9-28(wed) 夜來女人香

呢期娛樂直播做緊龍創笙同梅雪詩o既訪問, 點知尋日我o地又好“囂張”地去我個人認為最囂張o既食tea地點—“caf? landmark”食tea o既時候, 居然唔係撞到四哥或者拉姑或者謝婷婷…而係見到仙姐同劉松仁, 仲有被佢欽點出山開“個唱”o既龍劍笙 (好彩淨係得呀刨…最怕o個個呀嗲…佢o既一舉手一投足到好嚇人!)去食tea…可能係想宣傳o下“個唱”呀!

尋晚偶然下睇o左華娛衛視, 俾我睇到葉璇主持o既節目“夜來女人香”, 今集訪問王晶…真係唔錯喎 (當然, 如果你唔buy葉璇咁都無辦法啦!)…自從上次雅典奧運無線派o左佢去做特派記者, 已經覺得佢做主持真係唔錯, 轉數幾快問d問題都ok (至少唔係太白痴)…尤其以國語做訪問好過佢講廣東話好多…我覺得佢講國語真係講得幾好聽喎! 而我呢d國語咁“靈光”o既人, 更加可以借呢個機會學o下國語…不過我都係要睇住字幕先可以follow到佢o地講咩囉!

亦都睇o左少少“康熙來了”訪問twins…估唔到真係幾好笑…小s都幾抵死…唔怪得知佢咁o既樣都可以咁受歡迎!

“人間蒸發”的確係幾好睇, 劇情都幾緊湊o下! 但吳美珩始終都係做d專業人士角色最拿手…今次呢個都ok o既, 起碼好過“開心賓館”個“十下十下”o既角色! 但唔該唔好創作一d懶有趣o既口頭禪…甚麼 “真係好sorry”就真係令人覺得好sorry囉…好突兀! 不過我都係唔好追呢套劇, 事關miss o左下兩個禮拜, 都唔知個故事講咩啦?! 又唔可以錄咁多套…因為“刑事偵”比佢更緊要! 下個禮拜開始上“刑偵2”就更加好睇…一定要追o架…尤其第31集 (美人…記住睇呀!)!

首主題曲仲居然係我喜愛o既廖碧兒主唱…都幾難聽o下…我仲以為係bobo唱o既添! 好彩佢唔係歌星o者! 但無線搵d藝員唱歌, 都搵d真係唱得o架呀…你咁樣即係自暴其短, 玩你d藝員o者! 上次隻“男人魅”其實整體都做得幾好, 希望佢如果佢想再下一城整隻“女人魅”, 都可以保持到水準啦!

仲有, 個四葉女楊[女秀][女惠]d廣東話真係完全唔知佢想講咩…even睇埋字幕都未必跟到! 佢可唔可以練好d廣東話先出o黎拍戲呀?

原來雍雅山房摺o左…好彩我o地前幾個禮拜o係不知情o既情況下去食o左個尾糊! 仲要係tea time唔洗同人逼…勁呀!