2010年2月16日星期二

2-16(tues) 72家租客+畢打自己人結局篇

各位朋友, 芒姐首先o係呢度向大家拜個年, 祝大家虎虎生威, “虎”進“金”來, “虎”中一點甜~~~!!! 恭喜恭喜!!!

今年新年終於應番節睇o左部賀歲片…本來o係“花田囍事”同“72家租客”裡面揀緊 (亦都有一刻諗住兩部都睇晒)…最終揀o左"72"....因為好似o岩我個"電視精身份"多d...淨係認番d電視藝員都已經好忙!

好彩揀o左呢套, o係無咩大expectation之下又幾ok喎…仲要我每一個 (真係每一個) 睇完o既朋友都話比想像中好睇…事關睇賀歲片你不能對劇情有咩要求, 最緊要開開心心熱熱鬧鬧…呢套絕對做得到…仲要劇情唔算太爛, 又有d笑得出的笑位…所以已經算係“超額完成”…抵佢攞票房冧巴溫!

同埋呢套最煞食真係“星光熠熠”囉…好似睇緊電影版"萬千星輝賀台慶"咁...好“目不暇給”! 每一個茄喱啡都好熟面口, 幾乎可以o翕得出晒佢o地個名...好有親切感! 每個場口都o係度搵緊邊個有份做...好忙囉!



最衰miss o左頭五分鐘, 個個都話頭o個幾分鐘反而係最多星…最o岩我o地呢d電視精…話我miss o左好多o野囉, 我連欣宜扮上海婆都睇唔到, 仲有佢o地話一開場係最多林峯囉...今次真係走晒寶喇! 對第二個o黎講都無咁慘, 但我o地呢d作為tbb之友真係錯晒...我d朋友話我必須入場再睇多次先對得住tvb! 好慘…呻笨中~~~

仲以為miss o左頭五分鐘無咩所謂添…點知d人愈講我愈後悔…我入到去已經係做"o靚模"賣電話o個part...都係多星到好眼花撩亂...今次睇少好多星...實在令人後悔!

反而“花田”有好多人話都幾爛o下…本來諗住有我好buy o既吳君如同鄭中基都可以睇o下…點知feedback麻麻喎…有無朋友睇晒兩套賀歲片呢?

仲有"72"最得o既笑位係“玩”番自己…例如“殺人犯+富貴門”個童星譚真一玩番自己, 仲有張學友又扮番自己, 同埋stephy vs 吉澤明步, 胡杏兒 vs 蒼井空…呢d都係好無聊但又幾好笑的笑位…:p

不過“72”的鋪天蓋地式宣傳真係over o左…多到有d膩! 仲有呢期未免係太多王祖藍, 仲有黃宗澤同埋徐子珊…無論係電視定電影都“浸”住係佢o地! 又係一貫tvb式的overdose…之前捧amigo, 鄧健泓同王貽興都係呢一招…就算本來覺得佢o地幾好都睇到煩…何況以上三個都唔係特別好! 王祖藍有talent過佢o地, 但都真係太多喇…“72家”, 新春除夕倒數節目, 勁歌總選, 台慶福祿壽表演, 依家做梗o既“情人眼裡高一d”…都係o個句, 咁捧佢法又係愛佢變成害佢!

仲有我同好多朋友都唔明點解會搵stephy做女主角…佢演技又唔係特別好, 樣又唔係特別靚…你話佢之前佢紅/人氣高都話o者, 依家個勢真係無晒好耐, 仲要呢套戲係捧tvb藝員, 俾stephy做女主角真係一個令人費解的決定! 反而雖然我一般阿鍾嘉欣, 但佢呢套都做得ok, 同埋o岩呢套“tvb電影”個feel…或者搵其他tvb姐仔做stephy個角色會更合適! 應該搵阿法拉啦…又或者依家“情人眼裡”個姐仔苟芸慧都幾靚…不過佢又未夠班, 同埋佢d廣東話好似真係唔多掂!

仲有, 我想問點解十幾年前o既金曲"愛是永恆"呢期會突然翻hit番?! 十大中文金曲又用佢做今年"主題曲", 連"72家"都係咁不停播"有著我便有著你~~~"...?!


(《72家租客》MV)

“畢打自己人”終於做完…我亦終於用o左個農曆年假期睇o左十集一氣口清o左佢!結局老總同社長o個段都幾爛尾o下...好失望! 佢o地o個段原本寫得好好...尤其係未揭發社長係臥底之前...比較內斂但又不失溫馨, 佢o地猜心o個part係真係寫得幾好…但後尾揭發o左 (俾觀眾知) 佢係臥底之後, 已經去到收唔到科o既位...到結局搵個黑社會大佬玩社長又要佢唱歌扮羅文…簡直係爛晒…同埋太為讓佢show off而show off…咁我不如睇番“樂壇插班生”仲好! 都係o個句, 根本處境劇就唔應該太heavy, 搞咩無間道簡直係錯晒!

同埋之前又話陳寶拉會同大哥, 點知最後又係無…仲有icy無啦啦中段被調走o左又係慘…本來佢同gary o個段又係開得幾好o架嘛! 當然最可惜就係無o左大閆生啦…:(

個結局最得o個段係最尾成班演員一齊跳舞+唱主題曲…雖然大部份人都跳得幾生硬o下, 但反而幾有趣…同埋呢一part最溫馨, 睇得人好開心! 欣宜同paula仔都跳得幾好, 馬蹄露亦都出奇地ok喎! 仲有可以第一次睇到好多平時唔多跳舞的藝員跳舞…都幾有趣o下!


(畢打自己人大結局 MV)