2006年3月19日星期日

3-19(sun)《天幕下的戀人》評論之朱樂言篇

又要多謝讀者dor提供新o既niki blog, 仲有一jar bma藝人o既blog, 都幾好睇喎! 不得不讚o下佢o地好識得免費宣傳...唔知係咪林珊珊諗出o黎?! 都係o個句, 如果係佢自己寫, 都算寫得唔錯, 起碼有紋有路...好想睇o下佢o地另一位藝人阿吳唱k會寫成點?! 仲有, 睇完我更加明白點解阿niki會咁得寵...個個entry都珊珊前, 珊珊後, 果然係好識tum人...


http://hk.myblog.yahoo.com/bmanikichow


唔知大家有無睇開朱樂言o係星島o既視評? 其實上年都有o係呢度向大家推介過, 佢寫d視評好抵死好到肉好o岩咀型…寫得比我更賤…一向睇成份星島娛樂版最鍾意都係睇呢一part, 就算睇舊o個d文章都忍唔住笑o左出o黎...可惜自從屋企無買星島之後就無得睇! 咁o岩o係網上search到幾篇…依然咁好睇...梗係要post出o黎同大家分享下! (其實唔知星島official o既網上版有無得睇o既呢?)

以下係佢對呢期我o地最熱烈追捧o既 《天幕下的戀人》評論...呢篇唔算係佢精警之作, 都無咩賤位…但係既然係呢期最hit係“天幕下”, 又咁o岩搵到呢篇, 都要post下啦!

Image hosting by Photobucket

《天幕下的戀人》堅持沙龍帶來清新

希望《鐵齒銅牙紀曉嵐》不會開拍第4輯吧!否則無?必買必播。

任何時候推出,收視一定不好不壞,穩穩定定29點或30點,用來攝期,可能比阿姐做大狀或者元彪扮小子更穩妥。過年期間,無風無浪度過,通常每年收視第1個高峰會於春節後出現。2006也不例外。

《施公奇案》結局篇收視躍升至32點以上,歐陽震華無負福將之名,有軟有硬,查案中有奇情有輕鬆情味,郭可盈喜劇做到出面,連陳浩民也洗底翻身,楊怡亦突然生猛活潑起來,還有扮演IQ博士的枕神,將老幼男女觀眾一律殺晒,證明此類戲種長拍長有。《洗冤錄》如是,《施公》如是,時裝版的《法證先鋒》又如何?歐陽震華能否再顯奇功,力逼一哥郭晉安?

8點鐘劇集《天幕下的戀人》牌面看似麻麻。一女二男浪漫愛情,輕輕淡淡、陽光檸檬茶Feel,追看性怎及殺人追兇審埋佢?但偏偏近期古裝劇充斥,無線連亞視晚晚合共炮製6小時抽離世界,太多皇帝、門派、威也,忽然天幕下見個戀人,怎不感覺清新?周麗淇這小妮子行運了。

首周收視估計達30點,非常理想。鏡頭全沙龍,靚女又特別多,唐詩詠、何綺雲、楊秀惠、湯盈盈.....個個花枝招展,背心衫仔於商場行行企企,就算劇情起伏不大,但已足夠賞心悅目。

攝影美,包裝好,但勝負仍繫於主角魅力。

周麗淇情陷鄭嘉穎,還殺出戇實青年黃宗澤,3個都剛上位,能否牽動觀眾追看?

Image hosting by Photobucket

周鄭稱職,黃執不上好籌

周麗淇觀眾緣曾經有過起跌。

《秀才遇著兵》一鳴驚人,全世界都熱愛拾義妹。但台慶頒獎一役,又遭傳媒炮轟,獎項不算實至名歸,上台又哭得假云云....幸好地一直低調回應,未致將事件鬧大。

《天》劇轉戰時裝,傻大姐Feel盡力保住,但畢竟現實世界,誇不來,喜劇感便稍遜。不過她始終年紀輕 [芒姐按: 原來我o地仲可以叫年紀輕?! 睇完真開心!],少女味滿瀉,無線花旦甚少此類型,她便能帶來新鮮感,其實鍾嘉欣也有相同潛質 [芒姐按: 呢個完全不敢苟同!],可惜運氣不濟,下一齣擔正又遇上「車震狼男」梁榮忠,難以睇好。反而周麗淇精挑適合戲種,少女憧憬浪漫愛情,但情郎愛錢如命,日日諗上位,身邊又有癡心拙樸青年肯廝守一生,少女應如何抉擇?

講愛,講心事,但劇本未算細膩,少女情懷似由男人角度編寫,與年前經典日劇相比,仍有一段距離。但製作水準實在好,能將朗豪坊夢幻化,水牆下周麗淇拉小提琴,鄭嘉穎陪練陪聽,的確有詩意。周的店鋪雖然閃得過分耀眼,但全劇堅持沙龍優美,這份執著,也確實令觀眾容易投入一段段童話愛情。

鄭嘉穎進步了。做靚仔主角,本是小生大忌,但他淡淡定定,不刻意、不造作,總算拿得穩,比起林文龍自覺正氣 [芒按: 呢個好認同呀!!!],鄭勝在自然一點,不過要進一步上位,脂粉感覺應要洗脫更多,像古天樂當年曬黑鏟個平頭又如何?[芒按: 唔係已經曬黑o左啦咩?]

黃宗澤這一趟執不上好籌。

他演技蠻好,可惜角色性格脫離現實,戇得太誇,根本難以入信。結果三角戀一定乏力,結局篇便難以扯高收視,是計算有誤?抑或太偏愛鄭嘉穎,將萬千寵愛集於一身?

這一套劇,綠葉依然好。

首屈一指的,是夏雨。自《甜酸爺爺》後,魅力回歸,他演主角父親一定無敵,比起許紹雄愈演愈失光采,羅冠蘭更慣於交行貨,夏記的戲,最穩妥。另外,值得一讚是不太起眼的唐詩詠,演四眼細妹,不但再賣青春美麗,演技漸漸入心,不去搶戲卻自然有戲,這小妮子有可捧潛質,各監製若眼睛雪亮一點,勿錯過![芒按: 呢個我亦都不敢9筒…我覺得阿勁嫂d戲反而愈o黎愈差喎…同埋綠葉有咩可能唔講大家姐呀?…不過呢篇可能係劇集初段時o既評論, 大家姐o既表現, 佢未睇到!]