2010年1月6日星期三

1-6(wed) 美麗高解像

終於o係假期一口氣睇埋十幾集“美麗高解像”…其實係幾好睇o架, 事關真係好多娛圈料爆…再加埋之前睇雜誌講番邊單料係代表咩人, 更加可以對號入座, 所以更精彩! 但一日又真係不能睇太多集…因為真係太heavy (我估唔到呢d非長劇都可以咁heavy)…人人都衰到貼地, 奸到出汁, 爾虞我詐…仲勁過“宮心計”!

不過我又真係估唔到佢夠膽爆得咁盡, 連自己公司制度都爆埋! 仲有講逼藝人續約, d藝員點吊吊高o黎賣去傾約, d姐仔點樣爭上位, 互摑, 媾pa, 劇集鬧雙胞, 同記者夾新聞, 打botox, 連“愛的紋身”都玩埋…咩都夠膽爆...tbb劇之中好少見...呢個真係要讚o下!

至於邊part影射邊個…可以睇o下呢篇…直頭覺得自己睇緊heavy版“娛樂插班生”…

無線劇《美麗高解像》影射娛樂圈 矛頭直指樂壇

港劇一向有幾大穩賺不賠的定式橋段,包括有豪門爭産、影射名人、宮廷戲鬥法等等。《宮心計》玩完宮鬥後,無線悄然再起影射風,正在熱播的《美麗高解像》,熱拍的《情人眼裏高一D》就赤裸裸地影射了圈內不少藝人,觀衆邊看邊猜測劇中伍詠薇整容成狂有鄭裕玲影子、陳敏之沉溺毒海自毀前程就像是在說衛詩,特別是《情人眼裏高一D》日前拍攝的一段陳山聰起飛腳踢中黃宗澤的戲碼,豈止是影射曹格暴打側田,簡直是血淋淋的惡搞了。

  《美麗高解像》:
  無線自己玩自己

  以曝娛樂圈黑暗面做賣點的無線新劇《美麗高解像》,首周平均收視只有26點,但劇情影射圈中藝人卻充滿話題性,還涉及娛樂圈一些不為常人所知的秘聞。

  影射一:汪明荃掌摑戚美珍
  《美麗高解像》播出第4集時,講述站穩阿姐地位的伍詠薇,因與新上位花旦徐子珊素有積怨,借徐子珊被摑反應欠佳而不斷要求重拍,結果徐子珊被伍詠薇摑了39下。而香港藝人梁思浩日前爆料,當年自己拍劇飾演正印和狐狸精的兩名花旦,私下也有恩怨,因此兩人借一場攤牌戲大力互摑對方。梁思浩說:“她們一向都有仇,有人還說是扮演正印的女藝人主動找編劇構思這場戲。”

  據悉,梁思浩所指的正是上世紀80年代的金裝劇《大都會》,劇中飾演梁思浩父親的鄭少秋有太太汪明荃和情婦戚美珍,兩人也有一場互摑戲,而且演得掌掌到肉、十分逼真。知情人士表示:“那時阿姐同何守信拍拖,兩個都有做《歡樂今宵》,而戚美珍剛剛念完訓練班就加入,被當時比較花心的何守信特別照顧,阿姐覺得戚美珍是威脅,所以一直不喜歡她。不知是否因為這個,所以拍《大都會》的互摑戲,她們都來真的。”

  而早前戚美珍亮相阿姐節目《至8女人心》時,兩人不肯合照。阿姐被問到此事時更大發脾氣兼失憶:“那麼久的東西誰記得呀。神經病。”戚美珍則通過助手回應:“這部戲已經是很久之前的事,以前的事真是只有笑一笑而已,不回應什麼。”至於《美麗高解像》監製徐遇安被問到劇情是否影射兩大阿姐時,他答得曖昧:“劇情圍繞藝人圈子而已,大家未必要對號入座。不過,我都感覺到最近回公司,同事對我沒以前熱情。”

  影射二:宣萱出賣陳芷菁
  《高》第5集講徐子珊被伍詠薇狂摑後憤憤不平,聯同好友陳敏之向監製投訴,還要挾辭演。監製向伍詠薇施壓,伍詠薇約陳敏之到家中吃飯離間,結果陳敏之放棄追究,徐子珊自覺被出賣與之反目。此劇情疑似以陳芷菁與宣萱反目為藍本。陳芷菁與宣萱1998年同時被無線邀約談續約,有傳當時宣萱教陳芷菁“吊高價錢”,對續約採取拖字訣。誰知宣萱回頭就答應續約,陳芷菁則不獲續約且讓無線高層大為反感,陳芷菁無奈轉投亞視,與宣萱反目。陳芷菁被問及是否曾被好姐妹出賣時,她避重就輕:“不記得了。”

