9-13(mon) 超級巨聲2終極決戰

嘩…話咁快‘超級巨聲2”居然忽然完起上o黎, 對比起上一輯死唔斷氣, 淘汰完又復活, 跟住又加一批內地參賽者, 玩足半年都未玩完…今次反而好快手, d人都差d未認得晒就快完…夾夾埋埋得o個4個月倒…都唔覺佢入到戲肉就忽然到決賽喇! 所以可能係睇得耐d會對一幫o個d有感情d…!

之前睇訪問趙增熹話一幫實力懸殊d, 二幫就平均d…但我又反而覺得相反喎…一幫有幾個幾好 (好似何紫慧, 王嘉儀, 鄧小巧), 有幾個都唔太差! 但今次二幫就好明顯係林欣彤一技獨秀…頭幾round佢已經遠遠拋離晒其他人, 所以都唔駛點玩…而the rest o個d對比起一幫就反而無咁得…但平心而論, 尋晚其他五強o既表現係好過平時好多好多…我第一次覺得坤哥唱歌都幾好聽, 仲有胡鴻鈞近幾次表現都唔錯! 反而林欣彤尋晚就真係發揮唔到佢平時o既水準…不過呢d比賽好在係持久戰, d評判本身都對佢o地有一定o既觀感, 就算無平時做得咁好, 都唔會影響到賽果! 不過我初時仲tip隊長陳國峰會入到三強添…!



阿mag又真係可造之材o既, 樣唔係話好靚, 但都算討好, 同埋相比起上一輯o既何紫慧, 鄧小巧, 王嘉儀已經算係靚好多…加上佢又真係唱得好過晒一幫o個d添…仲要呢期人氣高企…連我d平時唔多覺佢o地成日睇電視o既朋友都噏得出阿mag, 又話佢實嬴硬…仲要連尋晚去食飯隔離枱都話要趕番屋企睇決賽…你都真係估唔到呢個節目原來都幾入屋吓! 所以話, 依家想紅都係參加呢d “巨聲”或者“星光大道”好過參加港姐/港男…選完都無人識!

要讚吓今次tbb終於從善如流, 上次“巨聲1”最白痴就係決賽居然可以錄播…一早知道晒賽果o既比賽係一ddddd都唔好睇o架囉…今次就真係做到d緊張氣氛出o黎…同埋真係draw到d人特登返屋企睇…當然, 天公都造美啦…尋晚落到咁大雨…想出街都好困難!

但係, 評判隔離o個幾盒月餅駛唔駛咁突兀呀…


Oh, 仲有…禮拜六j2晚忽然重播番今年2月做o個超級巨聲畢業演唱會...都真係算幾好睇...都話呢個節目入屋o架啦!