2007年8月8日星期三

8-8(wed) 奧運倒數1周年

oh…今日又係一年一度o既會考放榜, 舊年寫過會考十年, 話咁快, 又過多一年! 可能會考真的離我太遠, 睇新聞話無啦啦又“5”呀, 又“5*”咁…完全唔知發生咩事?! 初時以為全部改制, A變5*, B變5, C變4…咁我都係覺得佢只係無聊o者, 無啦啦整d咁o野唔知有咩分別…但睇睇o下原來話中英文科就變o左“5”呀, “5*”咁, 但係其他科又照舊A/B/C…咁即係點呀? 簡單複雜化? 有咩動機呢? 定係佢解釋o左好多次, 係我蠢get唔到呢?!

今日又係2008奧運倒數1周年, 記得2001年7月北京申辦奧運成功o個一刻仲歷歷在目, 因為o個個暑假我去o左某報做summer intern, 仲同另一個記者同事去o左尖沙嘴文化中心o個頭直擊香港各界支持北京申辦奧運o既活動, 當知道消息o個一刻, 大家又的確幾興奮!

今晚個晚會居然又有鄧健泓做主持…估唔到無綫會簽番佢, 更估唔到係安排佢向主持界發展! 依家佢變成第3個崔建邦, 第2個貽興王…所有大小節目都有佢份! 佢轉數唔算快, 口齒亦唔算伶俐…無綫點解有個咁o既安排, 真係一個謎?! 不過佢“勝在”“經驗”豐富囉…做o左n年“後閃電”年代主持 (“前閃電”年代當然係麥包哥哥, ben哥哥, jay姐姐, 芷珊姐姐, 駱俊文哥哥同埋譚玉瑛姐姐啦!), 當年我都有捧patrick哥哥場o架 (當然, o個時我都已經係牛高馬大, “後中學”年代喇!), 仲有佢前女友蓋世寶姐姐, 同埋佢個最佳拍檔…依家做緊“歲月風雲”o既蔡子健哥哥! 其實patrick哥哥唱歌都ok呀 (係進步o左好多先o岩, 佢同hocc一齊參加新秀o個年, 都唱得幾差, 仲話第一個俾人叮走嘛!), 當年佢做o左n年終於有得出碟, 首“直上”我o地都好支持, 去k成日唱o架!

Oh, 點知轉個頭, 原來呢個節目又係有貽興王…佢仲要被派去北京, 真係好重用佢喎…佢d普通話好得o既咩? 佢倒數時個樣…真係未免太“sarp熟”…咩事呀? o個刻真係好想打巴佢!

隻“we are ready”亦都幾難聽o下, 同埋d動作真係唔該晒! 點解要搵香港人作曲填詞呢? 表示好睇得起香港? 內地唔係應該更多人才咩? 好勝gigi個妝好濃, 同埋佢做錯動作…點知咁o岩又俾人影o左, 仲要o係新聞播埋…so sorry!

奧運倒數一周年, 令人諗番起上一屆“雅典奧運, 無綫no.1”的icon…“奧運六星”! 勁呀…呢幾個後生仔, 幾年人事幾翻新之後, 仍然係無綫力捧對象! o個時o既排位係林峰同吳唱k o係中間…3年後, 我估依家再排, 應該係林峰同mk wong囉…上年世界盃仲無啦啦加埋大幾輩o既鄭嘉穎…你想玩佢咩…捧人都唔係求其抄埋一碟o架…玩咩?


(2004無綫奧運主題曲…遇強愈勇)

其實唱就六個都ok o既 (業餘o黎講)…但跳舞就…ohohoho…居然俾我搵到當年o個個 “燃點聖火雷霆夜”笑o左好耐o既一段歌舞…好高興啊! 留意最尾o個段六星合唱“乘風破浪”歌舞啊啊啊…雖然無電視版咁清楚…但有人放上網都好勁o架喇! 內地d site果然勁d!



