9-1(thurs) 觀眾不滿鄭欣宜吻吳卓羲投訴破今年紀錄

呢幾日不停咁收到“別怪她”o既烈士版, 首先係歌詞, 無幾耐仲有埋真聲演繹…真係無奇不有! 連續幾日報紙都有好大篇幅o既報導, 網上又有熱烈討論, 連地鐵娛樂新聞快訊都安一段類似係:“欣宜親吻吳卓羲鏡頭惹觀眾不安, 廣管局接獲54宗投訴”…大佬! 其實又有無咁不安呀? 仲要不安到走去投訴, 到好大工程喎…會唔會小題大造o左d?!

欣宜係就係造作o左d, 仲成日擺出一副靚女相…但d人都唔洗咁mean呀?! 其實點解一定係吳唱k蝕底o左, 而唔係欣宜蝕底o左呢?! 哈! 雖然我睇完個節目之後都同大家一樣, 覺得吳唱k有種做o左鴨o既feel (sorry! 真係sorry呀欣宜…我都好mean!)…但睇完呢幾日o既誇張新聞之後, 我由對欣宜o既造作反感變成有d同情佢! 無啦啦俾人咁話, 仲作晒歌去唱佢…真係好落力! 其實可能呀欣宜都唔多想錫個吳唱k呢…!

不過亦不得不讚o下d人o既創意, 係就係無比賤格, 但又非常啜核…仲要親身演繹埋…真係會考都無咁賣力! 歌詞我就唔post o係度喇…太粗鄙…想要可以email我! 真人演繹o既歌曲就可以去呢條link download.

騎呢新聞一則:

“觀眾不滿鄭欣宜吻吳卓羲 投訴破今年紀錄”

自從吳卓羲在兒歌頒獎禮中，被鄭欣宜的舞臺初吻嚇呆後，觀眾對欣宜的“舞臺演繹”意見很大，昨天廣管局接獲54宗投訴，直指親吻場面令人不安，投訴宗數之多更破了今年紀錄。

沈殿霞愛女鄭欣宜先前破天荒為《兒歌金曲頒獎典禮2005》獻出螢幕

初吻，誰知惹來觀眾狠批，昨日廣管局接獲54宗投訴，破了今年紀錄，有指吳卓羲與欣宜的親吻場面令人不安，認為沒有顧及觀眾感受及有貶低男性之嫌，而無線亦接到一宗意見，指欣宜演出不自然。

網上也有不少網友發表意見，表示無線安排兩人親吻是有心整吳卓羲，並在吳卓羲相片旁邊寫道：“頭可斷，血可流，給欣宜親了，一生不能再抬起頭。”等語句，更有人將獻吻過程連環下載，並在吳卓羲頭上加上一滴汗。

肥姐吳卓羲力撐欣宜

對於連串批評，沈殿霞和吳卓羲齊齊為欣宜說話，肥姐昨日在電話中哈哈大笑說：“沒所謂！我覺得欣宜演出OK，只是按劇情需要，無傷大雅。她的演出不是為少數人，觀眾這樣投訴，有點嘩眾取寵。”而吳卓羲則認為是小事，不覺貶低男性：“欣宜唱歌、跳舞都很用心，我們只是按著劇本來，希望大家給新人機會！”問到有指投訴人可能是其Fans，吳卓羲否認：“他們知道我是為工作，只是親臉，又不是親嘴。”監製曾廣平也覺得童話故事?親面頰很平常：“反感只是見仁見智，但如果是吳卓羲的Fans做的，就應該大方一點。”