2008年9月11日星期四

9-11(thurs) 全港率先搶播《家好月圓》大結局

前幾日睇番d舊報紙, 睇到上個月星島披露呢個“家好月圓”結局篇劇情…係咪真o架? 阿月都要死?

我依然係追得好慢, 尋日睇多兩集, 但係仲未睇到徐子珊出場…相信佢都會幾克人憎o下! 同埋睇報紙話鍾嘉欣同黃宗澤o個段b來b去的“bb戀”俾d網友鬧爆, 話超頂唔順…我睇到o個集佢o地都未算係一齊, 只係鍾嘉欣sort of拒絕o左對佢好癡情o既林峰…呢段bb戀有幾咁難頂, 我諗我呢個家好月圓慶中秋假期有機會一口氣追番o卦…

********************************
全港率先搶播《家好月圓》大結局 紅姨誤殺嫲嫲折墮收監
星島日報2008-08-10


如無意外,《家好月圓》將會突破香港電視史上的收視紀錄。40集長劇,第1集35點,第8集高收39點,第40集近50應該難度不高吧!

只知道在精密計算、用心良苦的台前幕後班底,挾着《溏心風暴》的餘威,每一集都去到盡,開播以來全城鋪天蓋地劇情預告,鬥快率先披露劇中各人的下場。

終極奸人紅姨是否惡人有惡報?今期《名人雜誌》全港獨家將第40集終極篇內容詳細交代,米雪將會得到報應,但一切得從嫲嫲甘老太(李香琴)跌到重傷說起……

紅姨這奸角陰毒深沉,搶人老公工心計,所以最後不獲安排「回頭是岸」的收場。「家好月圓度中秋」沒有她的份兒!

話說紅姨因想在餅鋪中分錢,又不想Joe飽分一杯羹,便指他當年沒有出一分錢,而甘老太就找出當年曾借錢給兒子的證明,為毀滅證據,紅姨將奶奶推落樓梯令她跌至重傷,更將甘老太禁錮在病房中,不准任何人接近,甘家上下直到嫲嫲過身仍被蒙在鼓裏。

正當紅姨以為奸計得逞,天網恢恢,當日慘劇發生原來有目擊者,終於將紅姨繩之於法,判監2年,刑滿之後她便孤伶伶一個人離開香港。

甘泰祖由第10集良心發現,借醉向眾人懺悔,內疚當日貪戀紅姨皮膚滑身材正夠銷魂,告誡眾人切忌貪女人靚,溫柔鄉是英雄塚。終於獲得眾人體諒和接納,錯要認,最後仍有好收場。「家好月圓」最後自然回到荷媽手上,繼續發揚光大。

阿月阿卡患重病

除了嫲嫲要死,「攞女」阿月(楊怡)亦難逃患癌病逝,「揸沽」阿卡(陳豪)因為炒賣股票大上大落患了心臟病,總括而言,甘家的親生骨肉都有好下場。

阿慶(陳法拉)啞女情深,與鄭家樂(楊天經)有情人終成眷屬。連親生女阿秋(鍾嘉欣)也不值母親所為,唯一對紅姨心存敬重的阿圓(黎諾懿)在她的扶掖下,成為餅鋪接班人,亦因為有權有勢而打敗阿卡,贏得莎姨獨女路嘉美的青睞,共結鴛盟。

在22集才出場的路嘉美是另一大反派,集紅姨的陰沉、莎姨的是非於一身,利用美人計將陳豪和黎諾懿兩兄弟耍到團團轉,最後聯同紅姨對付荷媽,同樣衰到人神共憤,猶幸最終改過自新。

********************************

依家套劇去到中後段, jo飽開始無咁軟皮蛇, 討好o左d! 但今次忽然形象討好o左好多o既, 依然係法拉…佢唔出聲 (even係有畫外音) 真係討好好多, 同埋睇得出佢學手語真係下過一番苦功!今次真係上晒位, 無綫呢個安排點都要讚多次!

呢套劇d老戲骨真係做得好過d後生好多, 琴姐好得啊! 不過我反而最鍾意sasa…超賤格同埋抵死! 米雪其實係做得幾奸, 不過我鍾意攞婆d抵死o野多d! 亦要讚一讚米雪個“邪留丸”頭…令到佢個角色再克人憎o左十倍…哈!

仲有我想講o左好耐, 做林峰同做鍾嘉欣年青時代o個兩個“小朋友”, 真係揀得幾似佢o地囉…! 同埋今次首主題曲“無心害你”, 雖然係唔夠“講不出聲”咁出, 不過都算幾好聽o下,配合到個氣勢!

上回重溫完曾航生首“永遠幸福”, 想再o黎多個“經典重溫”…就係周影o既“情路茫茫”,又係click click o下click o左入去! 呢首歌我o地又係好鍾意, 次次唱“老餅k”必唱之選! 可惜已經無咩人記得呢首歌, 亦無咩人記得周影lu~!