2006年3月30日星期四

3-30 (thurs) 人生馬戲團+朱樂言舊視評之...《心花放》 戲味薄弱,演技搭夠

仲有兩日就係4月1日…愚人節, 亦係哥哥逝世三周年! 咁就三年喇…呢排電視台又有好多紀念哥哥o既節目, 但點解梅姐死忌反而無咩紀念特輯呢? 係咪因為哥哥o既死忌o係呢一日, 所以大家特別記得?!

larp左少少套"人生馬戲團", 除o左幾個唔討好o既主角之外, 我淨係有兩樣o野想point out...1) 歐錦棠個假髮好假...不過地中海又真係男士大忌o黎o既; 2) 李影個女同佢一d都唔似樣, 不過佢作為新人都演得幾自然 (絕對好過鍾嘉欣), 同埋佢個咀形好得意...佢maak大口大笑時有d令我諗起心形咀梁佩瑚 (雖然梁佩瑚靚好多!)…仲有, 點解楊施肥個男友李泳豪依家套套戲都要做d flash back劇情o既人物, 連正常角色都無一個做?!

上個禮拜o係中環分別見到陳豪同朱慧珊...陳豪o係starbucks迎面咁行過o黎, 係幾有型o既! 朱小姐呢個年紀都keep得非常唔錯, 我覺得俾上鏡靚好多添! 跟住夜晚o係擺花街附近又撞見無線隊crew o係度拍戲, 但撞正落雨, 大家?晒o係度等...可惜唔見有任何主角, 只有大家可能見到都o翕唔出名o既彭冠中, 戴耀明同王德斌(呢個應該o翕得出名o既)! 後來睇報紙, 見到話邵美琪o係擺花街拍"CIB刑事情報科"...oh, 點解咁o架? 點解我只係見到一眾男茄喱啡, 而見唔到我偶像邵美琪o架?! why...??!??!??!??!??!??!??!

o岩o岩睇o左篇宋芝齡訪問, 有無人覺得佢個樣有d似梅小惠呢?


一年後睇番對呢套劇o既評論, 依然記得當時網上不停有人forward出去的陶大宇"一號表情"!!!

-------------------------------------------------------------
《心花放》 戲味薄弱,演技搭夠
-------------------------------------------------------------

原意應是心花怒放。但沒有怒,只剩下《心花放》,顧名思義,全劇應沒有戾氣。但算不算喜劇?不太像吧!陶大宇眼神永遠淩厲、聲音沈厚認真,重遇細佬是天大的事,淚常泛眼中,似流未流,但最厲害是深情的態度,他望住陳豪的一剎,我會以為,他是「基」的。 [芒按: 呢句笑死我...尤其諗番陶大宇d表情!]

我明白,《青出於藍》的他,不算跑出。喜劇感始終不及歐陽震華自然入屋,不如用回最擅長的伎倆,就是「認真」。他的認真,令《刑事偵緝檔案》成為戲寶,總之他認真地查案,推理找兇手,聲音抑揚頓挫、條理分明,觀眾就感覺好戲,然後最記得他深愛的郭可盈失憶,他在機場中心呼喚她,愛得徹底、愛得認真,觀眾對這段情就難忘……終於造就了一對90年代的經典熒幕情侶。 [芒按: 哈哈哈哈哈...呢段好o岩咀型...都話佢係同我地同年代o架啦!]

年月逝去,最佳拍檔又再登場。郭可盈盡量活潑、可愛、精靈,令《心花放》又好像多點喜劇味道,但她始終不是搞笑人才,笑料擠不出,但戲一定穩妥,開間花店的小女子,有何難度?不嫌她太瘦的話[芒按: 又係bingo晒!],與陶大宇仍算登對,二人的戲滿有默契,只是戲味太淡,三角關係又早在意料中,追看性不大。

陳豪的努力,觀眾會感受到。他憑梅小青的《絕世好爸》令人刮目相看,這一趟有意再斬四兩,但角色性格為趣味卻差得遠。陳豪惟有放棄喜劇味,寧取紮實演繹,他與陶大宇兩個大男人確實有點火花。只嫌劇情不大合理,細佬失蹤事件漏洞不少,而且兩兄弟如何親愛又缺乏細緻鋪排,只靠一閃再閃的兒時畫面,觀眾如何感動?

戲味薄弱,但有好戲之人,始終能挽回。《甜孫爺爺》是好例子,看《心花放》能否再下一城。