1-12(thurs) “奪人麵者人亦奪其麵”

呢幾日o既娛樂熱話當然係: 什麼“7年之癢考驗未通過, 鄭伊健梁詠琪正式分手”…好多朋友問我點解仲唔講o下呢件事…好啦, 既然我o既function已經變o左“娛樂大飲茶”, 咁我都應該盡我o既“職責”去談論o下呢期o既城中娛樂熱話!

咁多個標題之中, 我最鍾意呢個…“奪人麵者人亦奪其麵”…好抵死! 好啜核! 居然為o左一碗已經煮到發漲o既麵而爭個你死我活…究竟呢碗係咩麵咁好搶?!

講真, 我對呢單新聞真係無咩大感覺…又唔係話預o左o既, 只係我唔多care! 呢兩個人我又已經無咩興趣, 而且呢單新聞都傳o左好耐, 空穴來風…狗仔隊d料從來都好堅o架啦, 佢o地寫得出o黎 (唔係一次半次o個d新聞, 而係日日keep住講o個d), 一定有七成真! 好似當年“奪麵生日會”事件未發生前, 幾個月o黎都已經有傳好勝gigi介入鄭邵戀 (定係應該叫“健美戀”???…呢個名好似更加配合到其他娛圈戀聞o既抵死名稱, 好似“東芝戀”, “王鋒戀”咁), 但我o個時好天真咁唔相信, 心諗唔會o卦, 鄭伊健一向形象咁專一,,,所以話, 真係唔可以唔信狗仔隊!!!

呢七年來, 有人都不停問我: “你估佢兩個會唔會分手?” 呢幾日佢就不停問我: “你覺得佢兩個分手o既真正原因係咩?” 我: “我又唔係籬o係佢床下底, 我點知喎?” 佢: “咁總有原因o架嘛, 你覺得報紙講邊樣係真呀?” 我真係唔知o架喎! 就算我真係“娛樂大飲茶”, 我都唔知o架…何況我又唔係?! 你估我係先知咩?! 佢o地鍾意分咪分囉…反正從來都無睇好過佢o地!一係下次我見到阿麥玲玲, 幫你問o下佢囉!

我身邊o既朋友聽到呢單消息個個都好開心, 幾乎想開香檳慶祝…咁又難怪o既, 因為佢兩個o既形象實在太克人憎, 尤其係個好勝gigi!



第一日報紙出o左話佢兩個o既經理人終於證實o左佢o地正式分手, 好多朋友send message o黎對於報導感到十分振奮! 咁講真, 我都有d心涼o既! 呢兩個人當年搞到咁核突, 全香港o既人都鄙視佢o地, 大家都等呢七年等o左好耐!

當然, 家人同我講呢件事時, 我仍以一貫懶係“正義+理智之士”o既口?同佢講: “人o地之間o既感情事你又點知呢? 都無話o岩同錯o架嘛! 何況鄭伊面可能真係同邵美琪分o左手先同梁fing琪一齊呢? 同埋可能邵美琪都真係有佢難頂之處呢? (雖然佢係我偶像, 但不得不承認, 有一期 [大約95-96年], 佢真係有d癲癲o地o既感覺, 同以前做當家花旦o個種“型”o既感覺唔同晒…最深刻係有一次睇一個遊戲節目, 好似係“運財智叻星”, 佢整日都好似啪o左丸咁, 又喪笑, 又跪地…o個時我都覺得, 鄭伊健仲同佢一齊, 真係好有情有義…點知…) [我知道有好多邵美琪fans會睇呢度, 但我唔會為o左怕激嬲任何人而唔講d咩…我個人就係咁, 有o個樣講o個樣, 偶像都係咁話, 請見諒!]

o係家人面前我會懶理智地講一套 (佢都話我每次都係為o左同佢作對而講d反話…無錯, 我係佢o既“反對派”), 但暗地?, 我都同佢一樣, 勁唔鍾意個梁fing琪! 人係biased o架啦, 仲要你做得藝人, 預o左做咩都會俾人講, 有得必有失…你要受萬人敬仰, 當然要犧牲自由, 所以有個師妹話想去選美問我意見, 我都分析俾佢聽, 預o左最大o既犧牲…係無晒自由, 仲要係永遠…即使你退出o左娛樂圈, 都唔可以重拾番!

上年我o係一篇講關於邵美琪o既entry度提到:

“本來已經好憎梁詠琪呢個物體 (雖然有人每次話好睇唔順眼佢同鄭伊面o既時候, 我都會懶理智咁話: “人o地感情o既o野你又點知誰對誰錯呢?” 但話雖如此, objectively我係咁諗/講o既; 但subjectively, 我都同樣地討厭呢個女人! 可能係鄭伊面處理得差, 又或者真係唔係我o地想像中咁…不過佢個樣係太得戚, 太克人憎…所以我同10個人講, 又係有12個人都唔鍾意佢! 依家話阿sa暗戀伊面, 我都好想佢可以o係個好勝gigi手上再奪走呢碗面! 咁就大快人心!)…睇完o個d文章之後就更加不屑佢o既行為, 同埋鄙視鄭伊面扮情聖, 講埋d“照顧佢一生一世”o既諾言, 但係全部都兌現唔到!

邵美琪反而好有品咁一句聲都無出過, 仲幫鄭伊面講好話! 雖然佢o地一齊到後期o既時候, 確係幾唔襯, 邵美琪個樣真係老過伊面好多, 同埋佢都變到神神化化咁…我都估到佢遲早會飛佢, 但我估唔到成件事會搞到咁核突!”

?估唔到事隔一年, 阿sa已經唔再暗戀伊面, 改為同“無賴”一齊 (雖然我仍然認為鄭中基最終會返番千嬅身邊, 因為好明顯佢仲係好鍾意千fa, 同埋佢o地真係最襯…不過是但啦, 又係o個句, 人o地o既事你點知…如果當年“奪面雙琪”事件唔係搞到咁核突, 都唔會引起咁大迴響啦!); 而最終鄭伊面真係同好勝gigi分o左手, 但係搶o左佢碗面o既…居然係爛面鍾嘉欣!!!

(太長喇…口水多過茶…待續)