2009年6月11日星期四

6-11(thurs) 石堅藝壇五十年

哈哈, 一年一度o既港男面試又o黎喇…因為港姐質素又創新低, 可以睇o下港男d騎呢招數補番數…雖然真係好mean, 但蘋果d標題同埋幫d參賽者改o既花名又真係超抵死…「幼齒陳鍵鋒」又真係幾似, 仲有咩「隊啤霍啟剛」,「藍底向佑」,「帶子.紅郎」, 「爆迹 band友」…oh, 真係救命!

同埋請問點解個個影相時都要la起件衫露“胸/腹肌”…佢o地係自動自覺咁做定係記者叫o架?! 我希望係後者啦, 否則真係太恐怖…:p



港男 30℃面試露肉散熱

新一屆港姐佳麗質素偏低,無綫速借港男轉移視線,昨日安排 43名參賽者到將軍澳電視廣播城,為下月 25日舉行的《 2009香港先生選舉》進行首輪面試。一眾猛男在攝氏約 30度的悶熱天氣下爭入圍,未開戰已熱到標汗,紛紛掀衣散熱兼露肉晒肌,表表者有露點又露腩的「隊啤霍啟剛」,騷臍毛及晒紋身的也大不乏人;年年搶鏡的騎呢組繼續笑爆嘴,幸有靚仔組的「大隻王胎興」等拉高質素。

監製何小慧表示今屆學生參賽者增多,昨日面試者中年紀最輕的 17歲,最大的 30歲,大會經第二輪面試後會選出 6名少年組及 6名成年組候選人,並安排他們到內地拍外景。何小慧又強調面試者的紋身若影響視覺未必入圍,表演奇技者也需視乎樣貌條件。

《靚仔組》
大隻王貽興八嚿腹肌


港姐今年質素下降,但昨日港男面試倒有具質素的男士參賽,雖然未經包裝及訓練,不過論外形、自信和整體表現,與過往入圍港男條件相符,應可順利殺入決賽。「大隻王貽興」 Jim任職健身教練,他雖沒有王 Sir的書卷味,卻勝在充滿陽光氣息,穿白色背心的 Jim身形健碩,更在記者面前掀起上衣,顯示朱古力色的八嚿腹肌。

另一參賽者「型版 Ricky Kwok」貌似名模陳嘉容的髮型師前夫 Ricky Kwok,他未有透露個人資料,不過被傳媒包圍影相時大方任影唔嬲。至於「幼齒陳鍵鋒」雖則年紀輕輕,但大方淡定,誠為熱門之選。

《露肉組》
隊啤霍啟剛單點出擊


昨日往面試的一班猛男初見記者時表現拘謹,被問到有何必殺技時,大部份均輕輕帶過,意圖隱藏實力。不過當專車由調景嶺駛至電視城後,眾港男行經無綫停車場準備見評判時,一如往年當正這段停車場小路是表演舞台,尤其昨日天氣悶熱,參賽者落車後紛紛大解放,解衫鈕或掀衣服散熱,露肉各展男人味。

來自加拿大的「隊啤霍啟剛」鄭天樂,上車前笑稱為定驚而邊行邊飲啤酒,到達電視城後,飲到滿面通紅的他騎呢百出,竟然擺出雙手中指齊伸的動作,又扯起上衣騷肥腩及露乳頭,令工作人員猛皺眉頭。「肌版尹子維」和「藍底向佑」也不執輸,露蛇形紋身和肌肉,「臍毛小齊」雖然身形冇睇頭,但就狂跳勁舞兼露臍毛搶鏡。

《騎呢組》
帶子.紅郎夏日聖誕


騎呢友向來是每屆港男面試的中堅分子,今年也不例外。「帶子.紅郎」 Leon雖已屆 21歲,而且正修讀廣告設計,穿紅背綠的他昨日卻要母親接送,其母更向在場記者表示對 Leon有信心,表現比囝囝更勇。

「爆迹 band友」李先生外形令人叫絕,他揹着結他,將一頭真髮梳成假髮模樣,影相時更故意伸脷,由於又熱又緊張,衣服被汗水濕了一大撻。另一位聲稱要保持神秘的「天眼小子」,一直擺出露腋毛的甫士,到達電視廣播城後仍意猶未盡,公開玩體操,擺出一記屁股朝天的多角度彎腰對摺甫士,難度之高令人目瞪口呆。


石堅叔叔逝世, 上個禮拜六深夜tvb重播番92年o既“石堅藝壇五十年”…又幾好睇, 可惜我miss o左一半! 睇番呢個節目, o個時個個個樣都好後生, 但係點解會有梁朝偉做主持? 仲有郭富城添…同埋差d唔記得o左蔡少芬都做過eyt囉!

仲有一段係佢o地成班藝員要rap, 段rap talk內容就係抄當年好hit o既杜德偉“影子舞”o個段…”hi, 你最近好嗎, 身體好嗎, everything alright…”…當年hit到連yet都會搞個rap talk大賽叫d人上去rap呢段o野…大家仲記得點rap嗎?

“Hi 你最近好嗎 身體好嗎
Everything alright
仲有無時時去睇mid-night show
仲係咪咁鐘意羅拔狄尼路
你嘅球拍 你嘅皮鞋 你嘅唇膏
仍然係我度
記得我嗎 有掛住我嗎

Love 你揾到未呀 等到未呀
佢對你好嗎
你仲有冇繼續去讀法文
你仲有冇仍然去做健身
你嘅T-shirt 你嘅身影 你嘅笑聲
仍留係我度
記得我嗎 有掛住我嗎”


真係唔提番起, 都差d唔記得o左呢段曾經大hit o既rap歌囉…又係經典~~~

Image hosting by Photobucket

o係youtube搵到呢段有影子舞o既片段, 係90年台慶表演…全部都係跳得之人, 可惜有幾個已經好多年無咩點睇過佢o地表演跳舞…尤其係阿”electric is her world~~~electric girl~”o既“唔該你啦張立基~”…其實佢d歌同舞真係幾好睇o下~~~


(杜德偉, 關淑怡, 草蜢, 張立基 @ 90台慶)