1-31(tues) 李克勤06得心應手演唱會

年初二又去o左睇李克勤演唱會, 今次已經係第n次o係新年期間去睇佢或者佢+校長o既左倫右李演唱會…好似由01年開始, 農曆新年o既檔期就俾佢擺o左! 由01年“翻身”之作“港樂”演唱會, 到02年o既“情情塔塔”, 03 “左倫右李part1” (就係我o係英國好dum心無得睇o個次)...舊年好似無o左 (有無呢?! 真係唔記得?)…李克勤o係演唱會問人?利是o既情景, 彷彿每年都會重現!

平時我話d歌星演唱會, 通常睇到第三個就唔多好睇, 因為已經江郎才盡, d橋用完又再用, d歌唱完又再唱, 無晒新鮮感! 所以我通常最多會睇到第二個個唱就唔會再睇, 唯獨某幾個我比較鍾意o既歌手…克勤應該係其中一個, 因為佢o既演唱會, 我都唔記得o左睇o左幾多次? 好似係除o左佢第一個93年個唱我無睇過之外, even95年o個個佢成日話係一生遺憾, 得5成入坐率 (我現場觀看應該有7成)o既演唱會 (仲要係o個時我仲未開始瘋狂睇演唱會o既年代), 我都有捧場…跟住到佢dup到唔dup o個5年, 再到令佢鹹魚翻生o既“港樂”演唱會, 我都有去支持…原來…我係佢o既忠實fans?!

所以最開心都係佢唱番d舊歌o既時候, 當然呢part係core o既, 因為佢最煞食o既, 都係d舊歌…食老本永遠都係最發o既! 佢o個d“名曲”如“深深深”, “大會堂演奏廳”, “一生不變” (有可能因為“酒店風雲”俾阿曹永廉同吳唱k唱o左兩咀而hit番)等, 的確係百聽不厭! 仲附送幾次演唱會都無咩聽佢唱過o既“希望”(除o左medley位), 正係抄襲我o地前排先講起年年出國o既考試歌“三套車”之作 (雖然當年好似無承認抄襲)! 當然, 我最鍾意o既依然係…“月半小夜曲”!

克勤仲推介o左幾首佢所謂“滄浪遺珠”o既歌曲…但次次佢講o個d我都有聽過, 可能因為我當年成日有買佢d碟…其實有d歌仲hit過兩o下添! 好似佢今次揀o既“一個人飛”…好記得呢首歌, 因為o個期劉華有首歌叫“一個人睡”, 兩首“一個人?”仲好似一齊入o左季選添…而佢兩個o個期仲一齊去主持96奧運, 仲一齊俾人逐出港隊升旗禮…克勤之後仲話呢件事令佢兩個感情跨進一大步! 所以其實呢隻歌一d都唔“滄海”呀! 同埋可能因為我有買呢隻碟, 所以對呢隻碟d歌特別深刻! 之前o既演唱會佢又推介o左呢隻碟另一隻滄浪遺珠“好戲之人”…好明顯佢自己本身真係好鍾意呢隻碟…次次佢要推介舊歌, 都係搵呢隻碟! 今次佢一開場, 仲唱埋另一隻我好鍾意o既歌“沒有你贏了世界又如何”(亦都係同一隻碟)…最鍾意佢當時力sell o既一輪咀歌詞 (tvb個mv仲居然有好多佢主演o既舊電視劇片段, 包括“浪族闊少爺”, 所以我好欣賞!)…不過後來o既“victory”仲一輪咀!


(演唱會紀念品+我擁有o既部份克勤cd/vcd, 仲有幾盒盒帶收埋o左…我發覺克勤o既專輯幾乎係咁多個歌手之中我買得最多o既…左下角o既“當找到你”專輯就係我講o個隻佢最喜愛的專輯)

跟住有一part係唱“酒店風雲”主題曲, 順手又播番歷年來佢主演過o既電視劇/節目片段, 仲有音樂特輯…搞到我想即刻睇番上圖右下角o既“熱浪迷情”音樂特輯…有克勤+林穎嫻+劉小慧+關淑怡…係90年代成日重播o既音樂特輯! 話時話, 點解今次演唱會無搵關淑怡做嘉賓o架?! o徙晒! 同埋點解次次演唱會都唔唱o下“浪族闊少爺”o既主題曲“代溝”呀? 我好鍾意o架喎!

d新歌其實都唔係差o既, 好似 “情非首爾”/“婚前的女人”o個d, 不過始終唔夠舊歌煞食囉! 好彩佢都識每一part搞d新意, 好多variety, 呢part搵o黎“四大樂手”…最精彩係搵葉詠詩個唔知表哥定表弟龍向榮用麻雀代替敲擊樂做伴奏…幾有新年氣氛! 仲有隻平時覺得超難聽o既國語歌“愛可以問誰”, 今次搵o左兩位內地姐姐仔o黎一齊唱, 有新鮮感得o黎又出奇地好聽o左好多!

嘉賓方面, 本來搵o左阿旺郭晉安係一個唔錯o既選擇…第一, 佢呢期人氣旺; 第二, 佢搞氣氛都唔錯; 第三, 佢同克勤曾經o係“同居三人組”年代friend過, 叫做有d啦間…但最敗筆就係阿旺出o左o黎一陣搞得氣氛好好地時, 克勤夾硬拉埋佢個best friend阿梁榮忠先生出o黎…搞到氣氛即刻差晒! 幫朋友o係好, 但都要揀適當時機…依家梁榮忠o既“賤男”形象仲係咁深入民心, 你叫佢出o黎咪盞俾人噓! 就算要帶番佢出o黎見人, 都等呢件事淡忘多陣先啦! 雖然佢出場前克勤已經舖晒路叫d觀眾俾多次機會佢呢位朋友, 又帶頭拍掌…但係賤男一出o黎, 始終大家都忍唔住要勁噓佢…係我繼99年好勝gigi出席“六神合體音樂會”之後親耳聽到觀眾最齊心噓得最勁o既一次…最?膽係個賤男仲唔知醜話:“啊! 今日d觀眾反應正常番d, 有d噓聲…”真係同樂壇李笑好o個句:“你o地唔係噓我呀?”有異曲同工之妙…一樣咁唔知醜!

哎! 本來新年流流, 見到阿旺出o黎都唔知幾好氣氛…無啦啦又整個賤男出o黎, 仲要其實佢o既存在有d redundant…克勤一個人或者同埋阿旺一齊都可以講到o個d所謂笑話 (btw, 今次o個d稿度得不太好笑), 唔需要搵賤男o黎破壞氣氛呀…失策o左!


(又係舊相時間: 浪族闊少爺)

初三朝早又如常播“東華愛心show”(唔係“歡樂滿東華”), 見到吳家樂老婆周蕙蕙以東華總理身份亮燈…其實個樣幾靚, 唔似38歲添, 好pro, 又有d葉詠詩style, 不過靚過葉詠詩好多!

跟住某part居然有區海倫以總理夫人身份出o黎唱歌(之前一晚又咁o岩睇到小鳳姐一個重播特輯見佢哼o左兩咀)…嘩, 真係好掂喎, 好過d歌星好多倍! 以前都覺佢唱得咁好, 無論係echo年代定係佢個人發展o既年代, 都唔見佢唱得咁好, 反而依家無做仲唱得好o左! 好過佢前拍檔李蕙敏好多…唔做歌星真係o徙o左!