺…但係90年代, 就只係剩番翡翠歌星賀台慶! 不過由91年第一屆o既人強馬壯, 做到最後一屆97年o既人丁單薄…d歌星個個都唔俾面出席, 連剛出道兩年o既陳慧琳都有得做隊長! 特登拿番“摺前”o既最後一屆出o黎睇…八年人事真係幾翻新, 十分人面全非…容祖兒當年都未出道, 千fa仲係新人要玩o個d歡樂今宵式“碌滾筒”遊戲…今年佢兩個已經貴為隊長! 好彩好勝gigi都無得帶隊…對上一次歌星賀台慶時, 佢仲紅過千嬅…但係依家搞成咁…大家都知點解, 唔洗我多講!

記得肥媽o係報紙度評呢個節目時, 話好明顯係男歌手表現好好多, 有咩可能係女子組贏? 我睇完成個節目, 好認同佢呢個講法…齋睇排場都差好遠…男子組人強馬壯好多, 連eason, 基仔o個d都無得做隊長…白組連“新”(relatively)如容祖兒都有得擔正…而兩隊o既表現更加唔洗多講, 差好多班…女仔贏又真係離曬大譜o既!

一開場d歌星全部列陣企晒o係個樓梯度已夠氣勢…勁過台慶好多! 而且歌星不嬲紅過藝員, 所以更有睇頭! (80年代o既台慶都有咁人材濟濟o既…但係好多年都無咁o既事喇!) 好耐無見過咁多歌星俾面出席同一個節目, 又有好多表演項目…感覺好diversified!

最精彩o個part我會揀夾band+tap dance ! eason同hocc都做得好好, 我對眼無離開過個電視, 好少節目可以吸引到我咁concentrate…簡直目不暇給! 抵何韻詩有得有得負責lead呢一part, 佢跳舞的確係得, 唱又得, 要再讚! 尤其係佢同eason d英文都比較好, 唱英文歌比較ok, 最怕d英文讀得好難聽o既歌手唱英文歌…係邊個? 大部份都係….除o左eason, hocc, 鄭中基, kelly, fiona, 鄭融等…twins同李克勤都ok o既!


(2005 翡翠歌星賀台慶 Band x Tap 男女鬥)

接住落o個part就有hocc, 好勝gigi同盧巧音唱兩咀…個盧巧音唱幾句“白恤衫”都唱到咁…睇住貓紙不特止仲要甩晒咀…實力派喎?! 何韻詩仲要幫佢兜, 話佢練舞練到腳趾甲都甩o左其實好落力…但你作為歌星, 仲要claim係實力派, 係咪唱好歌先緊要呢? 你甩舞步反而我覺得ok o架喎! 人o地何韻詩咪又要咁練, 人o地仲要唱一輪咀o既“白金升降機”添…又唔見佢甩晒咀? 都唔係要你唱得好好, 但係基本唔好甩晒咀都得o卦?! 佢兩個仲要成日走孖公仔路線, 真係失禮晒阿詩呀!


(哎...)

到男女鬥唱o徙氣時, 阿詩又真係正如肥媽話齋一字不漏…係抵讚o既! 師兄都唱得唔錯, 佢兩個真係應該一對! 仲有張敬軒都好得!

楊千嬅跳“巴黎”舞又幾ok喎, 起碼起到腳尖跳…好落力! 係有d根底o既, 所以到依家呢個年紀都仲跳得起! 到我們最喜愛的草蜢+古巨基o個part…可能睇報紙講得太勁, 又唔覺得特別好睇…正常啦!

劉華同班男歌手一齊著住跳蘇格蘭裙跳“我恨我癡心”都幾精彩…雖然班男歌手跳到有d一鑊泡…但係都幾得意幾有趣…今年真係幾好睇! EO2呢d先係跳舞o架嘛 (不過好明顯因為阿叻o係度, 所以佢o地唔單止有得跳幾PART, 仲有得唱埋和音)…吳唱k 呢d所謂舞蹈藝員出身o既…真係…我唔覺得佢同方力申跳得差幾遠…我真係好懷疑佢究竟係咪真係舞蹈員出身?! 係咪搞錯o左?

無線4小生 (林峰, 陳豪, 林保怡, 鄭嘉穎) 都有得出番part…確係有d唔該晒! 陳豪唔知點解可以愈唱愈五音不全…男版盧巧音呀? (我係ok buy陳豪o架…但係佢唱歌真係…ok buy都幫唔到你!)…林峰算係四人中唱得最好o個個 (objectively…雖然subjectively都係)…反而o個兩位前歌星鄭嘉穎同林保怡就唱到…藝員standard啦…如果以歌星o既standard就…!



d“實力新人”係唱得幾好o既, 醜版唐韋琪姐姐王菀之把聲係幾好聽…謝安琪都唔錯!

黃伊汶就俾yumiko拖累到唱到無晒音…雖然我prefer yumiko多d, 但佢唱歌真係…唔止5音不全咁簡單…我絕對有理由相信佢真係人妖o黎!

臨尾李克勤同鄭中基講番歷年翡翠歌星賀台慶o個part都做得好好, 佢兩個都唱得好又講o野講得抵死…又有d舊片段睇番…呢個安排好好! 女子組真係遜色晒…佢o地o個個鬥唱環節好鬼悶! 真係即刻想摷番晒歷年o既“翡翠歌星賀台慶“錄影帶出o黎睇!

當然, 最令人期待o既就係最尾無線四虎聚首一堂表演啦…好正呀! 22年後都keep得咁好! “五虎”的確係一個legend, 掂過依家d藝員好多! 華仔咁落力, 應該俾個男歌手獎佢! 又玩大石碎心口…唔係令我諗起83年o既“星光熠熠” (因為我一d印象都無), 而係91年o既”忘我大匯演”…大家仲記得當日佢玩咬血漿等人以為佢噴血, 真係嚇到d妹妹仔同c-lai個心仔差d跳出o黎…好鬼馬! 但今次最鬼馬o既反而係鄭中基! 連搬舊石都可以夾親手指…好搞笑! 我真係從來都好欣賞佢, 雖然佢由始至終都係一個無賴…但佢真係funny嘛! 尤其o係“爆笑急轉彎”…我真係好鍾意睇…幾時再重播呀?


(四虎@2005翡翠歌星賀台慶)