12-31(sat) 除夕冬日群星音樂會

除夕夜無線整o左個“正官庄呈獻冬日群星音樂會”, 本來以為係一個普通show仔, 點知一睇之下好驚喜…簡直要激讚呀! 好彩無miss到! 好少會有d咁精彩o既random show (我係指唔係每年一度o既大show), 全晚齋唱歌無o個d多餘o既間場廢話, 仲要搵親個個歌手我都ok buy, 遠至80年代o既舊人, 近至今年o既新人, 全部都係我杯茶…要講話不太buy o既, 係陳小春囉 (不過佢今次都唱好多舊歌, 所以都ok), 跟住個個都唱番一part, 由舊歌唱到新歌…好掂呀! 直頭令我諗起令我最深刻o既音樂show…97年o既“天馬行空演唱會”!

首先有克勤o既舊歌已經係我最buy o既o野! 一開波就唱o左隻“一幽風飛散髮披肩”…呢隻歌可以hit番, 我絕對認為係“酒店風雲”o既功勞! o係播完o個幾集由劇中主角吳唱k同埋曹永廉唱呢隻歌, 再加埋結局整段天橋上人人拿住hi-fi播呢隻歌o既橋段, 呢首“一生不變”即刻hit晒…網上都好多o靚仔search呢隻歌…我有理由相信佢o地以前係未聽過呢隻歌, 更加有理由相信“酒店風雲”個配樂係克勤o既fans! 跟住再整一輪“大會堂演奏廳”呀, “紅日”咁!

不過無可否認呢期聽克勤d舊係聽到有少少膩, 因為個個show都有佢, 又個個show都會唱番呢d舊歌, 禮拜六就呢個冬日concert, 禮拜日又有“名曲滿天星”…好明顯係要力谷農曆年o既演唱會! 跟住兩個節目又係有佢同關淑怡, 我估佢會請關淑怡做演唱會嘉賓, 反正佢兩個o係80年代尾至90年代中都係寶記o既歌手, 又合作無間…關淑怡又o岩o岩復出, 好需要呢d暴光機會!

佢兩個o係“名曲滿天星”仲合唱o左隻“依然相愛”…克勤話自從關淑怡無同佢唱呢隻歌之後, 佢就擺低o左隻歌無搵其他女歌手同佢唱! 雙歌係幾好聽, 但我真係覺得我呢幾年有聽過o架喎…究竟o係邊度聽過呢?!

跟住就到關淑怡唱出一jar舊歌…我好鍾意聽但又好耐無聽過o既“患難見真情”,“繾綣星光下”等舊歌…但我唔明佢點解會唔唱“難得有情人”? 原來幫佢伴奏o個個係女生宿舍o既elise (即係依家獨立發展但又話同舊拍檔toby鬧不和o個個…其實佢兩個係我o係“女宿”?面比較buy o既兩個!) 真係彈得幾好, 唔怪得知話佢以前o係內地?好多演奏獎!

仲有我曾經好鍾意o既千嬅, 同埋依家仲好鍾意o既何韻詩…阿詩的確係掂o既, 一個字講晒: “型”! 其實10年前o係佢參加新秀時已經幾欣賞佢…真係估唔到, 咁又十年喇! 但之後佢一路都無得出碟, 齋係有得o係d無線show仔度同一大班人唱o下歌, 主持o下深宵音樂節目…我都有捧佢o係“翡翠音樂幹線”o既大部份場! 仲有當然係佢唯一一套tvb電視劇“反黑先鋒”(好似係叫呢個名, 因為俾d“反黑”, “掃黃”搞到我亂晒!), 我覺得佢係做得ok o架喎, 不過o個時睇d評論都係話佢個樣真係唔多靚, 可能因為塊面太長! 我某程度上係認同o既, 要佢做d電視劇女主角, 確係唔夠靚…而佢亦都唔係走呢d路線! 佢都係適合唱歌多d, o係舞台上, 佢係有佢o既charisma, 好有一種梅姐o既super star feel (或者程度上減半啦…未至於梅姐咁o既, 但確係好有潛質!)

基本上佢未紅前, 我成日撞到佢…但當然以我o既一貫作風, 梗無搵佢簽名啦…畢竟佢只係大我少少 (其實呢個point無咩關係), 再加上當時完全無人識佢, 費事我走過去嚇親佢啦, 太odd喇! 最深刻係99年暑假播緊套“反黑先鋒”時, 我o地去開佐敦, 居然o係o個間好出名o既“澳洲牛奶公司”?面見到佢…o個時佢仲可以好自由咁?茶餐廳, 相信佢依家已經無咁free喇!

至於楊千嬅…今次最精彩就係無線幫佢回顧番佢十年o既轉變! 佢自已再順手sell埋個十年演唱會, 無線就好落力咁o係後面個screen剪晒佢十年來出過無線show o既片段出o黎…好鍾意睇…因為又係一個情意結! 頭o個5,6年o既片段, 我幾乎都有晒…好似同佢一齊走過o個段路咁! 由 “狼來了”到“少女的祈禱”再到“烈女”再到依家o既“郎來了”…但我唔明佢點解會無唱 “再見二丁目”?! 最鍾意聽佢呢隻歌, 我都係因為呢隻歌先開始好鍾意佢, 而且“二丁目”對佢o黎講都係事業o既一個重要里程碑呀…邊個揀歌咁失策o架?!

仲要呢個除夕節目居然有2005年o既“最大奇蹟”宋芝齡主持, 更加應該送呢隻“再見二打六”俾佢啦! 佢o既遭遇比起湯盈盈更神話, 起碼湯盈盈一路都算係3.5線, 但佢係連對白都無咩o既6線茄喱啡, 今年居然可以人氣急升成咁…真係應該送呢隻歌俾佢!

個show仲有一part搵o左三個新人…薛海琪, 周國賢&方大同…三個新人都唱得幾好 (至少以新人o既standard啦)! 尤其係薛海琪…佢擺明係走偶像派, 但正如我上年頒獎禮時都講過, 原來佢唔止有樣, 唱都唱得幾好…好少新人可以兩者兼備! 睇o下阿老鼠聲小姐王菀之就知啦…依家仲要佢連唯一一樣 (即把聲) 都愈o黎愈唔掂, d歌全部都千篇一律, 愈聽愈悶!