2009年8月17日星期一

8-17(mon) Summer Pop Live in HK

oh!!!!!!!!!!!!!!!!!!!!! 亞視居然由上個星期四晚開始重播殭屍.....仲要一連做兩集....?!?!?!

夜晚點幾鐘無啦啦收到個朋友o既sms, 話我知電視做緊"殭屍"…雖然真係睇過十九幾次…但唔知點解每次都會俾佢吸引到去睇“現場重播”…本來初時都忍到唔睇o架, 電視都熄埋諗住由呢個禮拜開始早d瞓…但一睇到頭幾集日本d靚景, 再加埋我最喜愛的況天佑+馬小玲...又真係忍唔住囉…唔睇都對唔住自己啦! 同埋第一輯真係最好睇o個輯…搞到我忍唔住連手頭上做緊o既o野都即刻停晒, 目不轉睛係咁睇!

話俾我聽重播o個位朋友, 你擺明係"靠害"啦...咁大o既誘惑點抗拒呀, baby?! 咁晚晚睇到兩點幾我唔洗瞓啦!!! 我呢個年紀點可以咁樣捱夜o架?!

真係俾"殭屍"打亂晒我o既陣腳...之後一個月都唔洗旨意可以早d瞓! o個日先無啦啦同個朋友講起“殭屍”, 點知o個晚真係重播…開口中囉…超邪! 我諗亞視呢期會一口氣重播晒近十年收得o既劇集, 又“還珠格格”又“殭屍”咁…反正都cost o既…但又可能可以再次殺出一條血路…都咪話唔試得過!!!

但估唔到日本外景只係得兩集多d…仲要次次我都miss o左一大半...太可惜! 不過之後做o個個“邪花入宅"單元又係好好睇…好鬼頂癮...我鍾意呀! 有金像最佳女配角陳麗雲…佢做呢個“平媽”o既角色我最深刻!

雖然其實要睇番“殭屍”, 幾時上網都有得睇...依家有咩劇集網上面會無得睇呀?! 但o係電視機睇"現場重播"個感覺又真係好唔同...好眾志成城咁囉~~~所以“殭屍”真係一定要同大家一齊現場睇...當年都係咁每晚12點幾力追…感覺很好! 所以依家11年後重播, 又要繼續做番同樣o既o野!

上個禮拜六去o左博覽館睇旅發局搞o個個“Summer Pop Live in HK”…由晏晝3點做到11點幾…8個鐘馬拉松音樂會又少不免會有d悶場…但都算幾ok! 係博覽館本身個location真係遠o左d…每次去都有十萬里長征的感覺! 但今次已經好過上次“東亞華星音樂會”好多…上次睇完再搭埋機鐵出到中環居然無地鐵接駁…啞晒!

我去o既星期六o個場依然係草蜢o個part現場反應最熱烈...無論咩年紀都企晒起身跳...畢竟大家坐o左咁耐都好鬼攰~係時候企起身跳o下! 另外, 許志安/蘇永康/梁漢文/張衛健四兄弟互相唱大家o既歌o個part都好精彩...但略嫌講得太多唱得太少...搞到我好期待佢o地下年個show添!

仲有liza姐率領一眾年輕歌手唱出"公仔箱金曲"o個part又係好得...尤其係一邊唱主題曲一邊播o既經典劇集片段! 呢一part仲要係你估佢唔到囉...居然有松松姐姐!!! 可惜無唱兒歌金曲啦..."烏卒卒好似好似一隻黑蟋蟀~~~"...不過唱番好經典o既"天涯歌女"...oh~璇子~子華~又真係經典o既! 同埋阿欣宜真係進步o左好多...唱live好ok, 仲要無以前咁作狀...我支持你喎!