2009年11月25日星期三

11-25(wed) 大閆生~~~~~~~~~~:(

大閆生~~~~~~~~~點解會咁o架?!?! 我真係接受唔到囉…不停問: 點解...點解…?!

尋日5點幾收到記者朋友o既消息, 話聽大閆生o係電視城昏迷o左, 但都無諗過會咁嚴重同埋咁快…點知過o左無幾耐, 7點幾已經收到佢o既死訊…未免太突然…我真係接受唔到!!!

大閆生, 我好buy您o架嘛...上個禮拜先睇完你o係台慶o既鬼馬惹笑演出...點會諗到一個禮拜後會變成咁…?! 上一篇先仲讚緊你台慶o個晚幾咁funny…晚晚睇住“畢打自己人”仲見到你o既精彩演出…even尋晚你剛剛去世, 即晚“畢打”仲係你做主線o既戲份…真係接受唔到囉…我好唔開心~~~


(陳鴻烈(左)日前在台慶夜演出,贏盡喝采!)

以後睇“畢打自己人”感覺已經唔一樣, 我直頭唔想睇添呀…因為一睇番大閆生o既演出就好心o翕! 尋晚睇晚間新聞, 連一向冷漠o既我都睇到想喊…見到一班畢打演員原本係諗住同大閆生一齊入廠, 點知變o左去醫院見佢最後一面...睇到人好心酸…跟住再睇埋娛樂頭條見到o係醫院o既情景…實在太令人難受…人生實在係太無常...但點解會無常成咁o架?! 大閆生咁funny, 帶咁多歡樂俾大家…點解要咁對佢喎?!?!!

實在太突然…一下子真係接受唔到…日日睇“畢打自己人”仲見住佢, 連埋“同事三分親”睇o左兩年幾, 就好似身邊朋友一樣…尋晚仲見到, 今晚忽然話佢走o左…哎~~~就好似當年翁美玲逝世時, 電視仲播緊佢主演o既"挑戰"咁...真係好難接受呢個事實! 當然, 翁美玲o個次更加突然, 第一因為佢係自殺, 第二係因為佢當時仲好後生...:(

點解要係我最愛o既大閆生喎~~~?! 好少咁欣賞一個甘草演員, 但係自從上次“星星同學會”睇到佢真人幾咁funny之後, 就好buy佢...因為一向最buy d funny o既人! 仲有佢講o野o既accent & tone…一聽到就令人好開心! 總之一有佢出場, 成件事就好funny! tvb應該要重播番佢o個集“星星同學會”…佢真係好風趣, 成集都好好笑…係出奇地好笑o個隻! 仲有其實烈哥都真係keep得幾好, 同埋成日西裝骨骨, 都真係幾有型!

睇報紙話…“據悉,《畢》結局篇裏,陳鴻烈佔戲甚重,他會被劇中飾演其公司員工、其實是商業罪案調查科卧底探員的黎耀祥搜集犯案罪證,將他繩之於法。劇中新加入的另一演員李國麟,則會在最後的結局指證陳鴻烈,令他罪成入獄,但觀眾屆時已無法再於螢光幕前看到陳鴻烈的精采演出。”????!?!?!!

…居然有d咁震驚o既劇情?! 不過, 以後我o地都唔會睇到呢段…因為大閆生已經離我o地而去…連“畢打”都唔想睇…因為怕觸景傷情! 佢仲要係拍拍o下畢打休息期間o係電視城死o左…報紙話佢都算死於戲棚…真係一生貢獻演藝事業…咁又係o既, 可以o係自己最醉心o既地方死, 仲要算係無咩痛苦, 其實係一種福氣…但我依然係o個句…一下子真係接受唔到囉…好唔開心~:(((

大閆生…R.I.P.!

(更新: o岩o岩睇到節目表...tvb真係"從善如流", 今晚(26/11/2009 00:15)深夜12點15真係重播陳鴻烈o個集"星星同學會"...呢集好好笑...一定要睇! 一齊懷念大閆生~~~)