1-26(thurs) tvb大晒冷(上)

嘩! 好勁呀! o係狗年來臨之前, 我收到咁多年來收過最稱心的“新年禮物”…好興奮! 雖然對好多人o黎講, 呢d禮物可能平平無奇, 一d都唔吸引…但禮物從來都唔在乎佢o既價值, 而係o個份心意…同埋正所謂:“甲之xx, 乙之砒霜”(唔記得o左添)…呢幾份禮物, 簡直係為我tailor-made啦! 多謝晒amy姐姐, 亦都循例多謝埋yesasia啦 (抵我咁落力幫佢宣傳)…哈哈哈!

講緊o既精美禮物, 之唔係今年tvb o既官方月曆同埋官方利是封!!!


收到呢幾兩份精美禮物時, 唯一o既反應就係: 嘩! 嘩! 嘩! Amy姐姐話未見過人拿住tvb月曆會咁興奮, 話睇得出我真係好開心, 一定要影低佢番去俾ya的人睇!

作為一個標準tvb fans, 由細睇tvb睇到大, 六叔就好似我親人一樣…但係, 我從來都無辦法得到佢o地o既官方月曆! 每年睇tvb周刊講官方月曆拍攝花絮, 報紙又一定會有好大篇幅analyze邊個有份拍月曆, 邊個無得留低…又講今年係咩主題, 一月份係邊個, 二月份係邊個, 邊個花旦拍邊個小生, 邊d新人今年入圍…官方月曆…可以話係每年邊d藝人受力捧o既指標! 每年都好想可以擁有一個 (至少睇o下都好呀), 但每年我都得個恨字!

一路都唔知點先可以拿到? 我諗呢d官方月曆唔係用o黎送俾一般市民 (即係去參與tvb節目係唔會送你官方月曆乙個, 只會得到edo餅乾或洗髮水), 相信係係用o黎送俾廣告商或者distributor…估唔到…今年終於輪到我! 希望年年都可以擁有一個! (雖然真係太大…暫時唔知可以掛o係邊度?)

原來今年係兩個月一頁, 仲以大晒冷形式, 夾硬塞好多人入去硬銷俾你…以前興一個小生拍一個花旦做一頁, total 24個藝人可以金榜提名…當然1月o個兩位係最紅, 7,8月暑假就俾d young d o既藝人…而呢幾年開始就層出不窮, 咩都試過! 今年就玩人多同大雜會, 亂咁拼d藝人, 主要係幾個大牌帶幾個新人…但sorry, 封面o既港姐+一大推不知名人士, 有幾個連我都唔識! 值得一提係連范鎮鋒都入選…但係大家研究過點解人氣急升o既湯盈盈會無份影? 相信應該係拍月曆時佢未急升, 同埋佢o個時未簽tvb經理人約!)

oh, 個封面仲有:“38周年人氣所在創新天”字樣添…勁呀!!!



其實相比起個月曆, 我更鍾意d精美利是封…因為真係好精美! 靚到呀…! 上個月o係報紙見到介紹呢d精美利是封, 我都被深深吸引到, 但亦都係得個恨字…點知, 最終我居然可以據為己有! 相信呢d利是封無人捨得用o黎派俾人, 只可以用o黎珍藏…哈哈! 不過既然我有幾?, 或者會考慮o下同其他同樣地熱愛tvb o既朋友分甘同味! 真係送禮自用樣樣皆宜!


(狗年大利是封一pack八款, 美輪美奐…係八大力捧新星! 我將佢排o係前面o個行o既係8個之中比較鍾意o個幾個…雖然已經都唔多likey吳唱k, 但男o既幾個都唔多掂; 女o既反而除o左低能q楊思琦小姐之外, 其他都ok, 所以好難揀!)

不過無線o既排位同我o既喜愛指數已經好唔同…首先係佢o地擺o係封面同封底o既分別係: 楊施肥+吳唱k, 另一pack係: 胡杏兒+黃宗澤…但我最喜愛o既係林峰同廖碧兒 (楊怡都ok)…舊年仲係林峰紅過佢o地好多o架嘛…依家已經俾mk wong同吳唱k迎頭趕上!

仲記得2004年o既"奧運六星”嗎?! o個時我力讚o既林峰仲係“六星之首”…依家mk wong同吳唱k都有得出個人大碟喇, 反而佢仲未有…明明佢係唱同跳得最好o個個! 真係時也命也!

更慘o既係陳鍵鋒, 雖然佢“跳舞似食o左軟骨散”, 但除o左林峰, 佢都算好ok, 又talk得又唱得 (ok啦), 做司儀就係佢最好, 外型都幾討好…奈何佢外型太正氣, 唔o岩呢個興邪氣o既年代…好似方力申紅極都唔係好起到! 當年佢同林峰做“律政新人王”, 其實都應該上到位…佢個角色斯文靚仔, 雖然最後變o左奸仔, 但整體o黎講都幾討好…又係奈何林峰個角色比佢更加出, 又鬼馬又抵死…煞晒! 呢套紅唔到都唔緊要, 到 “衝上雲霄”反而紅o左吳唱k, 後來連mk wong都上埋位…佢就原地踏步, 甚至馬國明都多機會過佢! 依家佢仲話要離開無線…哎! 我唔覺得佢離開tvb會有更好o既發展…不過俾o個班o靚仔一個一個趕上自己…又係嬲o既!


(呢d利是封除o左顏色鮮艷, 背面仲有各個演員o既資料…例如:“廖碧兒農曆新年最想做什麼?”答案係: “同家人和狗狗拍一張family合照”…真係好有聊!)

後記: o岩o岩打完呢篇日記, 走去睇我睇o左好多年, 網上最多人瀏覽o既帶銀公主網頁 (我覺得如果kellyjackie係網絡神話, 咁肯定帶銀公主係第一代o既網絡神話囉…o係網上有邊個會唔識得佢?!)…居然咁橋佢今日都講緊呢樣o野…好橋! 銀姐姐, 我相信我o地呢期真係有d緣份!

(其實上次介紹"果珍"時, 都有推介過佢網頁內其中好受歡迎o既一part!)

(待續)