三年前, 我睇完呢個show笑o左好耐…寫o左以下o既comments…三年後再睇番, 感覺差唔多…除o左依家o既吳唱k變得超唔alright呀! 同埋自去年台慶頒獎禮對馬國明改o左少少觀, 佢attitude唔錯, 同埋受同事歡迎, 必然個人唔差! 呢樣好難得! 不過佢跳舞唔得, 呢個係不爭o既事實…我唔會因為對佢改o左觀而改口話佢跳得好! 而mk wong, 感覺依然mk…不過佢呢幾年做戲真係進步o左!

2004-6-13(sun) 奧運六星

“最搞笑係o個幾個“奧運六星”囉, 真係各有各騎呢…除o左林峰同吳卓羲比較alright! 無線真係唔放過每一個機會去力捧佢o地…所以依家唔理大show小show, 都會見到佢o地o既蹤影, 咩“奧運6星”又係佢o地,“the best team”又係佢o地…簡直媲美當年力捧o既“無線5虎”(可惜90年代再捧o既“新5虎”就捧極都捧唔起)! 仲有得錄歌拍mv, 務求令d人唔鍾意都睇到鍾意為止!

講番o個個奧運show呀, 有一part就係俾呢6星表演唱歌跳舞! D人話dancer出身o既吳卓羲應該表現最好, 但係我睇完之後覺得林峰仲跳得好過佢! 唱就當然唔洗講都係林峰唱得最好, 畢竟人o地都算係半個歌手呀! 抵佢o係6個之中永遠都係企中間, 連點聖火都由佢代表其他6星…係威d o既! 所以話, 好多o野都係有果都必有因o既! 抵佢咁寸囉!

最唔掂當然仍然係o個個高威利 (馬國明), 都年近30, 仲要同d o靚仔扮青春…最弊佢真係完全無潛質呀嘛! 真係唔明點解無線要捧佢? 嘩! 睇佢跳舞簡直係極具娛樂性, 完全無beat可言…其他o個幾個最多係唔記得某d舞步o者, 佢就成part舞無一步係跟到beat o既! 人o地舉高手佢就放低, 人o地放低佢又舉高…最搞笑係有一度我見到佢不停咁偷望隔離個人, 但係望完都仍然係跟唔到…真係so sorry!

陳鍵鋒唱就唱得ok, 但係跳舞就…都有d搞笑囉! 唔係話佢跟唔到拍子, 而係佢好似食o左軟骨散咁, 四肢乏力, 姐手姐腳咁! 跳呢d舞應該係“力的表現” o黎o架嘛! 或者佢真係適合去繡花多d!

另外個黎諾懿就跳到好似個鐵甲人咁, 個黃宗澤就從來都係最克人憎樣o個個…懶得戚咁但又唔係跳得好! 佢俾我o既感覺就永遠都係好mk (旺角) 囉!”


oh…仲有呢段…“奧運六星@2004香港小姐決賽”…馬國明居然話最想睇港姐著睡衣, 而吳唱k先生居然話…最想睇港姐著校服?!?!?!?!?!??! 佢話因為家庭觀眾想睇喎…! Oh, 我知佢o地可能係跟稿讀…但係點會講d咁o既o野…又睇睡衣, 又睇校服o架?!

仲有, 原來amigo咁多年前已經有得做港姐…咁阿vinci又係嬲o既…



最後…讀者“笑哈哈”…你今次有運行喇! 你講話想睇番 “總有出頭天”, 我就search下啦…tudou居然有喎…內地site真係勁d, 內地fans真係瘋狂d…無得講…勁!

原來呢套劇仲有小柏林添…差d唔記得…


總有出頭天@土豆
http://www.tudou.com/search/programs/?posto=%2Fsearch%2Fprograms%2F&kw=%D7%DC%D3%D0%B3%F6%CD%B7%CC%EC&nav_search_target=0&comefrom=1