2008年6月10日星期二

6-10(tues) 又再會衝上雲霄

各位好耐無見! 終於“遠行”回來, 有時間update o下! 依然未病好, 咳到七彩, 病足一個月…真係唔知可以點?!

嘩嘩嘩! 一睇節目表, 居然發現今晚12:15重播“衝上雲霄”…尋晚larp眼仲係做緊“全院滿座”o架嘛…嘩! 好彩! 差d miss o左! 呢個真係must watch呀…上年偶然“再會衝上雲霄”, 不過睇睇o下又有無再update…今次終於可以睇番晒…既可以睇不嬲大家主力睇o既陳慧珊同吳鎮宇o個part, 又可以睇番o個班後生仔好勵志o個part…oh, 好期待!

由今晚開始又要夜瞓d喇…因為我仍然覺得o係電視集集追同自己上網睇感覺好唔同! 所以重播劇集係仍然令人期待o既…無綫o係o個個時段一而再重播d好戲亦都係明智之舉…雖然讚o左好多次, 不過都要再讚!

仲有, 原來朝早11:45重播“愛情全保”, 呢套又係幾好睇…吳美珩我都好buy, 佢同陳錦鴻又ok襯喎…不過應該睇唔到咁多套劇喇, 但仍然會推介大家睇o下!

又要再不厭其煩地講, “舞動奇跡2”真係幾好睇, 睇d藝員跳舞, 好多仲由唔識跳到識…都幾有趣o下…可惜真係cut得短o左d! 同埋個“亮相”遊戲節目睇睇o下都幾好睇, 但主要係睇o個集邊個係嘉賓, 有d悶蛋嘉賓都真係可以幾悶o下! 雖然個節目真係令我摸不著頭腦, 有咩可能憑d人講幾句就知道邊個係聖誕節生日或者o係唔知邊度出世, 呢d邊有樣睇o架?! 可能中間cut o左好多, 或者有hints俾d嘉賓, 只係無播到o者…不過個節目都ok有趣味性o既…同埋好鍾意o個種“我估你唔到”o既感覺!

又o係youtube搵到d精彩o野…嘩! 呢個版本好經典…真係從來都未睇過, 隻主題曲咁似"六嬸, 三太公"o個隻歌o既...定係直頭係同一隻?


1976佳藝電視 神鵰俠侶片頭曲 (羅樂林&李通明)