1-21(sat) 謎情家族

呢期睇睇o下套倉底“謎情家族”, 又ok好睇喎! 真係ok神秘, ok懸疑, 但亦ok恐怖, ok血惺…擺o係十點都略嫌會嚇親小朋友! 過年前應該完o左佢!

初時睇都幾騎呢…又鬼上身, 又玩催眠…有d牽強! 但愈睇愈ok…好似廿年前o個套懸疑劇“逐個捉”咁…幾有趣!

又係玩o個d“唔係親生”o既橋…一開始已經知道郭晉安一定唔係佢老豆個親生仔, 如果唔係又點同伍姑娘一齊? 佢兩個擺明係男女主角, 一定會一齊o架嘛! 我依家最唔明就係點解d劇情預告話黎耀祥原來同譚小環係同一個人…究竟係譚小環變o左性呀? 定係d懶玄咁靈魂附o左o係黎耀祥身上呢?! 好想解開呢個謎!

李成昌又係做d克人憎角色, 上次o係“識法代言人”已經係咁! 最高興就係見到林韋辰做佢最適合o既奸角…仲要係一個好樣衰, 好克人憎o既奸角…真係好o岩佢! 無線放佢o係4線係完全正確o既! 不過最搞笑係佢居然要做文頌嫻後父, 曼娜姐老公…唔係玩呀嘛?! 唔怪之得佢要返番娘家亞視…所以話, o係“情陷夜中環”入面要葉璇拍佢, 你話係咪屈委晒呀?

尋日又larp o左少少“豈有此理”…d劇情依然怪…更加騎呢o既係, 麥家琪居然要同甘草曾瑋明做一對, 以前佢係拍“當紅男主角”朱健鈞o架嘛! 不過算喇, 已經係十年前o既事, 朱健鈞都已經變o左個阿叔咁o既款! 正所謂十年人事幾翻新嘛! 不過咁, 經過十年, 麥家琪d戲真係自然o左好多…或者亞視可以考慮搵佢重拍番十年前影射佢o既“冬日驕陽”! (呢期我居然晨早?o左o係度睇呢套老套劇…真係好老套, 比“真情”更老套…但我又偏要睇! 仲有居然有一段係講飾演兩表兄妹o既羅頌華同劉玉婷發展感情線…咁咪即係“亂倫”? 但佢o地d家人又好似覺得完全無問題…嘩! 你估粵語長片咩?!

原來今日就係一年一度o既華裔小姐選舉…完全無興趣, 只係想講, 我o地o既香港代表葉翠翠小姐真係好樣衰, 完全可以摺埋! 見到佢個樣, 只可以再講多次: 醜版潘芝莉! 諗起潘芝莉, 唔知點解好自然腦海就會出現張智霖隻“怎會如此”o既旋律…唔知大家有無睇過96年港姐呢? 有一part係張智霖同d港姐跳舞, 仲逐個介紹d港姐出場…而個音樂就係當時好hit o既無線大製作“天地男兒”o既插曲=“怎會如此”, 仲將d港姐o既姓名同埋特徵填落d歌詞度 (其實95年已經試過一次)…但係令我o地最深刻o既一句就係“潘…芝…莉”(我o地仲試過去k度點隻“怎會如此”但係唱番d [潘芝莉…]歌詞…不過依家唔記得晒lu, 要去重溫番先得!)

呢期日日廣告都有家燕姐隻新碟, 仲有同歐陽波比+安德尊合唱o既歌…有一隻不停咁o係度 “財神財神”…但居然係改難兄難弟隻歌…好funny! 最緊要係有佢o係歡樂滿東華同一眾騎呢之星一齊唱+跳o個隻“霹靂紅唇”…好精彩!

又聽到一個洗髮水廣告有個女人話“no probrem”…初時聽把聲以為係kelly, 但kelly無理由連 “no problem”都講唔到o架…睇清楚, 原來係容joey…唔怪得知啦!