12-26(sun) 覆雨翻雲

oh…好懷疑點解套“隨時候命”做極都做唔完…感覺就好似做o左十年咁! 佢唔係話十分唔好睇,但一d都唔見得好睇…除o左人物感情關係大兜亂之外, o係完全無內容之下, 都可以拖成30集! 講來講去都三幅屁…救人救幾集都夠啦, 唔洗救30集呀嘛?! 就算無睇十集再join番, 都仲係講緊同一樣o野…想點o架?!

仲有套“本草”, 愈睇愈令人氣結…o個兩個女人太好人, 知道真相之後亦未免相處得太融洽…好odd! 最終仲好似話李時珍會同番慕榕一齊…oh I don’t like this ending!

下個禮拜應該會做完幾線劇集…有套拍o左兩年o既“新戲”叫“覆雨翻雲”上添! 有我喜愛o既林峰, 但居然要配佘詩曼, 仲有唔知係咪會配埋郭羨妮…唔該晒! 大佬, 由day 1開始已經唔明點解有幾套戲都係林峰拍佘佘? 佘佘係ok靚 (但依家個樣真係忽然老o左好多), 但拍伊面或者chi lam會好d呀嘛?! 拍林峰點睇都係兩姊弟! 郭羨妮就更加玩o野…pit開我從來都勁唔buy佢o個part, 佢真係不能拍林峰呀嘛?! 跟住仲有mk wong (黃宗澤)拍陳敏芝, 一個mk wong已經唔該晒, 仲要整多一對姊弟戀…呢個係咪成套戲o既主題?! 陳敏芝…反而最襯係同馬國明囉…sorry晒!

最搞笑o係o個日同黨員講開呢套戲…
黨員話: “個戲名可唔可以唔好咁核突呀?”
我話: “咁叫“翻雲覆雨”囉!”

確係令人想入非非…哈哈! 究竟呢套戲講咩o架?