2009年7月11日星期六

7-11(sat) 一周有趣娛聞

嘩…睇完套“勁金歌曲”, 被一片八十年代o既氣氛籠罩著…於是繼續上網search o下關於呢個舞台劇o既資料, 先發覺原來上年903曾經改變o左呢個舞台劇做廣播劇, 由”男裝版”變成”女裝版”, 叫”最好的時光”…仲分開幾part播, 好似下個星期又會有喇…其實個題材令我幾想聽, 仲有好多八/九十年代o既歌…可惜播出o既時間真係完全唔o岩我…唔知如果唔係netvigator用戶, 仲有無方法可以聽番商台d節目呢?!

呢期d新聞雖然悶, 但悶之中又帶點騎呢…陳柏宇o個單都夠搞笑o架喇…但最抵死係仲要搵佢上去太平山影相…洗唔洗咁啜核呀…詳情請看…

“陳柏宇昨日到扯旗山拍照...”

仲有…今年d港姐真係好醜好醜o下…當然, 我明白呢個年代真係靚女o個d又點會去選美, 但係…其實d水準又真係唔洗咁呀嘛? 畢竟我細個時真係港姐選舉 (其實正確o黎講亞姐我都好落力去睇, 又或者係所有大show都係) fans...陪佢o地玩足兩個月, 由準決賽落力睇到決賽, 仲買晒d雜誌睇添…到宣佈冠亞季軍o個一刻, 個心仔仲同佢o地一齊跳埋出o黎…但係依家…你叫我用三個鐘去睇佢呢個show, 都有d覺得o徙o左…要係咁fast forward先可以完成…點解港姐選美…會~變~成~咁~~~~?

同埋其實我一路都想問, 記者成日形容7號鍾溥敏係“鉛筆擦膠頭”…咁, 即係點呢…我唔明?!

仲有仲有呀…之前睇報紙話原來志雲大師有個fan club叫「迷雲黨」...我覺得個名真係超得囉, 好啜核...係咁多個fan club名之中最爆的一個! 睇到之後真係自己同自己笑o左一陣…掂!

而呢單亦都幾好笑…
“收示愛Pizza唔敢食 志雲自爆遭神秘女狂追”…

陳總又自爆近日有女士追求自己,但唔係開心,係覺得好驚喎,佢話:「呢個女士行為怪誕,sms之外仲有 e-mail,咁都唔止,佢仲相約見面,但我就唔肯定呢位女士係邊個。」原來呢位女士前幾年已經有行動,但近日追求行動變本加厲。

陳總話幾日前呢個神秘女士送咗個 pizza去寫字樓畀佢,仲留字話自己都喺地球某地方食緊一樣嘅嘢,陳總當然唔敢食呢個批啦,仲原個退番畀間餐廳。聽講呢位「癡女」成日喺街度流連,希望見到陳總一面。不過今次就真係神女有心,襄王無夢喇,因為陳總話唔只驚咁簡單,仲覺得好似俾人滋擾咁,仲話就嚟要請保鑣㖭。


最後呢單, 令我對王喜“另眼相看”…王喜原來幾"funny", 難怪佢可以成為"迷雲黨"一員! 平時我唔太buy佢, 不過今次佢好得! 短短幾句已經中晒紅心…尤其係"王喜聞言頗大反應,反問收視若跌至 20點是否要斬首。"同埋"唔係朋友就叫不和咩?咁同 13億中國人都不和啦,我同嘉穎係同事。」”…寸到呢…我鍾意!



由王喜及鄭嘉穎等主演的無綫新劇《烈火雄心 3》,本周一首播平均收視達 36點(約 229萬觀眾),王喜昨日接受商台電話訪問時表示早料有好收視,但當提到嘉穎前日謂收視若到 40點,就會着三角泳褲慶祝,王喜聞言頗大反應,反問收視若跌至 20點是否要斬首。

感觸落淚

兩人早前已屢傳不和,問兩人是否不和,王喜說:「唔係朋友就叫不和咩?咁同 13億中國人都不和啦,我同嘉穎係同事。」講到早前他在《烈 3》記者會上忽然哭泣,他解釋由第一集到新一輯經歷了11年,所以才一時感觸。