  《情人眼裏高一D》:
  矛頭直指樂壇

  劇情描述“醜男”王祖藍扮演的恭因銅(影射鍾欣桐)會變身成“俊男”黃宗澤飾演的“廑力信”(影射陳奕迅),與徐子珊扮演的“謝安腓”(影射謝安琪)發展感情,而小儀的“荊止高”(影射丁子高)也與變成“美女”的苟蕓慧扮演的“楊仙華”(影射楊千嬅)結婚。近日黃宗澤、陳山聰及徐子珊在拍戲時,陳山聰追着黃宗澤,爭吵場面模仿曹格與側田街頭互毆,扮演曹格的陳山聰不斷挑釁扮側田的黃宗澤,陳山聰更打開的士門起飛腳踢他,之後兩人在街頭互踢,還好被徐子珊喝停,她一怒下踢了陳山聰一腳。當時場面逼真,吸引數十人圍觀。


真係唔講都唔記得咁多娛樂舊聞…不過陳敏之又未必係影射衛詩…因為呢套戲好似拍o左好耐, 連畢打gary都只係做o下記者甲乙的角色…睇番資料好似2008年已經拍好, 衛詩同關楚耀單o野09年先發生, 所以我覺得未必係指佢o地…反正成個娛樂圈大把人啪丸…應該係泛指成個現象! 不過雖然娛圈多人吸毒同埋呢套戲係由“香港特區政府保安局禁毒處及禁毒常務委員會贊助攝製”…但又唔駛講到人人都食咁誇呀? 仲要三場唔埋兩場就講吸毒…太有說教意味反而有d煩…似etv多d!

同埋阿may may梁政珏唔知點解醜樣o左咁多?! 佢做“同事三分親”時雖然係扮純情同埋個look好娘…但感覺討好好多…依家個人瘦o左反而唔靚囉!

仲有, 晏晝唔覺意睇o左d“真情”, 發現呢套劇基本上係“真情”o既班底囉…全部上一輩的演員都係“真情”o既cast o黎o架…苑瓊丹啦, 駱應鈞啦, 黃智賢啦, 馬蹄露啦, 顏國樑啦, 林漪娸啦, 于洋啦, 馬海倫啦, 楊英偉啦…etc…跟住先發覺, 原來呢套劇o既監製徐遇安, 正正係“真情”o既監製! 忽周話姐仔媾pa o個段…係影射做“真情”而為人熟悉o既o既滕麗名…

仲有仲有, 麥包同伍姑娘係咪變o左螢幕情侶…仲有徐子珊同王祖藍呢?

但其實我唔係好明點解短腳狗會無啦啦咁鍾意高青? 仲有, 陳敏之明明一開始係好善良, 就算你話環境逼成佢要變得工於心計 (btw, 我一路以為係“攻於心計”…直至睇到字幕再check o下…hoho!)…都唔駛一下子變到咁衰…都無咩舖排到佢點樣忽然變奸o既! 同埋阿展鳳姐又駛唔駛咁害高青呀? 電視台咁多新紥姐仔, 佢要花咁多心機逐個害咪好辛苦…摌除得幾多個呀?! 所以呢套劇雖然都幾寫實同埋幾有趣…但有少少over o左…同埋睇得人好辛苦, 因為人人都太奸太陰險…我諗個ending會係悲劇中o既悲劇!

不過我真係想讚o下苑仔做得好好, 估唔到佢做呢d賢淑好媽媽咁稱職…好少見咁認真o既佢…再對比番下午“真情”o既低B琼…真係兩個佢都好得! 仲有到flash back番佢未跛前個奸o既佢亦都做得唔錯! 當然, 伍姑娘亦都好得! 但阿萬夫人林漪娸做戲依然有d嚇人…雖然佢做時裝已經好過古裝一千倍! 同埋佢同曹永廉o個段情真係…oh…我初頭以為講阿尹小生係為o左貪佢d錢, 但原來真係鍾意佢…仲難接受!

仲有阿cally今集仲會當眾失禁咁嚴重添…tom tom唔係應該啪得多過佢咩?!

同埋我想講, 徐子珊初段o個個星星髮夾真係好肉酸! 仲有黎諾懿d鄉音加懶音幾時先可以改到?! o係佢未改到之前, 可唔可以唔好再俾佢做主角?! 真係聽得人好辛苦!