2006年9月27日星期三

9-27(wed) 流金歲月

hohoho…下個禮拜將會好忙…可以話係公私兩忙! 不過當然我o係呢度講o既係o係追劇方面o既schedule啦…原來今個禮拜“莫探員”就會大結局, 緊接o既將會係2002年無線台慶巨獻“流金歲月”…ohohoh! 我好期待啊!

雖然話台慶大製作通常都唔係太好睇, 我本人其實亦都不太buy d恩怨情仇式長劇…但係因為呢套劇首播時正值我o係蕃邦讀書o既時候, miss o左當然都有少少遺憾啦! 其實02年佢o岩o岩播時我係未走o架, 仲larp o左頭一兩集…咁當然, 長劇o既頭五集都唔慌好睇, 因為要交代好多人物關係, 同埋羅嘉良宣萱呢個組合其實都睇到有d悶!

之但係…大家唔好忘記呢套劇有我當時剛剛睇完而又出奇地喜歡 (因大家都知道芒姐係唔多buy古裝劇o既) o既“再生緣”裡面o既黃金組合皇甫少華+孟麗君 (林峰+葉璇)…唔清楚來龍去脈o既朋友可以考慮睇番:



1. 2005-6-14(wed) 再生緣




2. 2005-7-4(mon) 再生緣結局篇


…仲要係佢o地唯一一次合作時裝劇 (但聽聞無咩對手戲)…同埋個cast基本上係成個“再生緣”搬o左過去再加多一大jar有份量演員! “流金”o個條年青line, 基本上係俾“再生緣”幾個主角擔起晒…除o左男女主角葉璇同林峰, 仲有o係“再生緣”只係做大配角, 但o係呢套劇已經同佢兩個平起平坐, 甚至擔戲更重o既胡杏兒 (依家更加唔洗講啦…head住晒佢o地…今年台慶女主角仲唔係佢? 不出四年, 佢已經由“躍進女演員”躍升為“最受歡迎女主角”…肥/瘦杏真係一個字: 勁!), 當時o岩o岩上位o既楊怡…年青o個批全部我都幾鍾意, 所以依家都好想睇番呢套劇! 睇番佢o地幾年來o既改變…同埋睇o下胡杏兒扮低b係咪真係扮得咁好, 定係因為低b角色一向都係出位d?!



仲有舊年呢篇o係網上見到內地網友寫o既:
“2005-8-5(wed) TVB三小花三年成長記”

…又係寫得好好, 好detailed, 好精彩…係講番葉璇, 楊怡, 胡杏兒呢三位tvb小花呢幾年上位o既時序…亦都有講到“再生緣”, “流金”同埋“衝上雲霄”…葉璇第一個上位, o係“再生緣”lead住成個cast, 點知後來已經俾o係呢套劇做大配角o既胡杏兒趕上, 再後來亦都係o係“再生緣”做配角o既楊怡都差不多超越佢…所以話去亞視真係無前途! 不過如果佢係為o左北上返祖家拍戲, 可能內地市場又真係大過香港好多o既! 但係無論內地個market點大, 個個都係以o係香港紅到為榮…所以o個d即使o係內地紅到o既藝人, 死都要落番o黎搏一舖先甘心…儘管賺o既錢可能比起內地拍劇少好多!



大家亦都可以睇埋呢篇又係舊年post o既…關於我好buy o既林峰o既事跡:

2005-9-7(wed) 林峰



oh…當然不得不提, 呢套劇仲有我久休復出o既“前偶像”齊浩男嘛…雖然佢o係呢套劇仲係用番佢十多年前被視為好型但o係2002年可以叫好out o既“騎著電單車的黑皮褸” 造型…真係“誰在吻你的口”喇…哈哈哈…

本來之前有個朋友話借呢套劇o既vcd俾我睇, 但係我始終都係覺得追電視劇o個種感覺開心d…我就係咁老套o架喇! 好啦, 終於俾我等到佢重播喇…yeah!




流金歲月dvd現己有售:

“《流金歲月》是TVB 2002年最大製作,特別找來近年最當紅男演員羅嘉良,率領全台最頂尖的老、中、青藝員,打造出這套劇力萬鈞的台慶巨獻。此劇陣容可謂一時無兩,繼有最炙手可熱的男女主角羅嘉良及宣萱,還邀得九十年代的港劇天王溫兆倫重出江湖,配搭近年急劇冒起的新一代藝員林峰、葉璇、胡杏兒及楊怡;還有好戲之人秦沛、黃淑儀、石修及駱應鈞等傾巢而出。除了強勁卡士,此劇更不惜功本前往澳洲取景;讓觀眾在追看緊張劇情時,亦可同時欣賞彼邦美景。

羅嘉良與宣萱兩位曾多次獲選為「我最喜愛的男女主角」的當家小生及花旦,演技當然無庸置疑;他們合演情侶亦廣為觀眾受落。羅嘉良更憑此劇再下一城,獲選為第三十五週年台慶的「我最喜愛的男主角」,兩人亦憑劇中角色獲得「我最喜愛的電視角色」。九十年代曾拍下多套經典劇集如《我本善良》、《今生無悔》及《義不容情》的港劇天王溫兆倫,久休復出再現螢幕,演出依然無懈可擊,沒有令他的一眾支持者失望。新一代力捧小生花旦實力亦不容忽視,面對一眾前輩亦毫無懼色,演出極具風采。林峰、胡杏兒及楊怡等往後更相繼獲得「我最喜愛的飛躍進步男女藝員」獎,胡杏兒更憑此劇扮演智障人士的突破演出而獲得此項殊榮。”


…無錯, 呢篇介紹係我寫o既…雖然我真係未睇過呢套劇…依家, 我終於有得睇喇…!