1-4(wed) 識法代言人大結局

o個套愈睇愈娘, 愈睇愈爛o既“識法代言人”終於做完喇…真係好! 以為佢係型o個批, 點知turn out係sell親情, 仲婆婆媽媽…臨尾仲要整個咁慘o既ending (跟住又俾個機會沈一言o係法庭上講一輪懶感人肺腑但幾irrelevant o既對白, 同第一集狀媽o係庭上講佢媽媽死o左但佢照o黎打官司o黎一個首尾呼應…最可怕係臨尾五個律師o係法庭外聚埋一齊講番咩叫“識法代言人”, 再一齊o黎一句: “香港一定得”…嚇死我!), 真係令人失望! 尤其係當我初時expect佢係好好睇, 可以媲美“律政新人王”, 點知原來佢係“真情”個friend o黎o既…失望晒! 抵佢收視勁低, 頭o個個禮拜得26點, 比阿旺跌o左成10點!

好似朱樂言話齋, 套劇同隻主題音樂一樣咁冗長, 而且唔好以為有阿姐就一定得, 大家o係一連七日, 連埋“名曲滿天星”都見到阿姐之下, d人對佢已經失去興趣!

成套劇就係咁keep住拋書包, 拋d詞語o既出處…唔好太over啦! 仲有就係一日全家o係度開會, 跟住又傾一輪偈! (雖然今日同另一個朋友傾開, 佢居然話佢公司真係會咁樣一個禮拜開兩次會, 叫大家做緊o既case有咩難題?出o黎講…原來真係有d咁o既firm, 真係冤枉o左佢)! 最值得讚o個part係有日講佢o地提醒d律師十月尾喇, 記住check o下自己夠唔夠cpd points, 跟住就話有一個course幾好, 又平又快手又可以?到分, 叫全間firm d律師一齊去上…真係好鬼死寫實, 估唔到呢d佢都會講埋, 真係好dee-till o既research! 跟住當然順手帶出劇情…要陳鍵鋒撞破o左劉綽琪同魏駿傑偷情!

最難頂就係一日到晚o係度“恩師”, “愛徒”, family day, senior partner…好煩! 狀媽就似訓導主任多過律師…好擺款, 十分唔討好…! 更唔討好o既就當然係又樣衰個角色又克人憎o既劉綽琪啦 (忽然記起佢當年參選港姐個名叫“劉依清”…好清純, 又但點娘…但更唔襯佢), 無論佢本人定係角色都好唔討好…真係sorry呀, 魏駿傑! 佢o地o個段感情…真係好好核突!

胡杏兒個角色都好煩…佢個妝可以淡番d, 好似上次“律政新人王”咁咪幾靚! 無啦啦好巴閉咁…原來只係做o左見習律師…仲要搵陳鍵鋒做佢師傅, 唔係要partner先做得o既咩? 就算唔係都唔可以係咁新o既律師做師傅呀?

跟住結局仲做埋佢admission…果然好dee-till, 係我睇咁耐律師戲以來第一次有戲會有d咁o既場口…真係好寫實喎! 連佢師傅講佢o既“生平”o個part都做埋…如果唔係親身去過都唔知真係咁樣!

呢套戲又有o個兩個童星小丸子同小燕子 (好似叫王樹熹同謝苑婷), 幾乎做到爛喇…套套戲都有佢o地! 個男o既就一日做兩線, “隨時候命”又有佢, 呢套又有佢…兩個細路都大o左好多, 又老蹟o左好多! 以前都覺得佢兩個好可愛, 但愈做愈老蹟, 尤其係個男仔…無o左以前o既趣怪, 就好似幾年前o既成珈盈咁…初時係好得意, 但做得多之後變得極之老蹟…唔再可愛!

阿姐o係一次訪問中話覺得陳鍵鋒好適合做律師角色, 因為佢把聲好好聽, 講台詞講得好抑揚頓挫…呢樣我幾認同喎! 不過佢個角色, 亦都唔係十分討好…成套戲, 最討好o既角色我相信係raymond (黎耀祥)!