H-E-J-N-O-M <=> 芒姐再現: 2007年8月20日

2007年8月20日星期一

8-20(mon) 嬌媚的hocc

嘩! 原來今個禮拜有好多都幾正o既重播劇…不過大部份都o係深夜/晨早/黃昏…應該都要錄起晒佢喇!

8月22日深夜3:15播sammi同錢小豪o個套“大頭綠衣鬥殭屍”…勁呀! 93年首播時復活節出o左國唱歌無睇到, 今次可以睇番…雖然民初劇我都唔係十分buy, 大家都知我prefer時裝劇多d!

8月21日朝早5:30亞視又會做“郎心如鐵”…呢套其實都ok好睇! 我記得當年首播其實係因為無記播緊蔡少芬同何寶生套“白髮魔女傳”…呢套真係頂唔順! 但係食飯時間點都要搵d o野睇o下, 於是轉台去亞視睇o下…點知睇睇o下又幾好睇…呢套好明顯係亞視版“海潮”, 成個故事似足八成　吳雪雯就做o左溫碧霞個海潮角色 (n年前睇“忽周”ｏ個d唔開名秘聞, 叫溫碧霞做“一大口氣”…好好笑, 呢個名改得好抵死!)!

仲有依家下午5:55居然重播番播o左唔夠半年o既“十兄弟”…呢套“倉底貨”都算神奇, 新年播時收視奇高, 依家破天荒播o左半年又重播, 食住暑假個尾水!

又o係youtube見到d精彩片段…嬌媚的hocc@反黑先鋒...只此一次的嬌媚!!! 之後佢都無再拍過tvb劇集喇!仲要係做叫“單解心”o既女miss(跟住轉o左做社工)…依家睇番係有d搞笑o既! 我記得推出o既時候d人都唔知佢係邊個 (咁我當然有留意, 因為96年新秀之後已經覺得佢好得…就係99年播緊呢套劇o個期, 成日o係佐敦“澳洲牛奶公司”o個頭撞到佢!)…當時d討論區人成日問佢係邊個, 話佢個樣都唔差, 但有d似隻馬, 不過絕對唔算醜呀…其實我覺得佢o個時個樣唔錯o架喎…唔可以話好靚, 但係都幾清秀呀, 靚過好多女藝人! 同埋以佢第一次拍劇, 真係做得唔差!